沖繩那霸機場遇見的港人態度

ADA

沖繩那霸機場遇見的港人態度 :
排隊入閘時排在我後面的是一家四口, 父母加二名兒子. 年紀大約12~15歲,
憑小弟在港的人生經驗, 他們應該全是土生土長的香港人...絕不是大陸人.
但行為上二位公子出奇地充滿大陸人態度 !

話說那二位公子各人一部 IPAD mini 大玩特玩平板遊戲, 他們企位方式同大陸人一樣 .... 鍾意人貼人,
那二位公子站在我背後的空間大約只有2cm !  <-- 基本上我只要一郁, 就會撞佢

問題是他們完全忘我地玩平板, 試過"隊"到我幾次! 我終於頂唔順, 另轉頭同佢講 : 你頂夠未呀!
點知出聲的是佢母親! 佢居然同我講 : 先生, 佢地只係細路仔, 你使唔使咁大聲鬧佢地呀!
一睇就知遇上怪獸家長! 當我未回應時, 佢老豆就出聲 : 呀仔, 你有冇撞前面個人呀, 如果無我就打佢架啦!

嘩! 一開聲就係打人! 呢個重唔係怪獸老豆!
好彩個死靚仔都認撞到我, 所以怪獸老豆無出手打我!

當然事件未完, 我直接了當地同佢地講 : 先生你呢D怪獸家長畀D心機教仔啦,
你咁嘅態度同大陸 style 無分別, 你呢D態度重有大把人等緊你去打! 我就唔得閒同你玩了.

我不理佢, 而那二位公子之後排隊期間都無再打機了.

總結 : 香港的小朋友真係愈來愈大陸化了, 怪獸家長永遠在身邊! 我無眼睇了.

shc34

12~15歲 都唔算係細佬仔...
我當佢係細佬仔 可能真係唔識禮貌{:9_437:}
但係家長的回應實在太種壞細佬
令到小朋友溫室長大, 成為港孩

manblood

而家好多人都唔理人地感受,而且又有大人護架,..更加离譜,真系乜人都有,開口就話打人,可想而知佢呢口的家長文化水平幾高!
其實你做乜野,系好自由,基本上無人理你,但好多人蘇擾到人地都覺無乜事先奇怪,
響戲院大聲講無聊電話,長途巴士大講自己生活所事,...呢0的人真系小喇叭,祝他早死早超生!

joe_76

我有一次見到有兩個"好可愛"小朋友一齊把食完無味既香口膠吐落地下，一心以為佢老母即時丙佢同執番啦...吖我頂！...佢老母竟然話﹕衰仔！做咩吐香口膠落地下，要罰千五蚊架...

我最想講係...點解佢老母唔同個小朋友講我地係有責任及義務去保持地方清潔？點解要同佢地講果1500？係米平d就可以吐多d？

P.S. 佢老母係強國人...

dlcc

我唔覺香港人越來越大陸化，只可以話香港人一向係咁。
我反而覺得大陸人越來越香港化（係指態度方向）。
香港人以前鍾意到內地吃喝玩樂，成日見到香港人對內地人嘅態度…真係當狗咁鬧。
時移勢易…

因工作關係經常中港日四周圍走，在日本工作期間聽到日本人對香港遊客嘅睇法。

以前內地遊客未可以好似現在咁可＂比較自由＂地去日本旅遊前，日本人對香港遊客嘅睇法係… 。
只係現在有部分失禮嘅內地遊客墊咗香港遊客底。

香港遊客係好多日本人心目中係…唔禮貌、無規矩、自私自利。
現在好多日本人心目中香港遊客地位無提高過，只係出現咗更差的內地遊客在香港人之下。

RiceR9

人富裕, 讀得書多左....就應為自己地位都高左...
因為佢自我感覺高左, 所有事及人都要以佢為中心, 為佢而改變!!
忘記左"禮貌及尊重"係無分高低....而且是相向的!!

我覺得....."顧客永遠是對的"  教壞好多人

keke323

人不犯我...我不犯人....呢個係我做人既中旨....
但佢老豆咁講野想點 {:9_422:}
撩交打 {:9_419:}
比著我真係唔洗忍......直接 x 佢.....
夠姜你就郁手

ADA

在怪獸家長眼中, 無論個小朋友幾多歲, 佢地都係小孩子,
就係因為有這種思維, 所以在這類家庭長大的孩子永遠是小孩子!


講開玩平板 PAD, 其實好多時收工搭港鐵時, 車廂內已經超迫,
但好多朋友打死都要用塊平板來玩, 就算"隊"住人都要玩! 重點是完全唔覺有問題 !
如果你啤佢, 佢地會專登"隊"前D的!
究竟呢班人嘅心態係乜呢?

照計讀書時老師一定有教過公眾地方不要做出影響到其他人的行為架喎 !!!???

jt24

竟然喺子女面前話打人，睇嚟佢係黑社會大佬嚟喎！佢兩個仔應該都遲早入埋會，真係恭喜晒佢囉！有子繼承衣砵...........

StoneAge

而家好多香港人越來越自私自利
坐車見到老人家或大肚婆或手抱bb的都唔會讓位