BEYOND精選再黎 - BEYOND 30th Anniversary 3CD+DVD

kh22

E隻九成既歌都有,反而想買101果隻,因為Kinns至Cinepoly的歌差不多齊哂,又有演唱會DVD,究竟边隻好D?

fetch

已入，好多sidetrack之前都無，百幾蚊已值回！

yuppi

相比起 25th Anniversary 3CD, 個人覺得 25th Anniversary 歌曲比較有誠意同冇咁掠水......

porkballs

yuppi 發表於 2013-7-28 23:45
相比起 25th Anniversary 3CD, 個人覺得 25th Anniversary 歌曲比較有誠意同冇咁掠水...... ...

TVB 肯比唱片公司用既MV ,都唔慌收得平.

呢D歌, BEYOND FANS 早就齊, 要買相信都係為左D MV

yuppi

porkballs 發表於 2013-7-29 09:29
TVB 肯比唱片公司用既MV ,都唔慌收得平.

呢D歌, BEYOND FANS 早就齊, 要買相信都係為左D MV

我本身吾係Beyond fans, 當年買廿五週年因為佢份誠意，包含從未發表及從未CD化歌曲，用當時最高DXD混音技術，3CD只售百二蚊左右。

其實呢類紀念版CD如果出得有誠意一樣可以吸納到一大班非FANS購買。

今次呢套好明顯各唱片公司講吾掂數，三十周年竟然冇海闊天空，真正FANS只有焗住俾錢，非FANS真係吾知買吾買好，一首咁有代表性既歌竟然冇包括在周年紀念版內，唱片公司係真正用心去紀念，定係純粹揾銀，留俾大家自行判斷。

porkballs

yuppi 發表於 2013-7-29 10:30
我本身吾係Beyond fans, 當年買廿五週年因為佢份誠意，包含從未發表及從未CD化歌曲，用當時最高DXD混音技 ...

其實首歌都出過幾百次, 如果華納真係唔肯比版權,咁環球都無計架,人地華納自己都要出,無理由乜都比曬你, 而且套精選又唔係真係無海闊天空, 都有個TVB珍貴MV, 都算補番數.

唔聽BEYOND根本唔會買, 都會聽既,屋企都大約會有一兩套精選, 而且你套25週年都買左, 都唔駛咁緊要呢隻歌者.

yuppi

porkballs 發表於 2013-7-29 10:42
其實首歌都出過幾百次, 如果華納真係唔肯比版權,咁環球都無計架,人地華納自己都要出,無理由乜都比曬你,  ...

吾係FANS吾等於吾聽佢地d歌。

我既重點: 呢套吾係一般精選碟，而係周年紀念版。

如果佢叫做新藝寶三十周年紀念版，咁又完全貼
題。

我都估計係華納吾放版權，呢d正正就係唱片公司各自各揾錢既後果。


我只係吾明五年前各公司可以合力做好一張紀念版，點解今時今日反而大倒退？吾通真係冇哂當年既誠意？

porkballs

yuppi 發表於 2013-7-29 11:15
吾係FANS吾等於吾聽佢地d歌。

我既重點: 呢套吾係一般精選碟，而係周年紀念版。

其實而家呢個年代已經好好,成日一套精選3CD,有齊幾間公司,又賣得平, 以前唱片公司不嬲都係各自各做.

唱片公司是競爭者, 各自各做係好自然既事.

好似華納既EMI代理權完結前, 臨尾搏命出, Kinns 都有一大堆Beyond 都是好自然既事.
唱片公司比版權比其他公司出,真係唔係必然,同誠意無乜關係.

yuppi

porkballs 發表於 2013-7-29 11:32
其實而家呢個年代已經好好,成日一套精選3CD,有齊幾間公司,又賣得平, 以前唱片公司不嬲都係各自各做.

唱 ...

同誠意冇關係呢句恕難認同。

為咗紀念一個已故既歌手大家合作出一套周年紀念版相信大家都樂意接受。

唱片公司各自各維護自己利益呢個係理所當然既事情。

問題係五年前大家聯手合作紀念 Beyond 既熱誠已經冇哂，唯一解釋只係各公司心態已变，各有各揾$。

講到呢度留番各 ching 自行思考。

Thanks

相位王

yuppi 發表於 2013-7-29 12:03
同誠意冇關係呢句恕難認同。

為咗紀念一個已故既歌手大家合作出一套周年紀念版相信大家都樂意接受。

其實今次華納環球一定係各持己見，不肯一起合作, 結果各自各搵食, 如果你話環球嗰套叫Beyond新藝寶30年, 華納嗰套得自己歌曲,
應該更加肯定要叫華納Beyond 30年精選！同埋今年雖然係家駒逝世20週年，但係兩間公司都無打正號紀念或懷念家駒的名義去制作各自的專輯，只用Beyond 30年名義便算！費事俾人話發死人財掛！

今次為什麼會傾5掂數, 我估可能因為逢0, 逢5，逢0始終都係大年份多人記得一D！所以各間唱片公司都認為呢次30年各自大搞新精選是有利可圖過一起合作抽版權費！所以便出現今天各自出各自一套的現像，所以學yuppi兄講，咁華納如果真係5俾海寬天空版權環球, 咁就因為無咗呢隻歌而5出呢張30週年專輯？, 即係抹殺家駒以前在Kinns, Cinepoly的努力？其實，今次環球吸引大家的地方真係主要係隻珍貴TVB MTV DVD, 3CD對我來說真係搭單！所以focus係CD度係無意思的！講真Beyond迷一早齊哂佢地所有大碟甚至靚版都齊添, 但唯一吸引我地真係隻DVD!