{求救} 十萬火急!! 到底好無加錢轉RX-A830!!

hopegco

是咁的!! 尋日買左部YAMAHA RX-V775，到比錢嗰陣先見到部 RX-A830, 價錢爭千幾蚊， 心諗橫掂都係分期，一個月都只係多幾十蚊，所以就心思思問個sales兩部機有咩分別，可能因為我試機搞左佢太耐，而佢又想我盡快比錢唔好再煩，所以只係講左句"分別唔大，你嗰步好夠用架喇"就了事!!

返到屋企思前想後訓唔著，今朝返到公司再搵資料，但係都係D搵唔到答案，再睇官網D SEPC，就咁睇就真係差唔多，係多左兩個HDMI PORT 同可以換POWER CORD。

我係新手黎既，都唔知換POWER CORD係咪真係咁緊要!! 雖然既RX-A830有得加後級，RX-V775就無，對我黎講都唔知有無用。

有無師興可以話到比我知兩部機有無咩大分別？!! AVENTAGE 系機係咪好好多？!!？到底我好無加錢轉RX-A830呢？! 因為仲有兩日先送貨，定係將D錢買部BLUE RAY碟機呢？!？! 因為諗住長用所以想諗清楚唔想買錯!! 求高人出手相助!!!!!!!!

sam12345

冇綫換唔好玩
冇得加後級，即係好快換得。得咗

keke323

雖然未知兩部機既分別係邊......不過聽 ching 口風....
我諗你唔換個人會好囉囉孿........第時應該會後悔
跟住其他 ching 又會話.....上得 830...點解唔上埋 1030

mikemike

如果有budget就緊係upgrade啦, POWER CORD同可以加後級等自己未來有多個option去upgrade

evan24hk

小弟勸師兄有能力既~就upgrade~因為小弟之前買ca amp都係咁
一開頭想話買551算~買完個晚就開始囉囉孿左成晚~點解唔直接一步到位買751
最後,當然係忍唔住第日就去upgrade左751啦
始終長遠用買好D~唔洗之後自己用無耐就囉囉孿想換
到時先換重衰

hopegco

keke323 發表於 2013-7-17 13:47
雖然未知兩部機既分別係邊......不過聽 ching 口風....
我諗你唔換個人會好囉囉孿........第時應 ...

1030太貴喇，老婆實殺死我!!!

hopegco

sam12345 發表於 2013-7-17 13:28
冇綫換唔好玩
冇得加後級，即係好快換得。得咗

敢問師兄換線到底有咩好玩呢?!?!? 請賜教!!!

ykluk

CHING應該咁諗, 你自己會對AV/HIFI既認識會唔會加深先~~?? 定係諗住買一套嘢有戲睇有聲出就OK~~?? {:9_419:}

如果CHING有心想認識多啲, 咁小弟就勸你換830, 因為你認識多咗聽多咗要求多咗咁就想換PC加後級, 甚至去換機, 咁830都比775易放啲啦~~!!

如果CHING本身認識唔深, 又唔使入毒海, 以後都唔會再上POST76既話, 我諗你試咗咁耐775梗係滿意先比錢, 咁點解你又會去求一部你未聽過既830呢~~??

基本上就算你入咗POST76加深認識, 好多時都係要靠自己"耳聽為實", 相信自己耳仔好過睇人地寫乜, 咁先至係對自己好既~~!!

chengvin

換綫等其他ching答你。我刀建議你一歩同位。我8年前出部馬仔7500玩到衣家。當時個sales話玩入門刀得，好彩我多口問問頂級同入門差幾多級，結果入左當時的老二。有pre out玩又pure direct，video upscale,老實講到衣家都玩吳哂部機D分唇。

hopegco

ykluk 發表於 2013-7-17 14:12
CHING應該咁諗, 你自己會對AV/HIFI既認識會唔會加深先~~?? 定係諗住買一套嘢有戲睇有聲出就OK~~?? {:9_419: ...

請問師兄點睇RX-A830呢？! 我見師兄係用RX-A3020相信可以比意見我!! A系機同V系機係咪有好大分別呢？我就係無聽過A830先渣唔定主意!!!