見習生s97562之影音成長路(Sorry,成魔先啱)..#51瘋狂LD年代

s97562

有見影視會都開始租售LD格式嘅影片，所以為咗緊貼市塲我亦入番部LD機應付所需！

當年LD個size和黑膠唱片相若，表面和CD相似. 鐳射影碟機以鐳射讀取預先刻錄在碟片上的訊號，並轉換成影像訊號供電視機播放. 於80年代,LD相對錄影帶是為貴. (記得當時買隻美版LD嘅Ture Lies都要成$300蚊). 而且因為播放形式是非接觸式的關係，所以沒有錄影帶播放次數多咗而影響影變差的問題。
加上錄影帶儲存期唔太有耐，我有好大部份嘅盒帶已經發"毛",因此就係咁引起咗我儲LD嘅念頭！

而真正加深我入LD毒海，就係一套日版Terminator 2嘅日版豪華版boxset !!!!!!
相信鍾意未來戰士呢套戲嘅師兄都應該有印象，呢盒boxset係大大盒黑色盒, 中間有個銀色T2字超型㗎, 而裡面共3隻LD及一本畫冊, 包裝非常精美!
我記得當日一個人行街，無聊之下走咗落去銅鑼灣, 又唔知乜原因走咗上去時代廣場一間影音中心，又唔知點解俾我撞見呢盒珍品，又更加唔知點解盒嘢咁貴我都會俾錢！
盒日版T2 boxset當時入手價成$1200蚊!!

就係呢盒嘢，正式帶我步入LD時代....................., 究竟我喺LD時代有幾瘋狂？.......(待續)

Hon

CHING講返往事真係好正, 令到我都勾起好多回憶, 當然無你咁精彩啦....haha

搞到我都好想出下呢d回憶post添...:p

dragonyam

s97562 發表於 2013-7-14 20:17
有見影視會都開始租售LD格式嘅影片，所以為咗緊貼市塲我亦入番部LD機應付所需！

當年LD個size和黑膠唱片相 ...

LD年代，必定是入美版，日版，所以力巨字幕機係必備器材之一...{:9_421:}

scott0208

s97562 發表於 2013-7-14 20:17
有見影視會都開始租售LD格式嘅影片，所以為咗緊貼市塲我亦入番部LD機應付所需！

當年LD個size和黑膠唱片相 ...

LD時代我都係買咗大約三十幾隻LD，有一半係香港歌星演唱會，最貴係隻港版＜ID4>，成五百幾！

scott0208

dragonyam 發表於 2013-7-14 21:45
LD年代，必定是入美版，日版，所以力巨字幕機係必備器材之一...

我反而係DVD年代先玩字幕機！

dragonyam

scott0208 發表於 2013-7-15 00:49
我反而係DVD年代先玩字幕機！

DVD年代，字幕機我都有入，仲係德發女人舖度買嘅...{:9_421:}

s97562

Hon 發表於 2013-7-14 21:13
CHING講返往事真係好正, 令到我都勾起好多回憶, 當然無你咁精彩啦....haha

搞到我都好想出下呢d回憶post添 ...

Hon兄，想下當年都幾過癮架！
往事只能回味

s97562

dragonyam 發表於 2013-7-14 21:45
LD年代，必定是入美版，日版，所以力巨字幕機係必備器材之一...

我都好懷念LD時代點點滴滴

horace_tsang

VHS未租過，但有睇過，都覺得回帶好麻煩，跟住出LD好好多，我都係美亞常客，但套票唔買多，次次未睇晒就叫人買，跟住就關門大吉