如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
噚日身痕去咗旺角, 諗住套 HIFI 都煲咗已經大約三百個鐘, 想睇吓啲電源線同喇叭線
因為覺得目前 HIFI 有以下不足之處:
1) 個口比較大
2) 低頻有少少肥
3) 不論任何頻段, 啲聲都有啲粗糙
4) 尾音唔靚... 雖然有尾音, 但去唔盡, 有少少 CUT 咗
5) 弱音真係太弱, 感覺係 "一時有一時無"
首先去咗添置睇 SILTECH.... 店員建議我買 RUBY HILL 同 550
一計條數, 埋單要差不多四皮........ 
小弟既器材都未過十皮..... 用四皮買兩條線的話, 好似太誇張 (我估)
而且諗落, 550 只屬 SILTECH 中檔貨; 如果返到屋企啲聲唔合心水的話, 恐怕放返出去都唔攞得返幾多 
所以最後無買
之後去咗德發地庫, 店員叫我淨係換電源線先...... 喇叭線唔好換住, 煲多百幾個鐘先至再諗 (即係差不多夠 500 個鐘)
聽店員意思, 歐洲線的確係有好多好野, 但性價比就真係唔高; 而且只有頂級先至算得上係好, 中檔野方面其實都唔算特別標青
佢介紹咗 ACOUSTIC HARMONY GP-1 俾我
老實講, 價位當然同 SILTECH 差好遠.... 一條 SILTECH 價錢可以買到兩條 GP-1 兼仲有得找
不過小弟諗, 就算呢條線唔夠滿意, 日後改為俾 AV AMP 用都仲得.... 於是就帶咗佢返屋企
彷鱷魚皮袋.... 小弟就唔係咁喜歡, 不過無所謂啦~
金色線身, 可惜係 PVC, 唔係織造物料..... 小弟較喜歡織造物料
紅+黑色既頭尾插, 好似話係碳纖物料..... 拎上手都好重吓!! 感覺頭尾加埋, 仲重過條線!
如果頭尾插係金 + 黑色的話就更好..... 小弟部AMP 係金 + 黑色, 可以襯返~ 可惜無得揀
MADE IN JAPAN.... 而家可能都唔再係什麼賣點了
插咗上 AMP, 一開聲既感覺係:
1) 口形只收細少許, 改善唔算明顯 (個口依然算係大咗)
2) 相同音量之下, 低頻明顯收身咗
3) 中高頻滑咗, 有力咗 (但唔知算唔算比以前厚聲.... 小弟唔識分)
4) 但尾音好似改進不大, 只係輕微既改善
5) 弱音<< 呢樣唔記得留意, 今晚再聽聽
小弟而家擔心既, 係 AMP 後空間太少, 條線要屈曲; 長期而言, 唔知會否對條線既結構有問題....
有無師兄有類似情況?
|
[複製鏈接]
發表於 2013-7-12 11:35
樓主
