AV素人分享中毒經過 (多字勿怪) 更新#27

pac · 發表於 2013-7-9 19:41

kwanshing 發表於 2013-7-9 18:55
直至2013年初，在無意間認識到76(大毒坑)，我現在才發現什麼才是真正的毒物、什麼是真正的影音…Logitech z ...

成魔成佛一念間，好好享受成魔歷程啦

kwanshing · 發表於 2013-7-9 19:54

返到屋企立刻搜尋Klipsch這個品牌，發現喜歡睇戲的話Klipsch是個不錯的選擇，而且外型十分討好。

有了新目標之後，當然要去試下音睇下啱唔啱口味啦，第二天我就出了旺角找一下Klipsch的蹤影，先掃友誠再去添置，發現賣Klipsch的店真是不多，更不要話要試，在無奈的心情下只好走走旺角其他地方

，在無意間我走下了一個地下商場(德發)，想不到那裡有Klipsch喇叭而且還有得試....，先和店員傾談幾句，佢開了蝙蝠俠2比我試，啪、BOOM、嘭，每一下都很震撼，這就是我想要的，問過價錢後，如果完整買一套全新會比預算的15K多出太多了

，所以最終我選擇了二手市場，回到家我立刻聯絡賣Aviano 7的師兄，因師兄有一對RS42II，師兄願以優惠價放售給我，太好了，現在只欠中置和前置。

Kilpsch RS42II

雖然話買二手，不過都要搞清楚買什麼級數的喇叭，為了不再夜長夢多，所以決定買座地喇叭(新居可以用傢俬就地方)， Klipsch座地前置有RF35、RF62、RF82還有RF7，在二手市場，我最初只懂去76的二手區，之後係76上得知"數字台"這個網，"數字台"不單是一個影音器材二手區，這網根本就是綜合二手區...相機、家電；書籍乜都有，講到買二手真係好講緣份，你想搵搵唔到，你唔要佢就多多放係到，我足足等了半個月才見到有人放售RF62，聯絡過後比人放了飛機....之後幸運地見到一位師兄放(RF82 I代)，價錢大約4K，我們相約了過幾天到他府上試音，我覺得買二手貨有一個好處可以在買賣過程中結識到志同道合的朋友，大家可以互相交流學習，不是純粹的比錢收貨，上到師兄屋企，見到師兄的SITTING都非常正，佢玩雙SUB (大郵筒+SUNFIRE 12)，我當然要師兄試比我睇下啦，哈哈，師兄又係囉左果段功夫熊貓出來試，個感覺又同上次聽又唔到.... 潛得深而且氣氛很好，我唔知係雙SUB問定乜問題，為左唔好中毒加深我把注意力去返主角(RF82)，我叫師兄關左其中一隻SUB等我聽清楚82啲聲，大致冇問題後再試聽CD，Klipsch在音樂播放上相對較弱，太過硬，不過對我來說冇關係(我唔聽歌)，買二手有一個最大問題就係運輸啦，如果你有車當然好，可惜我冇，咁大座喇叭點運走呢?幸好我有個做街車的朋友佢願意仗義相助，同師兄夾手夾腳搬左上車，交易完成~~~

Klipsch RF-82