((妳))返到屋企打比我 有D長需要幾分鐘時間

mingming28

((妳))返到屋企打比我

剛巧放了一個長假期
個人變為輕鬆一點
有D時間同朋友食下飯行下街
一晚，荼飯後已經點令鐘
在旺角回家之路只有二選一
小巴和的士
節劍既我，當然選擇前者
好景不常，由於是星期六
排隊既人龍要等上兩部車
無聊之下探頭
由龍頭數一數到我排隊位置
大概我系排第十七／十八個到
稍稍向前望
大多為一相一對的情侶
只有我像是毒男一個
彷彿企了三個世紀
等了很等，終於有車
一輛殘舊的66s埗入站頭
一面上客我內心一路數
會否有奇蹟出現
上到第十個時我已經知道無望
要再多等一部才能回家
當上到第十二個時
那衣著mk的男女，只有女的上車
及後那MK男跟女友道別
在女的上車同時，MK男送上1句

((妳))返到屋企打比我

還輕吻了一下才依依不捨的離開

呢個時候我在盤算，計來計去
我也是排在第十七個
亦即是說要再多等一部才能踏上回家之路
正當我絶望之際
此時奇蹟真的出現了
就排我前面的一對男女
男的也是送女友回家
男的道別說話跟之前MK男的一樣

((妳))返到屋企打比我

幸運既我終於取得小巴的最後一席
上車後我從印滿手指印而蒙籠的窗門看出街道
剛剛跟女友道別的MK男
瀟灑地從褲袋取出一包紅萬
拿起火機，點著那根煙
深深的吸了一口
像是看破塵世


我睇到佢果樣子
彷彿放下千頓巨石
車緩緩的駛離站頭
身影漸漸變小，直至看不見
我才回神，我在想~
原來((妳))返到屋企打比我
帶著有深層意義
一／送完女友後終於可以放下束縛
二／呢個時候做乜都得
三／終於可以自由自在

其實好易理解
我分析一下
你就會明白果一根煙同埋妳返屋企打比我的重要性

當你從約女友出街的一剎那
跟本同拍戲冇分別
片名為驚心動魄十小時
嚴重D尼講系慢性自剎
當你一相約好出街
你便有好多野諗
例如：幾點，邊道等，食D乜，睇咩戲，買咩野
任何一樣計算出錯，分分鐘斷送生命
由呢一刻開始你就會好頭痛
頭痛不在於你自己的事
而是另一半
試想下
1，約地方等，已經是大考驗
假設旺角信和，人多擠迫
你另一半到了見你吾到打比你
你答佢已經系信和門口，這已經系死罪，有行過既人相信吾會陌生
信和有正門有側門有電梯大堂，你企邊個位置都死，基本上信和由星期一到星期日又或者早上到零晨
都像沙甸魚一樣的，所以相約地方也雖要一種智慧
換轉是麻甩佬相約
不是輕鬆很多了嗎？
一句旺角等已經搞掂
麻甩佬早到可以自由行
相機、音響、cd 、電腦、電器舖、波鞋，乜都行得一餐，你只需到了打個電話，你會自動自覺行過去會合
女朋友就煩D，約既地方來來去只有幾個，旺中、銀行中心、信和，最後仲有家樂，段估你吾會約系百老會戲院等對吧！

2／食D乜
我都研究左好耐
到旺角食D乜其實是一種哲學
身處於旺角，就等同人間地獄一樣
旺角食市淋琅滿目
意法日，中西，茶餐廳，街邊檔，打冷
系咁易數下都五六種口味
數之不盡，你講得出都有
你會選擇食D乜？
男既梗系冇所謂
茶記街邊檔乜都食一餐
但同女朋友食就吾同喇
你要綜合各方因素，食才
女朋友口味才能得出結果
當然，你另一半冇咩所謂
就當然可喜可賀啦
如果有D要求你就幣幣都冇咁幣
你埗入女人街橫邊鋪頭乜都有得食
我以上提過既都有
但系舖內坐位狹窄，冇卡位，水準參差
如果你搵到間你女朋友岩口味
而吾使排隊，恭喜你，又過一關
但你如果問你女朋友食乜
我相信七成以上得到既答案大致相同
是但啦，冇所謂，你話事
呢幾句短小既答案簡直攞你命
而尼D答案亦系從身邊朋友所得的
試諗下，是但啦，冇所謂，你話事
簡簡單單尼九個字，裏面既含義包含了多小危機？
考你智慧，耐性，腦既靈活度以及轉數有幾快
一剎那你腦海即時頓塞
仲要，你睇下佢系悔氣咁講定系輕描淡寫咁講，經過一輪掙扎後你諗到，得戚地說：不如食鐵板燒啦，有間新開既，不如試下
你女朋友會咁答
嘩，咁熱氣，咪搞！你嫌我暗瘡吾夠多呀？
你又再諗
吖不如試下好旺角撈麵吖
系太子搬過唻，新裝飾，而且好耐冇食過，不如試下羅
借口夠多了，對吧！
「但」你得到既答案如下
有咩好食呀，撈麵四圍都有得食啦
有冇D新意呀？
你表情裝著無樣

但你心裏系道講
咁叻，妳又吾諗~

大部分講完兩樣都吾岩食的朋友
相信你和你女朋友有以下情況出現
1，你心跳加速
2，手心冒汗
3，嚴重者更會出現休克

臉上的表情已經開始漸變慘白，更怎的會變成死白
你當然擔心緊食乜而煩惱，你的另一半就嫌你諗食乜而都諗吾到而使出國術（變臉），是開始變黑，一黑一白這是相對的
此時，你又有新的思維，咁不如食日本放題啦~
結果另一半只有冇奈地接受
呢個時候你當然內心歡喜約狂，尤如買到隻絕版sacd一樣
但你冇諗到另一個考驗對著你而來
由於等位人數眾多，你手執既籌號起需要一小時十五分


時間一分一秒的過
你的心跳就越跳越快
快到接近受不住之時
終於等到，呢個時候，緊張既你
終於可以鬆一口氣

經過個多小時默不作聲既排隊，一輪沈默既半冷戰之後
終於入坐，坐下冷氣涼了後
兩人心情較為好一點
氣氛，也緩和一點
無意間你又再打開說話之門
點菜後，你提意睇場九點半
女朋友又話冇乜所謂，是但啦
你話事~於是又是重蹈覆轍地考驗你
此時你腦裏已經死了好多細胞
像是用了畢生的精力放在今次的約會
再諗分分鐘連性命也奉上
好彩的是，戲院只有小量院線
點講都有套啱掛
你裝著得意地說，咀角微微堯起，怪獸大學好似吾錯噃
之前我睇怪獸公司都覺得好睇
不如睇呢套啦
換來的回答是這樣的
仲細咩，睇卡通片
你又諗睇下咩戲
咁不如睇盲探吖，卡士有番咁上下
劉華加鄭秀文
心諗，今次冇得輸喇掛
佢又再唉的一聲，港產片有咩好㖒呀，成百幾蚊，我吾想㗰錢囉
最後一個選擇，咁睇鋼鐵英雄喇
佢會咁答
下，西片，追字幕，咪搞
你而家系咪鴉雀無聲？
說穿了對嗎？
現在你腦裏空白一片，人像是在太空，你再沒氣力再想，垂頭喪氣是吧！忽然間，你聽到從遠處傳來一把熟悉的聲音，對了，沒錯，正正就是坐你對面的女朋友傳過來的聲音，你聽吾聽到呀？陣間陪我去買支香水呀、聽吾聽到吖？
你抖震地回答，好呀
而家你已經重新，冇錯，系重新
點解咁講，因為你吾須要再為去邊，食乜，睇乜，行乜而煩惱
只有陪著你走，這就是你的使命
當然，途中你都要付出啦
埋單後，女友說先行到莎沙睇下先
同事話莎沙比較低，對你來說
當然冇所謂啦，因為你使命系陪佢買野，經過幾支燈口，埗入西洋菜街，已經汗流浹背，好不容易走入莎沙，一看之下，那香水櫃淋羅滿目，好比我們到威記睇cd一樣，你會系道發緊夢，而家睇緊cd你話幾好呢？回一回神，你覺得呢隻味（好吾好聞）
（好吾好聞）好難定義
咩為之好聞，咩為之吾好聞？
香水就是香的，點都好聞
如果是臭水當然吾好聞啦
仲有，好吾好聞根本冇標準！

你心諗這是廢話，只是心想
但你口裏答的卻不一樣
呢隻吾錯，幾好吖
佢又再試另一隻味
又拎來比你聞，你覺得呢隻點？
點？咩點？我真系吾識答
跟之前答案一樣
系佢選其不定之際，有個和諧可親而殷勤既售貨員行埋唻
一貫既售貨員作風
睇下邊隻岩可以介紹番
我已經覺得煩而家煩上加煩
不過都系件好事
起碼揀完可以拿拿聲走人
大家吾明白嗎？
即等同你去音響舖睇野
有位售貨員企響你則邊不斷話介紹番介紹番，道理一樣，其實我睇岩自然會問自然會買，這是常識吧！
吾知過左幾耐，終於有了決定
別以為決定了就會買
決定只是決定買邊個品牌而已
決定只是決定吾系呢間買而已
但系又話過隔離格下價先
這可能是女人的天性
幾經辛苦先可以步出呢間野
最後成條西洋菜街由頭行到落尾也是買吾到，又話尼間平D，果間貴D，又怕買到假野
都系上網剿下先
睇下有冇網上店比較平
睇下有冇樓上鋪比較平
好地地買支香水，點解要諗咁多野
系咪諗多左？
上網，樓上舖，你吾是又系驚怕買到假貨，買吾到平野，最後又唻返呢道買？
何必呢，又要行多轉！
行化妝店已經足足消磨左兩個鐘
時間還早、女朋友話行到累
提意到（士打不）飲柸野
心又在想
其實飲柸野求其行入一間茶記都飲到，何必一定要士打不呢？
去士打不其實好慘
1，貴
2，選擇小
3，成日冇位
冇位大家都知，要求一張小圓枱加小圓櫈已經難求，你要坐得舒適D坐梳化櫈就難上加難
飲一柸野閒閒地飲個令鐘
跨張小小坐幾個鐘都有
坐得士打不既大部份面皮幾尺厚（包括我在內）
睇書，打機，短訊，上網，做功課乜都齊
而你要等到一個靚位
你需要面皮比坐系道果個人厚之餘
還需要勇氣、運氣、智慧、眼光好集於一身
先能通過搵位既考驗
不過，既然你提意我當然尊命啦
要知道你只要過埋呢關
今天的使命便能完成
夜了，士打不也比較清淡冇乜人
以上所諗是多餘的
現在輕輕鬆鬆坐系卡位
一面輰飲latt,一面忙著回短訊
一面更新面書的最新動態
這應該是大部人的指定動作
沒錯，這就是智能電話的生活態度
舒適的環境令我不知時間過得很快
不經不覺
店舖已經last order ,滿足的我
只要過埋最後一關便功得完滿（送她去搭車）


好了，說到這裡，大家也有一兩樣相似吧！

現在你可以理解到

((妳))返到屋企打比我

同埋果一啖煙的意義和重要性

這~是男人的浪漫

你懂了嗎？

無聊罰打九千幾字

只是純粹分享，不喜勿插

多謝你耐心睇完

真心多謝點閲

By mingming28

wai.com

c兄 你這假期就是這樣同你的女友過的
恭喜你 因你女友太愛你部你度過這長假期
你現在返到屋企/打左電話比佢未 她很掛心你 多麼想念你

MSZ

打咗咁多字, 點都要俾吓分.

如果我咁不幸有呢啲野蠻港女女友, 多數都係會中出即飛, 唔係嘅話出多幾晚街真係命都短幾年.

keke323

首先我想講幾樣野............
1. 打咁大篇文已經要加分
2. 咁多字我竟然睇晒
3. 講中左好多男人既心事
4. 簡單 d 講....女人就是麻煩

ctmk

CHING睇嚟仲未了解何謂愛，仲好計較男女之間嘅感情付出，似乎你都未有女友，又或者未認定你女友係自己終生伴侶。
找一個佢喜歡你多過你喜歡佢嘅女人吧，你就唔駛寫九千幾字了。

wwwbrian

又幾好文彩喎

mingming28

c兄 你這假期就是這樣同你的女友過的
恭喜你 因你女友太愛你部你度過這長假期
你現在返到屋企/打左電話比佢未 她很掛心你 多麼想念你

師兄，其實最頭果段字系我所見所聞咋

打咗咁多字, 點都要俾吓分.

如果我咁不幸有呢啲野蠻港女女友, 多數都係會中出即飛, 唔係嘅話出多幾晚街真係命都短幾年.

多謝師兄加分先
我只系講出一D朋友既感受
其實調番

mingming28

ctmk 發表於 2013-7-8 10:47
CHING睇嚟仲未了解何謂愛，仲好計較男女之間嘅感情付出，似乎你都未有女友，又或者未認定你女友係自己終生 ...

師兄，你估錯喇

小弟婚已結，小朋友都有個啦！

mingming28

keke323 發表於 2013-7-8 09:54
首先我想講幾樣野............
1. 打咁大篇文已經要加分
2. 咁多字我竟然睇晒

師兄，你似是過來人喎

哈哈

多謝師兄咁有心機睇完加分先

keke323

mingming28 發表於 2013-7-8 12:03
師兄，你似是過來人喎

哈哈

好多港女都有公主病