獨立電一問

jasonkeung

因為屋企要裝修，所以就想跟手整埋個獨立電
本身個電箱係split bar type，唸住叫c fu係總線T一對線出來，但唔好用"爭玉"，同我落銅巴會安全d，係咪水電c fu會明架啦?

另外，我想整兩組獨立孖蘇，個新電箱係咪要63A A.I.總制，40A水氣制同埋兩個20A既MCB?
因為材料係c fu買，電箱、水氣制、MCB呢d係咪普遍牌子都ok架啦?有冇需要去到冷凍個d?怕c fu唔識買

線方面想用AEI既4mm多蕊，舊P好似好難搵，同埋c fu應該唔會幫我去搵
甘AEI既線會唔會有好多種架?有冇咩number可以提供比c fu架?
我怕好似舊P甘有好多number!好似6491x同6491b甘~
多謝甘多位師兄~

Lester

聽講用單支會好過多芯

jasonkeung

2.5mm單支同4mm7蕊，其實除左粗幼，實際上有咩分別？大家都係3條1組?

YYSKY

總線一定唔會用爭肉T出來的放心，由總制尾T出來，HiFi用電箱用一般材料夠用啦，除非你套器材幾拾萬對電源敏感啦，HiFi電箱不用總制，只用20A老鼠尾水氣制不少於4組，玩投投再加一組呢組用2.5得啦，

見過其他師兄講AEI首選，老P次選，4mm必然係七條組成，我個人認為會用6mm仲正，但有師兄講會粗聲比4mm差，信不信由你啦，4組6mm可能做喉有難道，一定唔會用2.5mm，自己出線穩當啲，除非電工係你老友相熟，咪入咗喉你好難check得係英國線。

大裝修最好全屋英國線啦，二三十年番裝修都唔使換。

jasonkeung

多謝師兄賜教，但我見大部份師兄個hifi電箱都係用63A水氣制，然後跟20A既MCB~
用20A老鼠尾水氣制會好d?

因為要兩組孖蘇，兩組既4mm線已經足夠!
甘AEI 4mm線有冇分唔同型號架?
Thanks~

Lester

jasonkeung 發表於 2013-7-3 20:20
2.5mm單支同4mm7蕊，其實除左粗幼，實際上有咩分別？大家都係3條1組?

有前輩同我講多芯干擾多， 叫我用2.5 單支打雙上

YYSKY

Lester 發表於 2013-7-3 23:21
有前輩同我講多芯干擾多， 叫我用2.5 單支打雙上

有咁樹，呢個係值得研究的課題，要通過試驗而知定案啦，此中感覺呢樣嘢係好個人的，照數計4mm一定好過2.5mm，聲音呢樣嘢耳聽為實。
或者換個角度講，在拾零米長可能無大分別。或索性用HiFi線一定有保證啦。

YYSKY

jasonkeung 發表於 2013-7-3 22:49
多謝師兄賜教，但我見大部份師兄個hifi電箱都係用63A水氣制，然後跟20A既MCB~
用20A老鼠尾水氣制會好d?

直接用老鼠尾水氣制減少兩層制直接到位一定好啲，

而且在一間屋內不該有兩個總電制的，有事需要急速熄電，就會做成混亂。

點解會估算出要4組電呢，

玩得獨立電的一定係發燒級高要求未來廿年內不斷升級（電力裝置閒閒地都用拾零廿年），
咁最少要求用一組，咪點算做獨立電呢，
咁玩玩下升級影音分家⋯⋯要求兩組啦，
之後再影音分家再分前後級⋯⋯咁咪最少4組囉。

呢類供電不要計總瓦數，若計電力瓦數一組已經夠力有餘，這刻你覺得兩組已夠，難保三兩年發燒到通頂，係咪！

jasonkeung

多謝師兄, 如果要加成四個孖蘇,我驚會俾人鬧

有冇其他師兄知道AEI既線有冇分唔同型號架?

YYSKY

jasonkeung 發表於 2013-7-4 00:36
多謝師兄, 如果要加成四個孖蘇,我驚會俾人鬧

有冇其他師兄知道AEI既線有冇分唔同型號架? ...

其實老鼠尾約$150一條，牆插做單位蘇x4，叫電工師父做距離遠少少，收口時在內部打兩圈，需要時轉明箱換雙位蘇座。

如自己出線可以只買一隻色，當然總長度要夠開8條啦再有剩做埋水線都得，或是水線用平宜貨，再叫電工在線兩邊認線包上對應該色膠布就可以啦。咁係最平宜方案，老闆應該肯出批文的。