點解哥哥同家駒同係逝世週年紀念但唱片公司就不同取態？

相位王

如題，點解哥哥逝世週年，唱片公司大事鋪張, 同佢出紀念精選又大肆宣傳，但對香港音樂貢獻良多的Beyond主音黃家駒，唱片公司則毫無表示，像遺忘了一樣，真是令人可悲，國內甚至當佢藝術家！大家點睇唱片公司？？？

文次郎

唱片公司係利字當頭！

lamwaikit007

個人觀感。

一直以來覺得 "家駒" 就是 "BEYOND"。

要從幾方面講。先講唱片，由於家駒好像沒有出過個人唱片，出的均是以 "BEYOND"名義出，而有家駒存在的"BEYOND" 唱片 (唔計 "永遠等待" 前那些唱片) 其實不是太多，可能3隻手都夠(?)。但呢幾年，環球和華納都是陰d陰d咁出番不同版本的精選及靚聲唱片。可說是已經出盡。所以如果要有selling point，一次過出一套可能會有睇頭，但風險太大，唱片公司唔會搏了。

講演唱會，如果其餘3子唔出席，成個記念演唱會就變了冇意義。攪到唔湯唔水仲慘。而且分分鐘遭人話掛羊頭賣狗肉。咁就無謂。

所以唱片公司都是按兵不動便算。

相位王

lamwaikit007 發表於 2013-6-29 16:24
個人觀感。

一直以來覺得 "家駒" 就是 "BEYOND"。

其實lamwaikit007兄講得無錯，如果只計算Beyond主音家駒主唱的作品，只是由1986至1993, 如只計廣東話作品，實際上更只得Kinns, Cinepoly, Wea HK該三間公司發行過！而以前曾經出現過的精選亦不小，加上我太喜歡Beyond, 所以一早有齊FUNHOUSE日本版大碟, SACD及AMCD, 24K金碟樣樣齊！但係小弟始終想多D人認識Beyond的音樂，就算再出30週年精選專輯也不過分! 同埋Beyond的音樂真是前無古人, 後無來者,全部原創，不單限於情愛！

而小弟的心願其實係想三間唱片公司為Beyond出一張DVD MTV, 因為歌手一般都會在電視(TVB無線)拍攝MTV宣傳新曲，所以希望能在DVD重温Beyond及家駒過往的音樂片段及回憶！在MTV中紀念及追憶一代創作人，亦希望可以找到Beyond去日本時期的日本歌曲MTV及珍貴的錄音室及在日本的生活片段剪輯！真係希望唱片公司聽到我們Beyond Fans的心聲！不要遺忘一位曾為香港音樂付出很多的創(唱)作人！！！

lamwaikit007

相位王 發表於 2013-6-29 21:11
其實lamwaikit007兄講得無錯，如果只計算Beyond主音家駒主唱的作品，只是由1986至1993, 如只計廣東話作 ...

絕對認同樓主的見解。不過當出埋這DVD，不知道會否有空虛感。因為這個將會是最後一擊。

樓主，放心吧!除非 "BEYOND" 歌迷全部離開這個世界，"BEYOND"的歌一定會永遠長存在世界裡。

blueguywin

樓主問得好, 大家都知道張國榮的經理人是那一位吧? 好一個"陳淑筋", 你應該知道此人係幾咁犀利? 真係發死人財發足咁多年都冇人鬧過佢, 因為佢很有高心計把哥哥的fans迷倒直到永遠; 她要把張國榮棒為真善美天神藝術家, 把張學友吹噓成為歌神無人能及, 經常說打破什麼紀錄! 其實陳某主要利用此兩位歌手想打擊樂壇至尊及眨低其他歌手, 要給人知道張國榮就算死了都無人能及的地位!

相位王

lamwaikit007 發表於 2013-6-29 21:34
絕對認同樓主的見解。不過當出埋這DVD，不知道會否有空虛感。因為這個將會是最後一擊。

樓主，放心吧!除 ...

強烈要求Kinns, 環球唱片, 華納唱片推出Beyond成立30週年暨家駒逝世20年精選合輯CD及與TVB無線電視及Amuse FUNHOUSE合作推出MTV全集, 作為對家駒的尊敬及回顧他對香港樂壇的無比貢獻！相信大家到今時今日仍然無時無刻懷念他！！！希望家駒從沒有離開過我們！希望祈求唱片公司破例一次，不以商業角度去看家駒這位已故藝術家的舊作品！

在海闊天空裏 祝你愉快家駒！

相位王

在海闊天空裏 祝你愉快家駒！
喜歡你真的愛你懷念你家駒！
完全地愛赤紅熱血的Beyond吧！
你無聲的告別令人有無淚的遺撼！
無盡空虛灰色軌跡是天真的創傷！
大地長城知你其實極愛爸爸媽媽！
冷雨夜聽午夜怨曲令人無語問蒼天！
可否衝破心內心外三子一起再遙望現代舞台！
願我能衝開一切祝福你在新天地繼續沈醉在音樂裡！
舊日的足跡全是和平與愛珍惜與你共行的逝去日子！
再猶豫去(再一次)追憶你的光輝歲月！
可知道再見理想是過去與今天再衝上雲霄！
就算命運是你家論誰來主宰為了你為了我
在未知賽事的長跑每段路仍然堅持信念！


*(再一次) once again

moliu

因為當年beyond的唱片母盤，據聞係存放在嘉利大廈，當年大火。。。。全部燒毀了！

都無左種，仲有乜計執？一陣間用現有的出隻碟，又俾你地班死硬派fans圍攻，唱片公司唔會咁笨，做埋d吃力不討好的事。

bbq2005

moliu 發表於 2013-6-30 17:52
因為當年beyond的唱片母盤，據聞係存放在嘉利大廈，當年大火。。。。全部燒毀了！

都無左種，仲有乜計執？ ...

唱片公司都未驚過啦！

有八成復刻都係不知所謂，尤其係 new cenxxxxxx 出品，簡直浪費哂D佳作