[定の影評] Dolby Atmos 41.3 全景聲 Man of Steel 觀後感

jimmywan_200

我都只係覺得dolby atmos 片頭個效果正，但戲中就無咩料黎！唔太多特效！

ykluk

尋晚睇咗, 點都要支持吓41隻蓮花頭啦~~!! {:9_407:}

真心講如果去睇一定要留意片頭塊葉, 超級精彩~~!!! {:9_426:}

至於套戲係咪真係配合到Doby: Atoms, 個人聽感就一定唔係啦, 我諗真係要做晒41條track比41隻喇叭, 喺現階段真係無咩可能, 成本增加咁多而拍戲時又要考慮咁多收音應該無咁快會出到. 但就算係以41隻喇叭去模擬7/9/11CH, 個包圍感已經比好多戲院正, 比多少少去嘆一嘆, 連我老婆都話正~~!! {:9_407:} 不過感覺上好似啲蓮花頭未煲晒, 啲高音差少少....

另外套戲唔講內容, 不過的確比預期中好, 講真未入場前都諗住去試Doby: Atoms only, 超人成75年都預咗故事老土.....但係算係出奇地好喇, 當然無當年睇Batman: Begins時咁新鮮, 但係重新去做一件咁老土既超人故事, 宜家睇完戲都覺得幾好~~!! 最後打足大半粒鐘, 又係比預期多, 仲要係喺城市打, 拆咗成個城咁, 無話係音效同畫面都係算比晒誠意喇, 講真喺太空打既話唔使搞咁多嘢嘛~~!!

綜合嚟講, 呢套嘢同the grand 6院絕對值得一看, 不過唔好諗住有TDK既故事咁強, 但娛樂性絕對OK~~!! 希望BD做好啲又有一隻試機碟喇~~!!

good88690

昨天都在圓方6院睇了. 套戲嘛................... 好一般. 叫合格咁囉

至於41.3全景聲, 係好正, 謂既係開頭段樹葉試片, 塊野飛黎飛去, 有d位好似有樹葉掃你頭咁, 距離感好好

但套正場呢.............. 唔................. 都係響, 勁, 同埋夠埋身, 但可能太多飛來飛去, 又飛得快, 感覺有d亂, 再加上流一流既3d, 流一流既劇本, 所以睇完冇咩滿足既感覺

朗

雖然遲些少有包場請睇戲, 但41.3全景聲喎, 梗係唔等, 買靚位試下啲效果! 睇咗確係好正! 值回票價! 到時睇第二次再比較下!

Wanttoknow

jimmywan_200 發表於 2013-7-1 22:27
我都只係覺得dolby atmos 片頭個效果正，但戲中就無咩料黎！唔太多特效！

good to try

timlee672

我係isquare睇左imax板覺得好正，夠埋身，畫面好清，今晚會再去圓方6院再睇第二次，可以AB test下

sam67890

好想去睇

Versa

timlee672 發表於 2013-7-7 16:46
我係isquare睇左imax板覺得好正，夠埋身，畫面好清，今晚會再去圓方6院再睇第二次，可以AB test下 ...

我都係分別isquare 及 the grand睇左兩次，感覺係...
isquare 聲音比較埋身，底音強D
the grand (dolby atmos) 空間感好D

Versa

ykluk 發表於 2013-7-2 10:11
至於套戲係咪真係配合到Doby: Atoms, 個人聽感就一定唔係啦, 我諗真係要做晒41條track比41隻喇叭, 喺現階段真係無咩可能, 成本增加咁多而拍戲時又要考慮咁多收音應該無咁快會出到. 但就算係以41隻喇叭去模擬7/9/11CH, 個包圍感已經比好多戲院正 {: ...

首先要更正，唔係"doby atoms"，係"Dolby Atmos"

另外，Dolby Atmos比其他制式優勝的地方，係混音師只需要決定聲音位置及移動方向，及整個空間的音效數據，Dolby Atmos 會跟據戲院speaker數量，擺位及聆聽空間，計算出每個speaker應該出甚麼聲音，所以Atmos 更容易配合唔同戲院，唔同speaker數量都做到好效果。而不是以住制式咁固定聲道數目，及每條聲道發出的聲音，也不需"做41條track比41隻喇叭"。

timlee672

我諗之後都係isquare睇就算啦，發覺畫面靚過圓方好多！