唔算好隨身既便攜耳放 總匯分享及討論帖

斯路

過往我覺得玩隨身音響就一定要好輕便，但慢慢慢慢發現電子產品好多時體積同表現都有些少關係，加上好多時都花唔少時間係交通之上，所以只要有帶袋基本上我都會有帶部便攜耳放出街既。

唔知大家有玩隨身音響既師兄有無用便攜耳放既習慣呢？有既不妨分享下有無邊d便攜耳放值得留意下



就等我先分享幾部啦。

Just Audio AHA-120

雖然大部但都幾輕身。電子設計上有根有據，係佢官方網頁上睇針對使用左既技術都有深入淺出既解釋。AHA-120用上class A設計，可以就唔同阻抗轉電流輸出，呢兩點都非常有趣。聲音黎講比較清秀乾淨，好多用家都話無染音好中性；我就覺得用左AHA-120之後聲音有種「乾淨左」既感覺，至於呢種乾淨左係唔係中性無音染我又唔太識講呢，聽落高頻比較直白，有時甚至會harsh。呢部耳放我非常喜歡，同我手上大部分既小玩具相容性唔差，係我最常用既一部耳放。

pico POWER

等左好耐終於到手。價錢唔算好貴，網上亦都唔少好評。用上iPod/iMod既話form factor完美，非常好帶，但係加埋皮套都輕微地墜手。推力大，用上high gain推HD600雖然唔叫做好但都算勉強合格，可以一聽。我反對有部分用家指pico POWER中性無音染：我覺得佢中頻有明顯染色，低頻有加強，高頻稍稍欠質感。

pico POWER同我手上既玩具夾到既唔算多，因為佢較有主導性，夾SD3的話雖然中頻低頻更好聽但瞬間變成高頻殘廢。我鐘意pico POWER同IE800呢個組合，兩者雖然有相性但稱唔上係化學作用，用上mid gain推力稍稍過大但生色唔少，整體聲音飽滿而中頻低頻伸延度以及分析力高左唔少，但高頻質感同整體立體感有所欠奉，細緻度亦唔算非常高。

Portaphile 627

呢部係從一位師兄手上試聽左好短既時間。續航弱，大細唔錯；low gain推力唔算大。音染明顯而非常討好，無咩造作感，整體表現有板有眼而聲音亦好鬆動鬆容，要挑剔的話，低頻雖然有質有量而亦相當細膩，但可能細緻過頭而表達唔到力量感。試完相當有驚喜想入返部續航升級版既627X，可惜真係好貴呢



我見市面上都有唔少便攜耳放，但始終唔算係大眾用品，討論程度以及曝光率遠比耳塞低。唔知大家有無邊d好又或者唔好既型號可以分享下呢？

loadinglove

好的amp：RSA P51
佢體積細、輕身、續航極長，3日冇熄都未用完電。
我認為P51只適合推入耳式,大耳牛只能推出聲.(某些便攜設計的例外,e.g. momentum)
配上大部分耳機都有良好表現 其人聲表現最優,水分充足,感情到位,能夠配合唔同聲線 唔同唱法
動態強,反應快,毫不拖泥帶水.音場中等但不會覺得空虛.低頻量不算多,能量亦不夠強,但質素非常好.
p51算係流行的一大強者,古典只適合小型演奏,氣勢略不足.


我想問下class A,class B係咩黎? 係調音風格、電路設計、定係其他?

斯路

loadinglove 發表於 2013-6-23 23:09
好的amp：RSA P51
佢體積細、輕身、續航極長，3日冇熄都未用完電。
我認為P51只適合推入耳式,大耳牛只能推 ...

多謝師兄分享呢

RSA P51我未好認真試過，中頻以及人聲有特色，聽落都係開心有樂感既聲
未知師兄係用黎配咩耳塞耳機架呢？

Class A/Class AB/Class D等等應該係一種output stage bias，從我理解大約係指同replicate sine (我估) wave既程度有關，大致上最主要分別在於高頻失真率。

如果師兄有與趣可以參考一下
http://en.wikipedia.org/wiki/Class_A_amplifier#Class_A
http://www.justaudio.co.uk/guides_class_a.html

loadinglove

斯路 發表於 2013-6-24 00:41
多謝師兄分享呢

RSA P51我未好認真試過，中頻以及人聲有特色，聽落都係開心有樂感既聲

我平時多數用sony 7550夾佢 雖然唔係最好 但係我能力負擔之內算幾岩我口味了
由於我系統全部都用銀線mod/2絞金銀線過機 所以整個系統都偏向中高頻
簡單評下..
女聲:伸展度高 通透 不甜不乾 蔡琴就是大媽 手嶌葵就是青澀女孩 不會變年輕亦不會變老
男聲:比女聲略輸一點 未能完美呈現'厚度'和'質感',但僅餘的磁性仍能帶出感情
音場:左右大約是6個身位 前後2個身位 包圍感一般 定位尚算明確
低頻:音量大時(+30%)會很明顯 下潛深量亦多 平常聆聽音量令'量'大幅減少 但所有情況力度都略嫌不足(個人意見)
電子音效:指電腦合成音(k-pop/lady gaga大量使用,電子樂器不算) 極之不適合!! 會令我直接轉歌

總結:適合真實樂器演奏的流行、女聲小品、小型合奏、大合唱

明晚再續, 分享其他幾對我覺得幾好的入耳式, 大耳筒我只聽過極少.有機會再分享

果2條link好高深,不過岩晒我 幫我解下悶XD

斯路

loadinglove 發表於 2013-6-24 02:18
我平時多數用sony 7550夾佢 雖然唔係最好 但係我能力負擔之內算幾岩我口味了
由於我系統全部都用銀線mod/ ...

咦 Sony 7550係咪即係國際版EX800ST? 呢隻我其實都幾有興趣想試試，可惜又係腦想試時心唔想去試，搞到而家都只係睇人講講。

講起RSA我比較接觸得耐既只有The Hornet。印象實在唔太好呢，中頻好aggressive，成個presentation都好aggressive，有種唔受控既能量感，聽得好辛苦。記憶中P51比The Hornet易聽呢。

睇完師兄咁講7550+P51組合都好似幾擅於流行呢，但見師兄都好似有輕微不滿。會唔會身痕想升級

至於個兩條link嘛，參考都還可以，相信要明晒實在...

patkwok

大家加D相再分充享下就perfect喇

junior531

Ching， 小弟都好有興趣入pico power，想問問ching有無配上ipower 9v？你認為能夾JH16pro嗎？及官網訂等左幾耐？

斯路

junior531 發表於 2013-6-24 11:23
Ching， 小弟都好有興趣入pico power，想問問ching有無配上ipower 9v？你認為能夾JH16pro嗎？及官網訂等左 ...

無啦，我打算玩多陣先配吓電。我訂咗大約半年左右。
JH16 Pro係一副我唔理解嘅耳塞，而且只玩過公模。可能會撞味。我諗師兄可能等吓有得試再決定好啲。
pico POWER係一隻我未能大力推薦嘅耳放。

muffy

其實小弟玩過既amp都唔少
不如推介下近期比較滿意既amp
RSA Intruder:
呢部係小弟近期除左911之外既最愛
傳統既RSA聲底, 偏暖, 聲音平均, 分析力好強, 底噪少
我主要用佢既balance output, groove好強勁, 而且音場闊, 幾耐聽
有興趣既師兄可以一試!

junior531

斯路 發表於 2013-6-24 11:37
無啦，我打算玩多陣先配吓電。我訂咗大約半年左右。
JH16 Pro係一副我唔理解嘅耳塞，而且只玩過公模。可 ...

Thx ching