大家是如何開始玩耳機呢?

hiyori

呢個討論其實係希望大家分享下點解玩耳機，事緣有位版友開左個post，一問始說提到「聽耳機是錯的嗎?」，呢個係一個好有趣既claim同吸引眼球既破題，好可惜我同好多師兄一樣睇完都唔明呢位師兄想表達既重點，不過呢，大家講下講下，又引伸左一個有趣既題目，就係大家點解同點樣開始玩耳機。為左唔影響個邊有意思既討論，我就另外開左呢個吹水topic。

個位師兄提到求真，如果睇呢樣野，耳機同真正既音樂，可以話差好遠。
而呢樣野唔止係耳機，就算喇叭，天價系統，花眾多心思去搞，同live比較，都係唔一樣。
如果有一個人聲稱「唔真唔得」，我諗，有時候，佢可能只係覺得咁講好有型，因為咁睇黎有幾分好厲害既求道者feel，又有可能，佢係好不幸俾一d一知半解既人老點左︰因為，理論上來說，唔真唔得可說是有d幻想味既追求 - 至少以而家既科技來說，即係講緊用一個固定空間同固定數量/ 種類既發聲源，去完美再現真實live之中，唔同數量同唔同種類樂器(這也就是代表了︰1)不同數量發聲源/發聲點，2)不同距離/ 位置，3)不同發聲原理)係唔同size既空間既演出。Dolby努力左好耐，不斷改善緊佢地既技術，我真係信佢地會有一日做到架，不過而家都仲有好多位可以變得更加好。

小弟覺得音樂其實好簡單，唔洗話識D咩，聽過D咩先可以聽音樂；(music appreciation是別的東西，wiki個解釋既簡單又妙，quote係最後俾大家睇，識music appreciation可以增加你平時聽音樂既趣味同視野，但唔識又唔代d咩)最簡單，就係大家都希望可以聽到自己「喜歡既音樂」，喜歡呢兩個字包括左好多既意思，除左有幾似真之外，仲有好多好基本既例如音樂類型，演譯方式，表現方式既偏好等等，每個人放既比重都唔一樣，少數人既比重可能好clear cut，不過有更多時大家可能會覺得難以形容，但他們不懂得說也好，也會知道，那個是好聽，那一個是雖然好似真，但又好似唔好聽，等等，聽歌本來就好簡單，好直觀，好感受性，你有經驗，有音樂欣賞既能力同學問，你focus既野唔同，會比一般人多d唔同既要求，但你要把這些經驗加去人地度，同人講你個d先叫好，再逼人去接受，咁其實就已經無意義了。

說到很遠了，小弟有位朋友講過一個好有意思既講法，其實玩耳機，「求真也可以求fun」，因為耳機很有趣，可以輕易把同一首歌用不同的方式去表現，可以focus係人聲，可以係bass，可以係空間感，等等，而且，更重要，是耳機很方便，很私隱，我想聽就聽，唔洗搞來搞去等set一大堆野，又要睇屋企d人睡著了沒，又唔洗俾人知我聽緊咩野(溫馨提示︰注意漏音呀)，入耳就更方便，我想係邊度聽就邊度聽，係點都唔及live，不過都好好聽wor。

然後，點可以再好聽d呢，呢度唔係好夠wor，個度又差d野，咁加個amp啦，換下線啦，咦，又好聽左wor，咁搞下搞下，咪入左局

呢個係小弟唔係心得既一d分享，唔知大家又點呀?係個邊講過下既師兄，同埋無講野既師兄，都等你地黎講下架:)

ref:
music appreciation

Music appreciation is teaching people what to listen for and to appreciate different types of music. Usually music appreciation classes involve some history lessons to explain why people of a certain era liked the music that they did.[1] "Appreciation," in this context, means the understanding of the value and merit of different styles of music.

source: wiki

ropresident

我自己對耳機無咩要求, 唔似屋企用既2ch.
求其有聲出, 唔太差就算, 所以只係用sony mp3聽flac檔 + AT ES10就算, 最多係換左條hp線比佢, 已經心足

hiyori

ropresident 發表於 2013-6-20 11:56
我自己對耳機無咩要求, 唔似屋企用既2ch.
求其有聲出, 唔太差就算, 所以只係用sony mp3聽flac檔 + AT ES10 ...

師兄簡單中有著不簡單wor
好奇師兄幫ES10換左咩線 ？

blueken1215

最初係因為我唔鍾意iPhone跟機果對開放式耳機
於是就想買過對有mic既入耳
由於無咩朋友幫到我
所以就自己上網睇下有咩耳機好用
結果...

ropresident

hiyori 發表於 2013-6-20 12:02
師兄簡單中有著不簡單wor
好奇師兄幫ES10換左咩線 ？

版主都知AT既HP都係唔換得線為主, 就算要換, 都只可以搵D極幼身既線換落去.
如果依正路買返HP線太貴了, 似樣些少既都起碼$3K野, 玩2CH都已經買到唔少好線......

有見及此, 所以自己買訊號線返黎切皮, 飛走所以唔需要既野, 淨係要入面條芯, 連埋插頭都係$400有找
最緊要真係明顯比原裝線好幾十倍, D聲完全唔焗, 有返哂動態+音場. 收貨啦

hiyori

ropresident 發表於 2013-6-20 12:12
版主都知AT既HP都係唔換得線為主, 就算要換, 都只可以搵D極幼身既線換落去.
如果依正路買返HP線太貴了,  ...

我都好希望有一日有咁好手藝

t1174

我個人就唔太喜歡 LIVE, 因為感覺音壓太大.........

我喜歡 RELEX 得多的感覺.

hiyori

t1174 發表於 2013-6-20 12:25
我個人就唔太喜歡 LIVE, 因為感覺音壓太大.........

我喜歡 RELEX 得多的感覺.

t1174兄不如覺多d你既心得同set up?小弟一直好有興趣知同想學下野

jaffeinism

無條件燒喇叭個陣

tomato75444

太復雜喇!!你聽咩係好我又唔g,我聽咩係正你又唔g,
吓吓又話要旗艦,又話要用咩機咩音源.....
我過萬器材出街聽又有,就咁電話原裝耳機又有,
簡單d學吓點去享受音樂好過,
心情好聽歌仔都正d,
其實聲音有幾好只係你聽到有幾多!