The Last of us 全單機獎杯流程( 26/6 更新網戰補充 )

marcolau

nigo1517 發表於 2013-6-16 04:57
我都爆左普通 用左14個鐘

我生還者MODE打到80%都用左13個幾鐘了。

marcolau

@肥狗仔@ 發表於 2013-6-16 13:38
good~終於爆機了~遲下可能又打篇review~

我以為你會打埋生還者....

marcolau

大佬John 發表於 2013-6-16 03:29
下年先玩...呢隻...

到時又冇人同你打ONLINE...

@肥狗仔@

marcolau 發表於 2013-6-17 20:33
我以為你會打埋生還者....

哩隻?可能過一排先會重玩。哩家我想補完返之前未玩果D game^^

marcolau

@肥狗仔@ 發表於 2013-6-17 20:46
哩隻?可能過一排先會重玩。哩家我想補完返之前未玩果D game^^

到時你唔記得晒D位點走仲難打....

marcolau

全獎杯流程。

剛開始 The Last of us 時我感到奇怪，為何過了幾版仍冇彈出一個獎杯，因此睇一下個獎杯列表，原來除4個ONLINE外，其餘全是爆機及搜集等，沒有一點技巧，於是開始計算流程，了解到至少要爆3次機才可完成，這根本就是虛耗光音。

個人建議單機獎杯流程︰

• 先用完成一次普通難度，主要是認真玩一次，及完成遊戲後開啟「生還者」難度，
  其實「簡單」難度亦可以，不過D資源多到要諗辦法用左佢，打怪直頭全程用釘子炸彈及氣油彈已經玩晒，近乎冇必要潛行，這未免容易得過火了。
  
  
• 直接開始「生還者」難度，同時開始進行搜集，因搜集太多了，因此對話得留待下次，順便開門，要留意的是生還者難度未必夠刀仔開晒所有門，因此先記住自己邊度門未開，留翻「生還者+」先開。而升級武器要留力了，主要升級後段武器，何解...之後會解釋。
  為何不在普通難度時搜集呢？
  1, 搜集即係要睇攻略（當然我唔排除有神人可以唔睇 youTUBE 都搵得晒百幾件物件），我唔建議人一開始睇攻略，請先靠自己打一次，之後你鍾意點玩到得。
  2, 因為之後玩「生還者+」可以承繼技能。
  
  
• 開始「生還者+」難度，這次主要做埋對話及開埋剩餘嘅門，而同時開始主力升級武器，但要注意，武器升級不是由9MM手鎗開始，而是由最後一支噴火器開始 ->  強力手鎗 -> 短鎗.....總之先升晒後段的武器先。因為「生還者」及「生還者+」物資太少，即使完成也不能完全升級。
• 完成以上流程就只剩下兩個單機杯「不管怎樣都撐過來了」及「情況緊急」，至少穿牆技能在生還者係升唔到的。因此要再開一次新遊戲+，但今次就用「簡單」難度就可以了，因為物資最多及最易打，
  用維他命完全強化喬爾應該好快就完成，因為你應該只差"穿牆"未升而已。
  而武器，就要睇你之前在生還者+時升到那一把，如之前已升晒"短鎗"及之後嘅武器，即係你打到去「博物館」搵到支"獵鎗"及升埋就開晒所有單機杯，反之如果你未升晒支"噴火器"，那你就要打到去「大學」了....當然，你能在「生還者+」之前升晒就更好，但似乎不可能有咁多零件。
  

所以話，隻GAME要爆3.5次機同時要不斷搵升級零件先可以開晒D單機獎杯，都幾係野.....

而 ONLINE 4個獎杯中的「火螢」及「獵人」要打百幾場網戰，又是浪費青春......
一來我未必會去做，二來只要你得閒冇野做你都會開到，只係時間問題，所以冇必要講了。
而另外「人口增長」及「基本技巧」兩個杯，基本上打網戰好快會開到。

marcolau

補充︰



原來「火螢」及「獵人」並非打就有，而係要保護你營地嘅人，網戰一場等於一日，一般幾日都會出現一個任務，而一個任務期限為三日，如無法完成任務就有可能命營地嘅人大量死亡，或GAME OVER。

而我作日因連斷兩次線加上今日分別又斷兩次線，因斷線會扣一日及沒有補給物資，令本來人口有50人的營地死剩9人，及後因斷線扣了日數而不能在三天內完成任務，最後令全營死亡。斷一次半次唔係致命，但連斷就會令你無法達成任務條件而大減人口.....

所以哩兩個獎杯，難易與否唔重要，重要係求神拜佛個白痴 SERVER 唔好斷線.....