25週年 24K Gold

相位王

Gentleho 發表於 2013-7-17 19:07
hahahaa,師兄你唔只報告寫得好，讚人嘅說話都不錯，呵呵。題外話，之前呢隻一起走過的日子都有出過 LPCD1 ...

Gentleho兄,

咁遲先覆你真係5好意思！多謝你欣賞我D無料報告！其實我D吔吔烏報告大家5使咁上心嘅！始終係76咁多高手, 我D小角色算得係乜！講番正題, 一起走過的日子嘅LPXD1630我係無買的, 一個連相位都5知係乜的錄音師, 我對佢D 高級版LPXD45已經信心全失，既然高級版都可以造到咁鬼垃圾，你估我仲會浪費金錢去佢D入門垃圾版LPXD1630度吖！一隻香港或大陸造的普通CD(1630)相信只會比佢嘅劣CDR(45)更差！而哥哥Summer Romance 87 週年24K算是上年年尾重出之作, 而K2HD CD版本則是同愛的根源一樣第一水K2，若果你中意高低頻伸延誇張，多些味精及人工聲, 你會選K2版，如果你中意高中低平衡度高一些但又無咁多味精，聲音自然一D，又耐聽D, 便要選24K週年版本(不是天龍24K)，雖然K2同24K週年金都是正相， 但我覺得整體一定係週年24K金碟勝過K2HD！

903881997

唔知 相位王兄 對那批 二十世紀光輝印記版本 有何評價呢？

相位王

903881997 發表於 2013-7-20 18:01
唔知 相位王兄 對那批 二十世紀光輝印記版本 有何評價呢？

903881997兄,

那批 二十世紀光輝印記dcs版本 我的評價是綽頭多於一切, 就算你有cello dcs音響系統，一隻用dcs錄製CD也沒有dcs解讀還原能力！我相信除了HDCD有隱藏升頻解碼Code於HDCD機播放時有升頻作用外, 其他都是16/44.1來的！
首先dcs CD賣點是用這個系統重新母帶處理！但用香港普通鋁合金CD印碟就可以肯定因為先天不足,想靚聲都難, 而且肯定dcs CD 無執過相位，簡單D講, 成個系列中得Alan 暴風女神Lorelei入得耳，但5好以為靚聲, 因為佢可以用聲音平板來形容，不論立體、層次、空間、空氣感也很弱, 深度不足，似聽緊一部低級錄音座播出來很弱層次平板無奇的感覺！唯一可取之處便是高低音表現尚可, 分析力比部份銀圈好一點！環球24K週年金碟一出就將佢撤底打敗！

相位王

msiu100 發表於 2013-7-20 13:09
借mankoo 兄舊貼一用  

相位王真係聽 歌王子 ，想請教下流行曲 同 calssic 嘅相位理 ...

msiu兄,

唔好意思，咁遲先回覆你呢位大師兄！其實你問的問題對我嚟講都幾難答下！
其實我都5係咩聽歌王子，你太客氣了！

想請教下流行曲同 cclassic 嘅相位理論有冇分別？
我自己擁有的classical CD碟不多, 所以我的意見對你未必太具參考價值吧！不過，對我而言，除了錄音室因電源及平衡線接駁錯誤的原因外, 我相信classical Music多數都着重交響樂或大棚野，所以場景營造氣氛很重要，由於反相聲音的特色是背向散射形式，難以定位，所以有包圍感較強較深和較寬的假像，我估這種原因去解釋為什麼古典音樂錄音師要故意用反相方式錄音！

重有周年24K 暴風女神CD音色還原成點 ? 你係5係指同80年代最早期日本天龍濛字版比較？如果係, 我可以答你係各有千秋, 始終24K金碟CD物料本質於高中低頻取向與一般鋁合金CD大有不同，24K聲底始終厚底，有利中低頻多一點，而高頻則偏向清晰但柔和一點，所以天龍濛字舊日版的分析力感覺高一點(呢張係與一般日本天龍濛字不同因為高音清晰好多)，但聲音硬一點, 亦感覺無24K咁厚聲和低頻咁強！但因為正相錄音，所以兩個版本都可聽性甚高, 而週年24K性價比高是肯定的！不過如果你有二千元多餘錢, 買番隻80年代日本天龍濛字也是不錯選擇(但內裡歌曲好像參次度高一點！再講番24K週年版，高中低表現，中低突出一些，高音清晰但很柔和，人聲夠厚，低音Keyboard及低音結他彈每一下都好清楚好有彈力！鼓聲每一下都有力始終bass夠，層次、深度、空氣感寬度空間感也不錯！回音亦不會過火！

因為近年己經比 d 乜版物版搞到怕怕？
放心！無乜味精！
而且暴風女神係冇出過 天龍24K gold ,奇怪係暴風女神首版係 天龍壓印 , 天龍24 k 卻又竟然冇份 。
呢樣唱片公司至知，我代表5到佢地答你！相信佢地一個個project睇，同頭版無關！

相位王

msiu100 發表於 2013-7-20 13:09
借mankoo 兄舊貼一用  

相位王真係聽 歌王子 ，想請教下流行曲 同 calssic 嘅相位理 ...

唔好意思msiu100兄.

講漏左週年24K金版肯定佢起碼係第二最佳版本，有80年代舊有天龍濛字版接近九成功力先！

chopinlau

相位王 發表於 2013-7-20 14:38
Gentleho兄,

咁遲先覆你真係5好意思！多謝你欣賞我D無料報告！其實我D吔吔烏報告大家5使咁上心嘅！始終 ...

Summer Romance 87 K2HD和24K週年同我聽到嘅一樣，各有各好，如果隻24K音壓高返D就一流了！

msiu100

相位王 發表於 2013-7-23 14:28
msiu兄,

唔好意思，咁遲先回覆你呢位大師兄！其實你問的問題對我嚟講都幾難答下！

多謝相位兄回覆，我真係一知半解，我知有吾少前輩真係講得出邊隻黑膠係反相，邊隻係正相，甚至乎邊隻cd 好聲邊隻衰聲，好似數家珍咁，直情係香港樂壇字典一樣。
講返廣東碟反相問題真係要揾羅蘭姐嘅謎女朗出厘解答一下，究竟係當年邊一個制作程序出錯？係母帶？係壓印過程？定還是係求其冇襟個phase 掣就開波呢？以寶麗多為例，出咁多碟都有不同嘅正反相產品。

奇怪係直至現在都好似冇一個當年嘅録音工程師出厘講下廣東碟嘅正反相問題！

msiu100

相位王 發表於 2013-7-23 16:21
唔好意思msiu100兄.

講漏左週年24K金版肯定佢起碼係第二最佳版本，有80年代舊有天龍濛字版接近九成功力 ...

天龍版叫做好些少,  當年厘隻cd同大碟比真係經典..........衰聲    

lovingmusic2014

相位王 發表於 2013-7-3 14:04
對上一輯的24K 牆上的肖像大碟聲合格的！因為銀圈01頭版聲好弱好濛！而且低音本身較弱, 再加上本身牆上的 ...

想問問師兄《心聲》、《Coming Home》和《Montage II》呢幾隻週年金碟d聲又如何？  

lamwaikit007

lovingmusic2014 發表於 2014-1-24 20:18
想問問師兄《心聲》、《Coming Home》和《Montage II》呢幾隻週年金碟d聲又如何？    ...

其實環球重出24K，儲起的價值高於聽的價值。是否出到靚聲，隨了隻碟本身質素之外，機都會有影響。而且應該是以自己聽到為實會好一點。