阿仙奴2013-2014球季(5/17英足總盃決賽對侯城)

朗

Fabregas 發表於 2013-11-11 22:24
去咗台灣渡週末, 返到嚟只睇到下半場!
輸俾咁平庸既曼聯當然失望, 被叛徒雲佩斯膊頭入波更唔服!
但表現比 ...

輸一場聯賽冇乜大不了! 唔係踢得太差, 輸俾平庸既曼聯最令廠迷不安嘅應該係顯示唔出霸氣, 唔夠肉緊, 冇遇神殺神, 遇佛殺佛嘅氣勢, 有啲好似幾分距離嘅優勢已經幾comfortable, 唔通真係作客贏埋曼聯帶離佢地十一分咩咁! 仲未相信自己隊波真係得嘅, 心態心理未夠之下就輸咗場來回六分波, 放生返曼聯, 無怪雲佬咁激動!

說話就係咁講, 問心嗰句, 廠迷相信自己隊愛隊真係得嘅未呢? {:9_419:}

leo25

朗 發表於 2013-11-11 23:47
輸一場聯賽冇乜大不了! 唔係踢得太差, 輸俾平庸既曼聯最令廠迷不安嘅應該係顯示唔出霸氣, 唔夠肉緊, 冇遇 ...

問心嗰句, 廠迷相信自己隊愛隊真係得嘅未呢?

等我答先, 老實講, 我就始終有保留, 單靠而家2個所謂正副中鋒, 想贏聯賽真係唔係幾樂觀

而中場方面, 冇錯係英超就算唔係最強都肯定數一數二,
但雲加如果覺得藍斯係不可或缺而唔用其他球員, 我就唔係好認同
雖然話呢期入波多, 但都只算係腳風順, 距離一線同穩定就仲差好遠
打中場亦唔隱陣, 每場都會有d高章大意波
可能係我對佢有偏見, 無論佢點入波, 响我心目中都只係個平傭球員

後防方面, 如果冇傷病, 而家嗰幾個正選同埋後備, 我就覺得唔錯......如果華隊長甘願做後備嘅話

總括而言, 無可否認而家隊兵工廠係近年最有野心嘅一隊.
但如果唔買返個世界級前鋒返黎, 一切都可能係發夢....

好彩嘅一樣野係, 基本上而家英超big 6 都只係海軍鬥水兵.
大家都係鬥失分少而唔係鬥攞高分

emuho888

leo25 發表於 2013-11-12 00:42
問心嗰句, 廠迷相信自己隊愛隊真係得嘅未呢?

等我答先, 老實講, 我就始終有保留, 單靠而家2個所謂正副中 ...

聯賽仲有排鬥 我覺今季相當好睇 起碼中游同前列相差並非太大 可以一兩場波之後局面又改變哂

raymond430

leo25 發表於 2013-11-12 00:42
問心嗰句, 廠迷相信自己隊愛隊真係得嘅未呢?

等我答先, 老實講, 我就始終有保留, 單靠而家2個所謂正副中 ...

唔係對阿記實力無信心, 而係對佢地嘅心理質素存有問號, 天下無不敗之師, 輸一兩場波無問題, 再講,輸畀前列球隊係可以接受, 只要有贏有輸就唔係問題;  不過, 幾季阿仙奴常因一兩場波失利就兵敗如山倒, 怕佢地輸唔起啫!

朗

華隊長話佢喺阿仙奴仲有前景, 唔會走! 希望佢可以操得返起喇, 更重要係門心呀! 成隊波而家最缺乏係一個大佬, 華隊長同一個人無咗昔日嗰股心火同隊友嘅信服, 前晚帶起隊長臂章卻做唔到帶動隊波嘅角色! 攞波分波嘅就多嘞, 指揮行軍嘅有邊個? 阿迪達夠勤力但連西班牙國腳都做唔到壓唔到場, 雲加自己都唔係睇佢咁起唔係就唔會要阿迪達當日減薪來投喇! 問下大眼仔, 基奧特之流咁嘅層次, 時得時唔得助攻王都唔知點去餵波, 嗰晚見到喎, 佢啲妙傳基哥完全意會唔到!

真係要稱霸, 重爭一個帶頭大佬, 一個頂級前鋒, 丹巴巴亞, 咪玩喇! 百分百相信自己係世界級嘅賓施馬就差唔多!  

Fabregas

leo25 發表於 2013-11-12 00:42
問心嗰句, 廠迷相信自己隊愛隊真係得嘅未呢?

等我答先, 老實講, 我就始終有保留, 單靠而家2個所謂正副中 ...

我相信自己可能係呢度最樂觀既廠迷, 所以今年我審慎樂觀!
好明白整體實力不及車仔或曼城, 但今季呢兩隊假想敵又經常於弱隊失分!
曼聯, 熱刺, 利物浦亦無霸氣, 英超big 6 都無一對有冠軍相!
做球迷要有夢想, 攞冠軍要靠啲運氣, 今季有運的話, 大有機會重奪2004年英超冠軍!
如果一月雲加又有驚喜幾千萬買個頂級前鋒, 機會更大!

Fabregas

朗 發表於 2013-11-12 15:52
華隊長話佢喺阿仙奴仲有前景, 唔會走! 希望佢可以操得返起喇, 更重要係門心呀! 成隊波而家最缺乏係一個大佬 ...

最需要的確係一個頂級前鋒, 更要有雲佩斯既級數!
丹巴巴亞, 賓施馬我都覺得未夠班!
法卡奧, 卡雲尼, 蘇亞雷斯就夠啦!
利雲度夫斯基都ok!

朗

Fabregas 發表於 2013-11-12 21:24
最需要的確係一個頂級前鋒, 更要有雲佩斯既級數!
丹巴巴亞, 賓施馬我都覺得未夠班!
法卡奧, 卡雲尼, 蘇亞 ...

利記今屆咁啱都係好有憧憬, 要買哨牙蘇唔易, 今次出價再高啲, 4千萬零2鎊? 呢條友始終太獨食!

leo25

Fabregas 發表於 2013-11-12 21:24
最需要的確係一個頂級前鋒, 更要有雲佩斯既級數!
丹巴巴亞, 賓施馬我都覺得未夠班!
法卡奧, 卡雲尼, 蘇亞 ...

最慘係雲加肯畀高昂轉會費, 但都出唔起高薪啦

朗

咁就要同拿玻里夾手夾腳踢蜜蜂出局, 冇歐聯就有機會買羅拔仔嘞!