阿仙奴2013-2014球季(5/17英足總盃決賽對侯城)

Fabregas

奧斯爾終於加盟, 但如果齊人中前場點排呢?
相信無論踢4-2-3-1 或 4-5-1, 箭頭必定係基奧特, 但無後備瘌!
左右兩邊亦肯定係卡蘇拿同禾仔, 張伯倫, 普多斯基可頂上, playmaker 亦必然係奧斯爾, 路斯基做後備!
剩餘兩個叫做防中位出邊個呢? 阿迪達, 藍斯, 韋舒亞, 法明尼都可以!
照今季表現, 藍斯係必然正選, 阿迪達唔出成隊波散哂, 可能要犧牲韋仔啦!

Fabregas

有奧斯爾效應, 自己對兵工廠爭標有番啲信心!
曼聯, 曼城都並非太強, 熱刺, 利物浦未夠班!
車仔人腳就真係勁, 摩連奴又係雲加剋星, 亞仙奴要攞冠軍, 要過到車仔先得!

Fabregas

亞仙奴正式隊長係咪仍然係華美倫?
係咪改咗阿迪達或梅迪薩卡?

raymond430

Fabregas 發表於 2013-9-6 22:38
奧斯爾終於加盟, 但如果齊人中前場點排呢?
相信無論踢4-2-3-1 或 4-5-1, 箭頭必定係基奧特, 但無後備瘌!
左 ...

陣容真係好唔平衡！法米尼對防守有一定幫助，中場人腳遇剩？尤其進攻中場。雲加可能安排奧斯爾打左邊，其實普多斯基亦可打箭頭吖，佢捕位唔錯架！
傳雲加一月再入件前鋒，中堅賓無人要而留隊對大家都無好處，無奈！

Fabregas

朗 發表於 2013-9-3 23:20
電視一定係1080i, 不過眼睛睇收貨為準, NOW嘅super HD版本確係比HD版本畫質較好! 明顯實淨啲! ...

經朗兄介紹後, 我都裝咗 Now TV Super HD 啦!
約咗下星期嚟裝機頂盒, 希望畫質會好啲啦!

朗

Fabregas 發表於 2013-9-8 21:30
經朗兄介紹後, 我都裝咗 Now TV Super HD 啦!
約咗下星期嚟裝機頂盒, 希望畫質會好啲啦! ...

咁可以睇super HD有奧斯爾加入領軍作客新特蘭場波呀! 好期待!

leo25

raymond430 發表於 2013-9-7 09:20
陣容真係好唔平衡！法米尼對防守有一定幫助，中場人腳遇剩？尤其進攻中場。雲加可能安排奧斯爾打左邊，其 ...

唔知係乜料. 不過代表羅馬尼亞國家隊出陣63次，攻入22球數字上都算唔錯。

傳阿仙奴接近簽入羅馬尼亞前鋒
根據羅馬尼亞媒體的報導，前鋒馬利卡可能選擇轉會英超，據悉阿仙奴是他的潛在下家。

該名27歲的前鋒在今夏離開史浩克04後，目前是一名自由球員，儘管他和薩克達、拉素以及國際米蘭扯上關係，但是目前他仍然沒有找到新東家。

由於馬利卡是一名自由球員，所以他現在仍然可以在轉會窗外加盟球隊，球員目前的選擇並不少。韋斯咸據說希望得到這名球員，但是根據羅馬尼亞方面的消息，阿仙奴目前領先球員爭奪戰，馬利卡在本週五助球隊戰勝匈牙利。

馬利卡的經理人在接受採訪時表示：「馬利卡是一名優秀的前鋒，他已經在西歐獲得了足夠的比賽經驗，所以目前有球會關注他非常正常。」

這名經理人甚至宣稱和阿仙奴的交易似乎已經開始進行，他繼續說：「馬利卡接近加盟阿仙奴，但是我們可能需等待至下個星期。」

馬利卡不出意外也將會在本週二對陣土耳其的世界盃外圍賽中出陣，如果獲勝，他們將比較穩固的佔據小組第二的位置，馬利卡代表羅馬尼亞國家隊出陣63次，攻入22球。

leo25

Fabregas 發表於 2013-9-6 22:38
奧斯爾終於加盟, 但如果齊人中前場點排呢?
相信無論踢4-2-3-1 或 4-5-1, 箭頭必定係基奧特, 但無後備瘌!
左 ...

仲有個迪亞比呢

raymond430

leo25 發表於 2013-9-9 13:21
唔知係乜料. 不過代表羅馬尼亞國家隊出陣63次，攻入22球數字上都算唔錯。

傳阿仙奴接近簽入羅馬尼亞前鋒 ...

好過無, 希望佢係另一個米捷

leo25

raymond430 發表於 2013-9-9 13:57
好過無, 希望佢係另一個米捷

希望啦, 羅馬尼亞既通常都會有d腳法, 自由身又啱雲加胃口
而呢個見到得基奧特一個同佢爭位, 揀兵工廠成數都大d