一步到頂既迷思 (吹水版)

Zack_A

一步到頂,我都想.... 耳機路太長同太貴...
買左BEATS, 再換10pro再CM, 以為到頂,再換口味,買多ie80, (其間買賣了HD600,TX 900)
player 方面, 由電話轉mr2, 幸運地, mr2 夾得好好.唔洗買AMP
之後又試grado , 之後入埋rs1i....
到現在,還沒有見頂....

googleli

Anyway, 我都係提供一種玩法姐, 其實大部份人都係逐步升級的, 所以更加無必要去打壓其他聲音, 絕大部份人仍是會慢慢玩上去的. 我就覺得條路點行無話邊個o岩邊個錯,  係冤枉路走多走少咁解. 耳仔聽聲音不用去學, 只有適唔適合自己, 所以亦唔一定話要讀完小學讀大學. 對於有能力的朋友來說, 我覺得第一對即買custom亦不是什麼壞事, 如果我recommend完佢之後佢聽完覺得BEATS好聽D咪買番BEATS囉.

t1174

我就冇乜章法，更加唔會點recommand 了。不過我想大家也是聽聲（加想一點睇樣）做人。當中加上唔少得的 budget 因素，同收風資訊指引吧。頂.......已我聽我想我一生都唔夠錢玩。就是要處理好我自己系統聲音都玩死我呢.......

alanchu

咩叫一步到位? 用無限金錢去打做做貴系統 未必啱自己
好似樓主咁講 個個人都有自己口味自己中意就ok

好似我好中意隻p5 但headfi果度有人詰100蚊都唔值

另外好似我咁慢慢去試 一隻一隻咁 先知道自己中意d咩
行冤枉路又如何 行嘅過程總有得著 最冤枉係行完都係白行 完全無得著

muffy

見到呢個topic, 覺得好有感觸, 等我又分享下自己既心得先
其實我自己就唔係玩左好耐, 第一對高階小小既都係3年幾前既W3, 但我人生第一對耳機係PL-12, 一對$199但CP值好高既入耳式
果陣買左已經好開心, 因為對比自己以前果d贈品級數既真係好大提升, 跟住過左一年到先換W3
W3又用左一年到, 之後就開始發燒, 不停買耳機...最後因為買得太多+被人發現所以好多都放左
我自己就覺得其實一步到位都有好處, 因為唔會好似我咁浪費左好多錢 (一手買二手放起碼輸10-30%啦), 但如果你慢慢玩又會有另外一種樂趣
我重記得W3果種吉他聲真係好聽到暈! 而IE8既Bass又係好驚人, 535既女聲又超毒! (果陣未有咁多其他品牌, 呢三個算係比較出名)
慢慢開始越黎越注意Source+Amp, 果度又係另外一筆錢...玩Amp都洗左唔少錢...
中間大概玩左20幾對耳機, 每對都有佢既優點同缺點, 雖然唔捨得但budget問題每買1-2對新野就點都要放番1-2對舊野...
其實講咁多廢話我都係想表達慢慢升級同埋一步到位都各有好處, 最緊要就係自己玩得開心
而新手budget唔多真係可以考慮買二手, 我自己就好中意買二手, 就算輸都唔會太多
貴既真係未必好, 最緊要係自己耳仔分到+聽得舒服
如果自問真係木耳, 其實真係未必需要洗得太多為買而買
始終音樂得自己對耳仔聽到

p.s. 而加自己既組合係Ak120+uber jumper+Intruder+one plus two (uber cable)
呢個組合足以令到我退燒, 亦都毒到身邊唔少既朋友, 有興趣被毒既歡迎PM小弟啦 :)

alanchu

補充一句 未聽過差又點知咩叫好呢?

t1174

又唔一定wor. 好的，好到一定層次，就知是好。 可能多少差的已經在電視，電腦等等聽太多了吧。

jaffeinism

對於一個花心既野, 無可能有一步到頂呢回事...

有拉利, 就想有PORSCHE ...

一步到頂只係一種心態

h0200231

alanchu 發表於 2013-6-7 14:25
咩叫一步到位? 用無限金錢去打做做貴系統 未必啱自己
好似樓主咁講 個個人都有自己口味自己中意就ok

其實玩喇叭同玩耳機都係一樣,玩到入棺材果日都冇一步到位呢回事架啦
不過玩耳機有樣好處,就係可以超低成本都入到門
今日去X軒試CM,見到有位ching用佢部player+耳擴試IE800,而個耳擴外殼係用名片盒做既
而我自己既玩耳機經歷係咁:
2011年中 - Soul SL99 + Samsung Galaxy Nexus
2011年尾 - 以上加Miuaudio MRB
2012年中 - W4R + Miuaudio MRB + Samsung Galaxy Nexus至今
其中MRB經過不斷不定期不斷摩改(opamp, cap, 銀線路),聲音自己覺得不斷進步中
講到CM,可能會有人問,萬六銀既Fitear 335會唔會全面打低八千銀既ES5,答案可以話你知係一定唔會,凈係講個低-超低音兩者表達方式都唔同,335低音乾凈下潛好,但punch就ES5贏唔少咯,而現場感反而覺得ES5重好些少,335就幼細D,咁你話邊個可以贏邊個呢?
玩左咁耐耳機,我覺得最簡單同最有效果既環節就係對錄線,之前我左右地線各用一條jensen 0.8mm銀線,覺得效果唔錯;後來改為左右地各用兩條jensen 0.8mm銀線,效果真係好好多架

laikwunho

慢慢來...唔洗急...最緊要快