請不要再唱口水歌, 已聽到好悶啦!!!

freesongbird

請不要再唱口水歌, 已聽到好悶了. 張學友隻 "Private Corner", 黃凱芹隻 "分別", 十分欣賞, Hi Fi 碟, 新歌創作. 正!!! 有無師兄講下仲有無香港或台灣 Hi Fi 碟, 是全新創作曲目??

mhc

近喱十年八載,衣隻學友真係最正!

guppyguppyguppy

我剛剛至同D朋友講開, 點解翻唱碟仲要唱翻唱碟既翻唱歌...啫係人人都不停翻唱又翻唱再翻唱...
真係聽到爛

freesongbird

唔好以為只要錄音好, 靚聲, 求其搵10首舊歌番唱出碟, 就會有人買先得嫁, 仲要出埋幾個版本, 又話限量玩number, 當人傻仔咩. 邊個自稱Hi Fi 天后, 唉, 唔開名啦. 各有所好, 自由市場.

lamwaikit007

其實可能是作曲人和作詞人都江郎才盡了，所以要翻唱歌曲。

其實翻唱歌曲應起源於Susan WONG (如果有錯，請通知)，當年她出了一張唱片，但該碟不是大賣，所以沒有再出了。但後來不知道什麼原因，有唱片公司找她出翻唱歌CD，而市場對象是一班HI-FI發燒友，當然製造出來的唱片就是HI-FI發燒碟。當年這批碟的價錢已比市場一般唱片貴了一些。但奇怪的是，雖然是貴及沒有上榜 (估計當時可能不算是流行曲唱片)，該批唱片的銷量卻是大賣。但該時各唱片公司仍然努力地控訴盜版唱片和如何教導人們不要買老翻。所以都冇人知道有這一條財路。

時至今天，各唱片銷量不斷委縮，年青一代少了買唱片，老人家又不會買，剩番就係我們呢一批中年人，而我們追求的就是靚聲唱片。如果唱片公司突然之間用新歌來做HI-FI發燒碟，有什麼冬瓜豆腐，肯定背鍋。所以唯有選舊歌，起碼可能有保證。更加的是有錢搵的話，又點會獨樂樂，一定是齊齊榨乾呢班顧客。咁多人做有人會俾心機做，也有人會粗製濫造，所以就演變成今天全世界都在唱口水歌了。

其實歌星有冇心機做該張口水歌唱片，大家應該都會知道的了。

freesongbird

lamwaikit007 發表於 2013-6-5 00:57
其實可能是作曲人和作詞人都江郎才盡了，所以要翻唱歌曲。

其實翻唱歌曲應起源於Susan WONG (如果有錯，請 ...

始祖可能是 Danny Summer 的諳, 但都不太肯定. 但師兄講得好, 講到現在的通病, 惡性循環.

9spl

呢班人已經行緊條不歸路，唔只我哋，其實有好多行內人覺得問題出現咗，可以睇下以下條link，我就已經決定用行動支持，就係唔會再買口水碟，由得佢哋，睇睇仲玩得幾耐?

http://post76.hk/forum.php?mod=v ... &extra=page%3D1

ant9284

Shirley Kwan 隻 ex All Time Favourites 當時唔係賣靚聲, 不過同Danny Summer隻 諳 一樣算始祖

szetojason

唔好講唱功.依家D作詞人D中文水準真係好好……笑.來自: Android客戶端

tennishk

szetojason 發表於 2013-6-5 12:35
唔好講唱功.依家D作詞人D中文水準真係好好……笑.

最難頂既係D大陸歌手連廣東話都未講得正就走去出隻廣東發燒碟！
但偏偏有班真係發緊燒既人去買!