|
|
如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
成件事發生始源於有位小弟好敬愛既大學教授將佢屋企全套器材借咗比小弟, 咁喺小弟窮到褲穿窿既時候竟然有套好嘢玩~~!! {:9_404:} 雖然係陳年嘢~~!!
呢對ATC SCM20非常之很重, 一隻成超過20KG, 教授對陳年喇叭腳久經風霜已經唔係企得好穩, 咁唯有要換過一對啦.....係人都知喇叭腳以FD2為最正斗, 但係成8-9叉嘢就算二手都成4-5叉起碼真係唔啱我呢啲窮精, 唯有又要搵淘淘幫手啦....{:9_434:}
搵過吓料好多人用祖國嘢都係用"君子", 呢隻嘢都抄得好足FD2同用料超重, 本來諗住跟風入手啦. 同客服傾咗一陣比佢串我太cheap精....一時氣憤所謂人窮志長死都唔幫佢買, 咁就再淘一陣搵到呢隻嘢 ~~ RELSOUND喇叭腳!! 
其實小弟覺得基本上同君子既分別就係呢個牌.....
睇吓佢扮得幾足, 連呢4個白色貼都有, 用嚟摭住個灌沙窿
佢有沙賣, 所以買咗15KG叫佢入埋...
呢對嘢運落嚟都等咗好耐(喺江蘇), 送到嚟又重到咩咁(一對淨重成67KG, 仲重過我...), 小弟車返公司已經好很的甘, 仲要小弟係住三樓, 搬上去時真係叫老母都無老婆理我, 好彩有鄰居聽到小弟大叫走嚟幫我, 唔係小弟應該喺樓梯底死Q咗, 我老婆就可以拎住我份人壽嘆世界......
呢間淘店服務都算係咁, 有傾有講仲有釘墊賣, 橫掂買開梗係買埋佢啦
呢隻叫乜春球墨鑄鐵, 唔知係乜總之淘店話係最好就是旦啦
PAT PAT痕將隻山本黑檀放埋落喇叭底, 不過試咗之後都係拎返出嚟, 因為升得喇叭太高啲低頻唔見咗....
就咁睇落去都幾穩陣同靚仔, 唔係見到個牌子貼同人吹係FD2都可能有人信. 重到咁就算有賊想偷都唔會諗....
家下暫時電視牆呢邊既全家福, 全部嘢唔係借就係偷, 果然如電視寫:"你真是臭小子".....
總結:
都係同一句唔好問小弟咩報告咩聲底, 小弟無錢無聽過FD2唔知咩分別, 總之家下穩穩陣陣老婆唔鬧鬼就得...
小弟唔係想賣廣告, 亦都唔會發癲同呢對咁重既嘢做代理做團購(直情痴線!!) 如果有任何師享好似小弟咁窮精又PAT PAT痕想搵料, 可以睇樓下. 講明你撻我朵唔會有折唔會有著數, 運費一定係到付, 小弟就比咗成$368港幣喇, 仲要自己落公司樓下拎到屎下屎下.....
如果有師享或版管話鬼我賣廣告, 請隨便告知, 小弟會即時CUT咗下邊條LINK~~!! {:9_428:}
RELSOUND瑞聲金剛鐵架音箱腳架, G70 2025 - 人仔969, 再打原裝木架加人仔50
http://item.taobao.com/item.htm?id=5461014309
精選優質石英砂, 人仔5/KG, 15KG即係75人仔
http://item.taobao.com/item.htm?id=14606259557
RELSOUND瑞聲音箱腳架墊球墨鑄鐵墊機架墊, 一套4粒120人仔, 買咗2套就240人仔
http://item.taobao.com/item.htm?id=15478404835
多謝觀看~~!! 
P.S. 如果幫襯咗有問題唔好問小弟, 我無佣收又唔關鬼我事.... |
評分
-
查看全部評分
|
[複製鏈接]
發表於 2013-6-4 09:53
樓主
