魔法青春 -《哈利波叔：混脹王子的背叛》小評 (冇內容劇情)

劉一舟

我尋晚睇咗夜場，首先聲明我冇睇過任何一冊的小說，但一至五集的電影版有睇過，今集仍然係好似交功課咁去戲院睇，沒有太大期望，最大的期望只係想睇IMAX啫，出來嗰十二分鐘好似唔多夠喉，反而睇開頭 "魔幻聖誕頌" 3D預告片就覺得相當過癮，睇怕上畫嘅時候又會去IMAX幫襯。
今集打鬥場面真係寥寥可數，只有頭尾兩段，大部份時間都係集中講波特他們的青春期愛情故事，我視之為 "魔法青春"，無論可能因為 "吸血新世紀" 成功吸納一班年青觀眾，定抑或故事發展所需，這些劇情的出現也無可厚非，但非動作瑒面又確實太多，最慘係套片一啲都唔緊張，我覺得仲好似睇緊電視劇，至於動作及特技場面，頭段3D喺電視廣告show晒出嚟咁濟但仍然幾精彩，至於尾段喺山洞嗰場我覺得拍得還是不錯，起碼將黑暗環境中腹背受敵嗰種無助感表現到出來，但爬上嚟的 "咕嚕" 我真係忍唔住笑咗出嚟，結局鄧不利多被殺因為我早幾年聽人講已經知道，所以沒有太大詫異，詫就詫咗 "混脹王子" 原來講得咁少？演員方面，哈利仔笨拙的演技已不想多提，傻頭傻腦的榮恩仍然做丑角角色，但越大越索的妙麗在呢集又靚咗好多，直頭係兩個半小時的精神支柱！！！

我會俾70分 (100分為滿分)

snow1980721

根本呢套戲拍得吾合格要留ge剪晒, 無啦啦又自創d野加入去, 至於"魔法青春", 原著都係差吾多, 不過如果拍戲就吾應該focus響呢d度.
無睇書ge會覺得拍到一忽忽, 吾知up乜睇左書ge會覺得

我係fans都只會比60分(100分為滿分)

lkljason

黎緊禮拜日睇，睇完至敢睇你地既report

law1987

集中講波特他們的青春期愛情故事，我視之為 "魔法青春"

HSM + Magic

saiyan5

Woo ~~~ 好彩仲未買飛 ... 都係等2012年推出嘅 > Harry Potter Years 1-7 Blu-ray Boxset! (純綷個人意願)

Phoenix

十分同意劉兄既看法, 琴日看完IMAX.

lkljason

睇完有d失望，同一舟兄感覺差唔多，遲小小至出report！

Raphael

小弟都仲係掙扎梗, 是否應該入場睇呢套戲
系列既一二集拍得好好, 三四集拍得變晒味, 第五集又拍得好返......諗住第六集應該唔會差得去邊至係...... 點知原來又係流野
期望佢最後一集拍好啲