SONY XBA-30 開箱

hiyori

frankpoon 發表於 2013-6-4 14:00
多謝Ching加分.
在此只係想同大家分享, 價錢不高而表現不俗的耳機. 尤其而家的耳機價錢隨隨便便就過二千. ...

frankpoon兄你呢個講法好有意思呀

老實講而家既產品愈出愈貴，市場上有一種迷信，就係貴=好，反而邊間廠出，對唔同調音風格既喜愛，少左好多討論。

例如現在提到頂尖的非CM，好多人會叫人上Fitear TG 334，除左IE800因其特別之處，都會有人提下，但其他各家旗艦，可能因為價格差太遠好少人講，但其實個人覺得，TG 334雖然優異，但也是相當有個性的入耳，理應不是人人會喜愛的類型，若要說頂尖非CM，TG 334, AKG K3003, IE800之外， Sony EX1000, XBA-4, ATH-CK100Pro, ATH-CK100, Shure SE535r, SE530, Westone 4, JVC FX800, Final Audio FIBASS, Earsonic SM64, Aurisonics ASG-2等等, 這些耳機其實都相當有特色和實力，有一些硬質素和TG 334相近但好少人提，而那些看來價格有一段距離的旗艦，配搭出色的話，硬質素上的差異不一定足以取代各家的調音風格的魅力。
  
以往有好多唔同睇法，例如在多單元動鐵當道之時，有一群玩家堅持一單元既Etymotic ER4系列是最好的入耳，他們有理據也有好多分享，雖然引起過不少激烈討論，但整體來說其實都好有意思。可能而家市場同討論風氣有影響令大家有D唔知點，不過我覺得大家唔洗高追最貴，最緊要真係岩自己鍾意聽既野就得。

最緊要就係，買左咩玩，聽左咩好聽都好希望你地上來分享下架
唔洗怕羞驚自己隻玩具好多人講過或者唔係貴野，大家既體會都係你先至有既體會，而且重要既分享，文筆好唔好就更加唔係問題，寫寫下就會好架啦

keigor

我上年買咗XBA-3ip，真係覺得驚為天人.......但係我買二千幾............我見到新XBA-30ip，仲要千幾蚊，仲話好聲dd，我真係唔敢試lor，驚又跌錢！！
我買之前試咗好多隻耳機，得W4($3XXX)我覺好過我用緊的UE TF10 (當時未出UE900)，直到無意中行過showroom聽XBA-3，不得了、個Bass又彈又有氣勢，人聲又甜，又高清(TF10 bass同人聲唔得又蒙)，係高音的泛音差d (TF10 泛音好掂)！
但係上網睇人評價，大多數人話差，所以再去多四五間showroom試XBA-3，真係好好wor，邊有人講到咁差！信自己!買!

happizer

frankpoon 發表於 2013-6-4 13:03
我買之前曾試過保留自己的BRAINWAZ M2 + SONY PHA-1, 但再試完XBA-30就已經輕易擊敗M2+AMP的組合了.

我只 ...

先恭喜師兄入手!!!

sorry! 我想知你對 brainwaz 的用後感! (當然, 它怎能和XBA30相提並論!! 但我都想知XBA30的用後感!!! )

frankpoon

好在而家咩耳機都有得試, 買之前可以先試清楚. 試耳機比試喇叭真確很多, 因為試喇叭好難要求跟足自己家裡的系統, AMP及PLAYER唔同level, 喇叭的表現已經完全唔同晒.

相反試耳機只需要帶著自己心愛的手機或portable player, 就可以試真耳機在自己的系統的真正表現.

frankpoon

happizer 發表於 2013-6-5 23:56
先恭喜師兄入手!!!  

sorry! 我想知你對 brainwaz 的用後感! (當然, 它怎能和XBA30相提並論!!  ...

Brainwaz M2 是超值的一款耳機, 亦是入門的最佳選擇之一. 音樂飽滿, 低音實淨強勁, 呢D先至稱得上REAL SOLID BASS.

唔好忘記, M2只是4XX元!  我用左一年多.

當然4XX元是不能要求太多的, 分析力唔夠, 高中低的分離度唔夠. 爆歌(大聲聽歌)時人聲與音樂有時會混埋一舊.

chopinlau

hiyori 發表於 2013-6-4 12:23
師兄的xba-4是早期購入，還是差不多出40前買的?

兩者相差七個月，都是購自日本的；這位ching的XBA-30要一千尾購入，現在連運費不容千五可買XBA-40了！

dirtool

恭喜恭喜
我都計劃入手

ckikin

還在30同40之間十五十六，就咁試就喜歡30，平衡些又易帶。
但40只俾多少少有四單，好似低些。

frankpoon

去40啦，好似低音陰陰沉沉,飽滿D。

你再試真D,30好似低音陰沉的質感唔够,。

joeny

30定40其實睇返對低頻要求去到邊個程度，個人感覺30已經ok，40就over左