AV AMP一問

taianna

本身用緊O記607..日後想升級加轉會..見馬仔好過入門O記..想轉馬仔la..
但吾知點解好似個個Ching升到旗艦級都係入O記5010點解呢?馬仔旗艦弱過佢定功能少d呢?
求解

louis001

有的係聲音取向 有的係羊群心理 有的係受人影響 有的係真心喜歡
實在係太多原因 另外馬仔少用家呢個都係事實 但未必係佢唔好
不過 點都好 有時買AMP 講緣份 我以前都係鐘情於安記
但我最後都轉左會用CA 點解 因為佢把聲得我歡心 買乜野都好
最重係自己去聽下係咪自己心目中想要先出手咁會好的
個人意見 不喜勿插

evan24hk

借師兄post都想問下~因為小弟7月搬新屋~想問下如果小弟以聽歌80%為主~睇戲20%
其實買邊隻牌子amp比較好~因為之前屋企細無玩過
所以,依排都好努力咁睇其他師兄 d post~不過每個牌子都各有愛好姐,攪到小弟頭都大埋
由於彈藥有限~而且新手上路~所以價錢想買5k~8k左右amp

以下幾隻係我睇左咁耐所考慮
Cambridge Audio Azur 351R/551R
Pioneer VSX-1122-K/ 等1123K?  
Marantz SR5007                    
Onkyo TX-NR818

其中pioneer 係我係其他地方睇人地話唔錯~不過依道d ching好似比較少講佢
希望有師兄可以俾個意見~

stjo

80%聽歌就CA啦。551R應該預算之內。

小瑟

evan24hk 發表於 2013-6-4 02:20
借師兄post都想問下~因為小弟7月搬新屋~想問下如果小弟以聽歌80%為主~睇戲20%
其實買邊隻牌子amp ...

其實一部ＡＶ就係決定了你整個家庭影院聲底出來既口味，有Ｄ人喜歡埋身，有Ｄ人喜歡其功能，而日系牌子一直都在香港有非常之大的＂慣性收視＂，大多數香港買機的朋友，都會選擇以日本牌子行先，原因好簡單，因為多人用，有問題都易Ｄ搵人幫手問，二來係功能多，日本牌子的擴音機在影像處理同音效處理的晶片上，一般都會不停追新的，所以就變成每年都會有新型號出現，而環繞聲效果及音效的仔細度，亦不斷進步，故此就一直都有一大批影音發燒友一直都會以日本牌子為優先考慮。而近來美國牌子就開始在香港形成一股新勢力，雖然其設定介面簡單功能亦冇日本品牌多，但因其音質部份的力水一般都會比日系機充沛有力，音色亦都注重人性化，所以有好多只要求音色行先的朋友都會開始選擇歐美品牌的ＡＶ擴音機。但其實重點不在是你想要那個牌子，那個國家，最重要係你的個人口味，音效及音質係非常個人的一回事，買機之前一定要聽真，完全了解你合適的口味先係最好的買機方法呢。

小瑟

其實呢個真係口味同BUDGET問題, 另外仲有好多外在原素架, 好似二手價啦, 介面親和度, 功能, 價錢都係選擇既原因之一呢~~~

fatkie

完全同意 Louis 同小瑟大王既見解。

小弟係人辧，初初唔識嘢又無咩要求。見用緊 Pioneer 既 BDP, 就買部 Pioneer 1020 黎襯佢（有少少係舖頭 sales 介紹）。卒之出左黎唔係我想要既效果，兩個月左右就放左。（錢當然跌唔少）

個人喜歡聽歌，也見 Marantz SR5006 功能多樣化，自己亦努力爬文及試聽多次後決定買下。最近，放走它的時候，我沒有跌錢的感覺，因為我們之間有過歡樂的時光。

現在，我一心一意等候我的新歡 Cambridge Audio 751R。祈盼著它帶給我非凡的享受。

總言之，多作親身試聽，信自己感受，你一定找到合意的器材。

P.S. 相信兩年換三部 amp ，在這裡來說非常普遍。因為要求愈高，付出愈大，小心小心！

keekee

ching，80%聽歌建議去聽下551r鐘唔鍾意。我都系同其他ching一樣用751r，本來打算日後加部2ch來聽歌，點知部CA聽歌真系好OK，所以呢個日後估計會系非常日後。留翻D子彈第日請教其他ching買下補品先。

louis001

evan24hk 發表於 2013-6-4 02:20
借師兄post都想問下~因為小弟7月搬新屋~想問下如果小弟以聽歌80%為主~睇戲20%
其實買邊隻牌子amp ...

如果聽歌為主 Cambridge Audio Azur 551R  會好的
不過師兄都要自己出去聽下先好作準 網上意見都係參考only

SkyGeo

evan24hk 發表於 2013-6-4 02:20
借師兄post都想問下~因為小弟7月搬新屋~想問下如果小弟以聽歌80%為主~睇戲20%
其實買邊隻牌子amp ...

我用過Marantz 幾代不同產品 (AV Amp, CDP)！主要原因係馬仔的人聲夠厚潤！

用佢AV Amp聽歌我都覺得掂！！ching 聽歌80%為主~睇戲20%，我會推介馬仔！

PIONEER 係睇戲正，分析力強，但可能人聲會硬 d，聽歌味必適合！

Onkyo 跟 Pioneer 好似風格差不多，小弟不太懂分別

Yamaha AV Amp 賣 surround ！配含 mirage speakers, 360 度體驗！