聽hifi定係聽音樂?

angllewave

我諗其實不用想得這麼複雜

要分得清楚的其實只有兩類人, 是那些必須去玩器材的「測試員」, 和必須懂得分辦好音樂的「音樂人」, 他們聽音樂, 玩器材是有目的的,  但咱們普通人而己,  聽音樂, 玩HIFI, 兩者本身都可以成為興趣, 既可以是目的, 也可以是手段, 咱們是可以同時擁有兩個身份。

以我經驗, 升級器材是想有更好條件聆聽喜歡的音樂, 後者是目的, 但當你手中的器材進步了, 聽多左野, 你就開始想像, 若果用更好的器材去聽現時的音樂會有什麼表現時, 就會變成玩器材是目的。

但當聽得更多之後, 又開始會分什麼是「器材點救都救唔到」錄音就係差的作品;  或者是錄音正正常常, 只要器材有返咁上下就重播到不俗的作品;  又或者錄音本身極佳, 係要器材要有返咁上下先至播得好的試機歌曲, 當去到這個階段, 會慢慢識得分, 幾時可以係「目的」, 幾時可以係「手段」, 當然好聽的歌曲, 配上極佳的錄音, 然後用上最好的器材去聆聽是最好的, 但有這種潛質的作品, 如好女人一樣, 可遇不可求呀 ~

HOHOHO

angllewave 發表於 2013-6-4 03:22
我諗其實不用想得這麼複雜

要分得清楚的其實只有兩類人, 是那些必須去玩器材的「測試員」, 和必須懂得分辦 ...

會分什麼是「器材點救都救唔到」錄音就係差的作品
AGREE
Lot of CD with poor quality in the market!

tennishk

我覺得玩HI FI同鍾意聽歌係兩種人，
聽歌其實可以好簡單，買部普普通通既組合，舒舒服服唔駛搞咁多野，可以好享受聽歌既樂趣。
但玩HI FI就唔同，搞極都唔滿意，聽首歌要搞到全神貫注，不停比錢去買音響，隻碟錄音質數差小小又話唔想聽!
比既錢就愈來愈多，聽既野就愈來愈窄，到頭來限制返聽歌既範圍，根本就係自己搵自己笨!
一D大陸歌手連廣東話都未講得正就走去錄廣東歌，但你唔好理，就係有一班自命發燒友既人肯比錢，吹咩!
而家搞到連呀豬呀狗都想出隻發燒錄音碟，唱得好唔好唔緊要，最重要係每一字每一句都要夠感情，夠做作，夠發燒!
佢地主要唔係唱比人聽，而係唱比部HI FI聽，而HI FI既主人聽到部HI FI終於發揮到十二成功力，咁佢就會覺得佢比既錢值回票價啦。

同一道理，鍾意睇電影既人，同鍾意買套靚靚家庭影院，都未必係同一類人。
以上只係我個人觀感，大家唔好對號入座，如有講錯請多多見諒。

dinodin

tennishk 發表於 2013-6-4 22:23
我覺得玩HI FI同鍾意聽歌係兩種人，
聽歌其實可以好簡單，買部普普通通既組合，舒舒服服唔駛搞咁多野，可以 ...

有同感。好似啲「龍友」咁，對啲spec背誦如流，買啲相機鏡頭一定要對焦最快，連拍速度一秒8幅，紅圈長鏡等等。但最喜歡就係weekend出MK影街上做promotion啲o靚模。死未。

interhuman

angllewave 發表於 2013-6-4 03:22
我諗其實不用想得這麼複雜

要分得清楚的其實只有兩類人, 是那些必須去玩器材的「測試員」, 和必須懂得分辦 ...

I like your terms "測試員".
Some音響發燒友不一定等於音樂發燒友,
他們的行為和心態可能較像"測試員"

keigor

interhuman 發表於 2013-6-4 02:39
好同意 I think better some music producer "值得反思的題目"
製作人更應反省!!!

講得好

成成

我識個朋友,成日換線,每次只會用某隻碟某一段嚟試嘢,甚至要找出當中缺點,之後再換線,有時連聽都未聽D器材就聽人講下定論,真係玩音響多過享受
唔好聲同唔啱聽都攪唔清楚,世上無一件十全十美器材,否則9成以上音響器材都執粒,小弟只會發揮器材優點,將缺點(或唔啱口味D聲)收埋
唔知佢會唔會睇到我呢段嘢呢

nicknick

我曾經請過幾位tune琴師到我家tune琴，他們都tune得很好，在細微的地方甚至有個別的「風格」，例如某一位tune出來的琴音較精細卻冷感，另一位tune的聲音可以多了一份溫暖，情況有如都是好的hifi但味道不同。

我發現幾位tune琴師每次都是彈相同的樂曲，以那樂曲來說彈得不錯，我好奇問他們為何不彈多幾首互相reference來確定聲音是對的？他們都說自己不太懂彈琴，只是一曲走天捱，對tune琴的準確度沒有影響，因為tune琴是用對耳及他們對每粒琴音的記憶，用同一首反而讓他們只要聽到有一個音不對都會很察覺到。他們tune出來的琴聲很好、很專業，我很敬佩，從不敢取笑他們只懂彈一首曲。

從來tune琴師都不是用最專業儀器來tune，有一些音叉之類的工具，都只是輔助，他們真正用的仍然是他們最信賴的耳朶。

大部份鋼琴家都仍然會請tune琴師，我沒聽說邊位tune琴師彈琴是世界級的好聽，但龬琴家不會取笑tune琴師彈得不好，tune琴師也不會取笑鋼琴家tune琴不及他好，大家都好enjoy自己的工作。那麼為何有些音響發燒友會取笑聽音樂不玩器材的人的系統差，又為何有些音樂水平高的人會取笑音響發燒友只懂器材呢？ 真正水平高的人都懂互相欣賞，不會看不起對方。

kkkiu

nicknick 發表於 2013-6-6 10:11
我曾經請過幾位tune琴師到我家tune琴，他們都tune得很好，在細微的地方甚至有個別的「風格」，例如某一位tu ...

非常認同~!!音響、音樂，本來就係非常個人化的品味嗜好，能夠有知音本來就難求。但因口味不同而互相踐踏實在係非常無謂，呢種孤芳自賞既風氣真係非常令人反感!!