出土古物

bigbigfriend

今天在家大執屋，竟在雜物房深處找回這些古物出來：

酒井法子第二，三張大碟的日版錄音帶（1988年），當年她在香港和日本還未大紅，我已超級鐘意佢，要找她唱片只能在灣仔集成，太子金都和旺角警署対面街口鋪才有，你睇下當年佢個樣幾咁純品，之後在港日台大紅後也替她高興，但現在‧‧‧‧唉‧‧現實是殘酷的。（Gunbaster 主題曲是收録在第三張大碟上的）




第四，五張日版黑膠大碟（1989年），我個人覺得影得佢最漂亮的封面，我記得是在集成買的，約60蚊。（當年張國榮黑膠約20到25蚊隻。）



齊藤由貴首張黑膠大碟（港版 1985年），開始聽她是因玉置浩二作曲的”白之炎”，不知她現在還在藝能界做甚麼呢？


80年代初，當紅女性偶像除了中森明菜之外，不得不提有松田聖子和栢原芳惠，這兩張是黑膠single（1985年）, 只有兩首歌（每面一首），記得聽時唱盤轉速需要調至45轉。另上月去日本旅行，在電視上還見到聖子阿姨跳下跳下plug歌‧‧‧‧‧‧51歲‧‧‧‧


德永英明第三，四和六張港版黑膠大碟（1987 - 1989年），有價錢牌25蚊張，寶麗金出品，呢位兄台因張學友一首”太陽星晨”，由香港紅回日本，他早期到中期的作品好正，但近年作品真係無乜火，還要唱口水歌（雖然都唱得幾好聽），感覺有點江郞材盡，一個時代的過去。


安全地帶黑膠single （1984 - 1986年），”戀之予感”當年真係大紅，這張碟已被我聽到跳線，另一張”你好”是動畫”相聚一刻”其中一首主題曲。


超時空要塞全曲集日版黑膠大碟（1984年），呢張嘢當年超好賣，我買45蚊，有抄到過百一張。（當年午餐有湯有嘢飲都係7蚊），留意價錢牌”東急”這間唱片鋪，在深水埗高登和黃金都有開過鋪（信和有分店），那年該店小有地引入日版流行和動畫唱片，還有碟租的，當年高登和黃金都還未有電腦賣。


無限地帶23黑膠single（1984年），好記得曲名叫”越過背後的傷感”，譚校長”愛情陷阱”原曲。當年動漫界除”超塞”外最hit的動晝歌，記得當年商台也有DJ播過。其實我反而覺得B面隻插曲重好聽。


超時空要塞黑膠single （1984年），太經典，不需多說，睇下飯島真理幾青春可愛！


Orange road 全曲集（1987年），阿圓是當年各動漫迷的夢中女神啊！


機甲創世紀耶路全曲集（1985年），封底面是天野喜孝晝的。


金星戰記原聲集（1989年），動晝好睇，配樂勁，當然了，安彥良和+久石讓兩位大師呀。


美樹本睛彥有出唱片？對，出過兩隻，第一隻是封面開孔立体的，很漂亮，可惜我買不到，這張是第二隻（1986年），裡面都是一些慨念音樂和歌曲（當然不是他唱）。


其它的動晝黑膠：






最後送上譚校長在日本出的一張黑膠single（1985年），”愛情陷阱”英文版。


這些東東都有25年以上，但不算上珍貴，只在回味和分享，80年代真是日本偶像和動漫光輝時代，現在看回真的不能不認老了‧‧‧‧

CDR

好正既收藏

lamwaikit007

齊藤由貴仍有拍電視劇. 不過事隔多年後 , 她有客串做 "スケバン刑事 コードネーム" , 延續舊角色及做今次女主角 "松浦亞彌" 的媽媽.

她對上一次的唱片已是在2011年了.

以上資料來自 維基.

good88690

好珍貴呀ching, 睇完我都重拾好多回憶

beginners

Thx for sharing ~ good memory ~

erovy

C兄當年買應該都唔平喎

lamwaikit007

erovy 發表於 2013-6-3 23:07
C兄當年買應該都唔平喎

師兄都好耐冇見你了。

erovy

lamwaikit007 發表於 2013-6-3 23:33
師兄都好耐冇見你了。

hi ~ 你好,我都間唔中買下CD,係自己鐘意先買,今日行左香港果面,發覺大型唱片公司冇乜好野,

得閒交流下啦

chopinlau

這些LP，我祇得ALAN TAM那張細碟，但都送咗比人了！

謝謝分享回憶！

MandyStarz

呢d古董仲大年紀過小弟