如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 tinsly 於 2013-6-2 03:34 編輯
小弟係新海誠,fans,雖則他所拍過的動畫,其實都只得一套《秒速五厘米》係打入我心.
但新海誠最令我讚嘆,係他的非凡畫功,令大家介乎欣賞一幅又一幅的華麗風景畫,與觀賞一套短片之間.
為表現其超卓畫功,刻意使用不少定鏡,能慢慢細味其意境;
這緩慢,這沉思,正正敲中小弟的心靈,《秒速五厘米》就是如此.
講回新作《言葉之庭》,香港和日本是同歩上映,5月31日.
[YoutubeHD]8k8q-ZXBi7E[/YoutubeHD]
可惜香港只得一間戲院上.
原本諗住31號走去睇,但嗰日要返大陸工作,趕不到,睇唔到……
不過真係等唔切,於是第二日,捱眼瞓都要早上九點半去睇,然後再返工!!!
入場眼見,早上九點半都八成滿座???仲要不少「宅男宅女」都肯出嚟朝拜新海誠??我同我女人都有些少O嘴………
我地自問都好好好好好後生,但我地可能係全院最成熟的兩人了………
【畫面】
開場的一段漣漪,我一見真係感動起來……熟識的畫風,逼真又豐優雅,當年我睇《秒速五厘米》就是被這樣迷住.
《言葉之庭》的畫已不用懷疑,一定係頂級名畫質素,今次立體感更強!!!新海誠善於描繪景像細節,特別係刻畫不同的天氣變化,這套絕對供他騒哥利!!!
今次主角是「雨」,不同雨量的落法,不同角度的落法,你會疑問這是動畫嗎???何解能這麼細膩???
大家特別要留意播著片尾曲那段的「變化」與其隠悔表達方式,真係拍爛手掌,好靚,有意境!!!
不過略嫌背景不多,無奈因為整個故事集中於一個庭院內發生,明白的.
【聲效】
無咩位好試,但有一幕室內雷暴落雨戲,我真係覺得自己在黑色暴雨警告下,置身房中.
【音樂】
差點忘記了,《秒速五厘米》另一擊到我心,就係天門的極度愁緒配樂,令到我完全入局.
今次《言葉之庭》找來另一作曲家KASHIWA Daisuke負責配樂,依舊是用偏哀傷的鋼琴為主調,更緩慢,更有陰沉.
還有一幕就係靠一下琴音,令氣氛突然轉變,嗰下好震撼!!!
片尾曲也往往是新海誠作品的特式,今次揀了COVER槇原敬之舊作《Rain》,由秦基博重譯,絕對到肉!!!坐我旁邊的哥哥仔仲聽到「流鼻水」,真係幾感人!
[YoutubeHD]GtOw9OByePI[/YoutubeHD]
【故事】
回歸《秒速五厘米》的寫實型故事,《言葉之庭》相對比《秒速五厘米》更為真實,畢竟《秒速》情懷部分強一點,似《那些年》嗰種.
除去原先人設,《言葉之庭》所講述的「想愛不敢愛」話題,更乎合現在的愛情觀,更觸到人心!
而且嗰種令人心悒的感覺,由頭帶到尾,《秒速五厘米》最後都釋懷一下,但《言葉之庭》係無!!!結局所表達情感,大家领略吧!
【總結】
一句講晒:「好好睇!!」
但你是怕慢和怕欠娛樂性的人另計,這套包悶死你。
這片未能羸《秒速五厘米》,因為睇完《秒速五厘米》你會有半個鐘的沉思及回憶.
《言葉之庭》睇完,我個人覺得:「唉~」,欠一個反思位!!!
回家後,第一時間訂了《言葉之庭》BLU-RAY + OST,
日本6月21日上市!!!!
小弟新海誠小小收藏:
|
[複製鏈接]
發表於 2013-6-2 03:08
Yesasia:
發表於 2013-6-4 09:10
樓主
