砌膽機

chengvin

Ching，請問有無推薦邊到有同手工好又信得過？想砌部單端膽後級。

Wilmer威馬

咩 budget？做乜揀砌？

chengvin

威馬sir，平靚正約6到8K。依家用緊合併el34身痕想玩前后既單端。睇左一排大部分系300b同
埋都差唔多8k以上。尋日個friend話搵人砌幾叉野已經最好料。所以米開post

edison133

Ching,  
好料不=好聲!
去DIY 區睇下ADA, zoneaudio ching D分享先!!

Wilmer威馬

chengvin 發表於 2013-5-20 10:45
威馬sir，平靚正約6到8K。依家用緊合併el34身痕想玩前后既單端。睇左一排大部分系300b同
埋都差唔多8k以上 ...

其實搵人砌機有兩個原因、
1）砌 d 冇廠做 o既電路
2）要無妥協咁靚過廠機

如果 1，廠都唔做 o既電路，一係唔穩定、一係成本超高，前者當然膽搏膽睇你敢唔敢玩、後者既然連廠批量生產都壓唔低成本，又點可能 DIY 用幾千蚊搞掂？

如果 2，更加唔可能 DIY 用幾千蚊搞掂，膽機用幾靚電阻電容都冇用，膽機關鍵命脈係 d 牛，一隻似樣 d 未係最靚 o既牛都過千、一部膽機最基本三隻牛，最低消費都三、四千，又係似樣 d 未係最靚 o既電阻電容機箱內接線插頭插座又幾千，樣樣都只係似樣 d 未係最靚，仲未計膽！咁砌機做乜？

仲有人工，係真正叻 o既師傅一定一、兩千人工叫唔郁、江湖術士更加識得呃人工收得仲貴過真正叻 o既師傅，一個有牌電工師傅都過千蚊一工，膽機大師咁高級，直迫鬼佬高級工程師，會唔會咁好死將身價自貶到低過一個有牌電工師傅唔計足人工呢？

玩下手真係碰上 d 連行家都水 o既高手，陣間一粒幾蚊拆機電容又話什麼絕世珍品，三幾粒就呃過千，太危險。

一皮內、一係玩國貨、一係自己砌，搵人砌，除非識人係 DIY 高手、唔從商之餘仲要真係 friend 就有得諗。

不過記住一件事，你唔係洗幾皮野或以上叫人度身 R&D 一個 project，幾千蚊 budget，就算你自己砌識得執雞 tune 聲，可以再洗錢 o既空間都有限，加上你只係“幻想”咩電路咩零件砌埋就「好似」、「應該」出咩聲，但係最終砌好就算超衰聲都冇得返轉頭，反而幾千蚊就算再垃圾 o既國產牌子，都可以試啱聽啱先比錢，風險細好多。

DIY，係 Do It Yourself，叫人郁手點人做野要付出好高代價，幾千蚊可能只係 EIY：Eat It Yourself。。。。。。

ADA

好鬼死鍾意威馬老闆呢句 :

DIY，係 Do It Yourself，叫人郁手點人做野要付出好高代價，幾千蚊可能只係 EIY：Eat It Yourself。。。。。。

ADA

無錯我地砌機其實係自娛多於搵食. 好唔好聲都係自己受, 唔使睇人面色.

市場上有一班超級高手都係唔同人砌機的, 但同人摩機或者修理壞機.

138william

一流回复！

138william

其實好少有其他玩意似玩音響禁顛，一般玩意如影相，汽車之类當價錢相差一百倍時，已通常可達到頂级產品，例如二十萬一部日本車，去到100倍價錢時，即兩千萬，已經屬頂級跑車如Buggati之类，但音響並非如此，一般大眾所玩的幾千蚊货色，當變大一百倍時，即幾十萬產品，在音響領域亦有排都未談得上頂班，只可説句銷售手法高明！

edison133

Wilmer威馬 發表於 2013-5-20 11:58
其實搵人砌機有兩個原因、
1）砌 d 冇廠做 o既電路
2）要無妥協咁靚過廠機

一針見血, 勁!
DIY 從來都不簡單的!!!