得利 x post76 優先試 ... 《地球毀滅密碼》簡報

wil-wil

* 相片內容只作參考之用，圖片輯自得利影視網站及 "KNOWING" 官方網站


日期: 2009 年 7 月 13 日 (星期一)
時間: 19:00 - 21:30
地點: 九龍尖沙咀漢口道 14 - 16 號模漢大廈豐澤二樓安橋演試廳
人數: 每場 19 名版友 + 2 名版友太太 + 8 名版主 + 3 名版主朋友
費用: 全免


首先，再次多謝大家踴躍支持同出席 post76 搞既版聚活動!


最令我意想不到係有兩位版友先後問我可唔可以帶埋老板出席 ... 呢個當然唔係問題! 玩影音又好、欣賞影音又好，基本就無分男女老幼，更何況老板咁支持你黎睇 AV 野，我點會佢絕你同你老板，反之大家如果以後都樂意帶埋家眷出場，最多等時搞多幾場又有何問題!? 斷估你老板都唔以為我地 post76 會搞 AV 優先試既 Yau Ma Da 影片呱 ~ 哈 ~ 哈!


大家都準時係晚上 7:30 前到達，今次約有三分二新玩我地既活動，唔知佢地覺得點 但從我觀察所見，當大家客氣幾句後得知各自網上真正身份，氣氛就即時熱烈起黎，就連我同部份未見個既版主也如是，所以大家傾到連開場都遲了點! 幸好雷因大師即時提點小徒 ... 優先場即刻開始!


一黎大家自我介紹完，就立即開場測試今晚重點推介幾段【地球毁滅密碼】 ...
我未睇過套戲，墮機 & 地鐵出軌一段真係好爆，我因為要負責開關場地燈光，企係個位好側都覺得爆到不得了! 我個人感覺 ~ 呢套野真係可以試到你個 subwoofer 既極限，要唔要升級都可以睇佢。所以如果習慣晚上先睇戲既朋友，我就勸你不如搵日星期六日早開場好過，唔係你好可能隔離左右輪住黎 煩你 。最尾花海既畫雖然好似變得好 CG，未睇故事唔知點解轉都咁，但畫面絕對唔差。故事未睇過唔評論，但個人覺得聲效係無得頂，買黎當試機碟 Keep 絕對值得!


之後 Onkyo 熊貓就出黎講解 TX-SR607 既機能、Dolby Pro Logic IIz 係乜東東、507 同 607 分別及定位、Onkyo 擴音機既小知識，當然大家亦樂於提問相關資料!


到左「我最喜愛 post76 藍光碟 2009 選舉」試片時間 ...
呢部份順便試清楚 Dolby Pro Logic IIz 既分別、做埋原裝跟機電源線及自購電源線既測試比對，揀黎兩套片包括 Transformers 及 Die Hard 4。係到唔購有幾大分別，因為都見到有版友講緊。不如就講其中一位版友既老板感覺 ~ 佢一睇完已經好肯定話分別好明顯: Contract 大左、鮮豔左，但聲反而差左少少 ... 呢位老板真係心水清，亦証明到邊個話老板唔識睇、唔好影音呢家野!? 你家中個位咁講可能係試緊你乍師兄 ~ 哈!   其實同原裝線比一定有分別，而且亦証明線材其實有取向，有對聲畫影響都好大，有些就只對個別有提升，但有時亦有相反既影響都未定。另外，大家對  Dolby Pro Logic IIz 既包圍感都頗認同，睇黎呢個必成次世代必有既指標!


係我安排 rundown 以外宣眾要求下，加插左【久石讓音樂會】...
再次以 Dolby Pro Logic IIz 測試，大家都覺得聽音樂會同演唱會用呢個功能係一絕。可惜係這個咁有紀念價值既音樂會既現場直拍攝既質素唔高，有 out focus 情況、畫質亦比唔到我高清既感覺。呢方面對日本電視台既攝制有失望。


總括黎講 ... 今晚既優先試活係一個幾開心既分享會，美中不足係今晚 woofer 表現差左少少，可能套【地球毁滅密碼】又太爆、太勁，仲有下次希望係答問環節方面，可以爭取到主辦機構多點力度既支持，肯定大家散場時會更開心。 係到再次多謝 Onkyo 同豐擇贊助場地及技術提供、多謝得利既主力支持、多謝各版友加老板們既出席、再衷心多謝所有版主、網主出心出力既協助，特別係 Ken704 超版 ... 佢做左好多功課先可以搞到今晚同大家分享到咁多好睇既場口，仲有佢係呢個「BLU-RAY/DVD 軟件討論區」背後做左好多野 ... 先可以到咁多一手既資訊比大家， THANK YOU!


預告下次優先試活動 ~ 如無意外，應該可以做到優先試一套香港未出既藍光影片。 邊套? 賣個關子先 ... 但下次應該會轉場地同另一個品牌合作。有興趣呢類活動既朋友，記住勿切注意日後公布!


我就簡報完，相信小瑟都會出佢既影音 Blog，詳細內容及相片就等網主小琵分享! 上面有個簡單意見調查，麻煩大家比 feedback 我地，等下次再搞活動時可以作出更好更正既改善，謝謝!



版主會員親身感受 ...
[版主藍光小評及投票] post76 x 得利優先試:地球毀滅密碼 Blu-ray
http://www.post76.com/discuss/viewthread.php?tid=15799&extra=page%3D1

睇完今晚嘅試聽會
http://www.post76.com/discuss/viewthread.php?tid=15793&extra=page%3D1

<<地球毀滅密碼>>藍光試影會 - 實況報導
http://www.post76.com/discuss/viewthread.php?tid=15896&extra=page%3D2




------------------------------------------------------------------------
有你既支持，就係我地最好既推動力，齊齊參予
「有玩、有 FUN ... post76.com」

wil-wil

勇者仁傑

得利下次出手闊佬 D

Travice

我係第一次參與 ... 我覺得幾好 ... 個FUNCTION hold 得幾好... 都幾互動, 有問有答 ...
我帶埋老板過o黎... 係想佢睇下 & 聽下 正o既音響 & 畫汁係點樣o既 ...

因為我好想係我自己範圍之內 (錢 & 地方), 盡量將d 線材 upgrade 令到聲話有所改善 ... 依家o既質素真係唔多得... 唉!!! ...
所以我都會盡量有時間都會出席活動, 睇多d, 學多d, 問多d

hand神

幾時有相睇呀

lkljason

基本上問題不大，係音效方面可以完善d會更好，當然禮物吸引d或者可以用超優惠價即場買到試影會當日既影碟會更有桌頭。

如果能夠同時show到用相同既器材但唔同既線材畫面分別就perfect勒！

小瑟

幾時有相睇呀
hand神 發表於 2009-7-14 09:11

比小小時間, 因為仲未有時間執相~~~

zz9999

係隻搭仔爭少少, 可能未摸熟特性, 其他都相當好!

小瑟

其實今次有多重硬件既設置未配合得好既, 第一就係換左線未夠時間做 setup, 第二就係換左 subwoofer未夠時間做 setup, 所以個 woofer既注波過大左, 之後修返小小同set返高個中置效果即時好返, 下次會早一日落去攪攪佢先得~~~

Ricky24000

其實整體都無乜問題,不過....
禮物方面當然可以多選擇dd la....
線方面可以試下做多dd對比