一代宗師, 失戀自作業...J J 短評 (含內容)

lkljason

近排要清咁d舊戲，首先講講一代宗師，長話短說，讚既有偉仔、子怡打得唔錯，以無武功底子既演員黎講打得真係算有板有眼，拍攝手法同構圖賞心悅目，故事以王大導黎講亦都算易入口，比我預期中好睇。彈既就係套戲好似講宮二多個葉問，所以佢改個戲名都一絕，邊個都可以做一代宗師，所以一心睇偉仔或者波子丹我要打10個既朋友可能會略為失望，可以一看。

失戀自作業呢套戲，當初都奇怪點解愛情片都可以提名角逐奧斯卡，但睇完之後就明白晒，因為佢係非一般既愛情片，演技自問就唔懂勒，但我覺得每位演員都十分稱職，起碼令我投入到佢地係置身果個角色裡面，悶場唔算有，但整體都係講男主角點樣愛妻若狂，女主角因喪夫唔潔身自愛，因為男主角需要女主角既幫忙，所以要應承女主角參加跳舞比賽，當中大家既相處產生愛意，最後就Happy Ending收場。我個人就覺得一般，因為提材偏灰，我預計既愛情片唔應該咁，所以都係一看無妨啦！