西遊 降魔篇 .....J J 小評 (含內容)

lkljason

有時天堂與地獄真係一念之差，星期六至睇左套娛樂性勁豐富既星空奇遇記  黑域時空，點知尋日就睇左套由星爺自監自導自編既西遊 降魔篇，我都明白中西片好難去做一個比較，不過電影最低要求都要娛樂觀眾嘛，佢連觀眾既我都搞到一路睇一路笑 (不過係苦笑)，咁可想而知真係好惡頂呀！套野無笑料、演員無號召力、要感動既位又比唔到我、CG又奇差，好彩叫做有個名氣較高既舒琪頂一頂住，我覺得佢為部電影真係出盡晒佢既搞笑技兩，不過始終佢唔係喜劇演員，叫做好dd咁多，如果唔係既話我真係有中途熄機既可能。

故事其實都幾反傳統，起碼我認識既西遊記唔會係咁，由唐僧既角色帶出三個未變好既徒弟，不過選角唔討好之餘，粵語配音同d角色又唔多夾，比我感覺成套戲d人好大陸，但又想配到好港式既對白，可能功夫套戲都夾雜左唔小既大陸演員，但起碼無呢種唔協調既感覺。

唉~~我都唔想再多講勒！一套無周星馳演出既電影，就算佢做乜位置，始終都唔係我想要既野，無論之前d人點講話裡面套野好多周星馳既原素，但又如何呢！如果上天比我從新選擇睇唔睇呢套戲，我會講話我係唔會睇，如果要係呢個選擇加個解釋，我希望係直頭唔知有套咁既戲。有時間我寧可睇翻明珠台尋晚播既新變型俠醫，甚至乎睇下J2台既安樂蝸都係唔錯既選擇。

4Ktv

呢套野星期六靚完，兩個字「立圾」

bloodkid

popcorn movie
段小姐愛上玄奘一D說服力都冇
周秀娜出黎想攪笑但我一D都笑唔出
天賤腳果三條友仔跟本可有可無
羅志祥果段直情想扯把佢
成套係黃渤做得最好
孫悟空出山真係...隻野又矮又醜

teddy

粤語配音真係一大敗筆，一D港式風味都冇

ayumi678

睇完覺得d劇情九唔塔八 又唔好笑 又無頭無尾咁~唔知佢想點  
粵語又唔岩口型得好離譜 我仲以為部機有事添~
星爺你搞乜鬼呀~

最嚴重係 點解會係25G碟~~ 呢樣係我最接受唔到

hohodog900

之前一早講咗唔掂啦！你哋唔信之嗎！

nicebeebee

bloodkid 發表於 2013-5-13 14:50
popcorn movie
段小姐愛上玄奘一D說服力都冇
周秀娜出黎想攪笑但我一D都笑唔出

(段小姐愛上玄奘一D說服力都冇) 絕對認同!!!!
(周秀娜出黎想攪笑但我一D都笑唔出.) 周秀娜唔應該攪笑....應該..性感

lkljason

呢套戲相信星爺真賺唔小！

keke323

咁可以唔入了

kh22

粵語配音真係仲差,唔知大陸点解可以今收得,D笑料睇過曬,全是炒冷飯,D特技是游戲game水準,中港两地觀眾口味真是相差很大!