星空奇遇記 黑域時空 ..... J J 小評 (含內容)

lkljason

我從來無接觸過呢個系列任何一集既電視劇，認識呢個名字都是係由09年既電影版開始，所以我係當佢新戲咁睇，當然冼樸呢個名或者佢既招牌手勢都有曾經聽過，但真係好表面果隻囉。

09年既電影版我印像中都係入去院睇，當時o係毫無期望既情況底下真係驚喜萬分，而果時都好期待佢既續集來臨，點知一等就4年至有機會再次欣賞到都係由 J.J. Abram執導既星空奇遇記 ，講真初頭入戲院前都好擔心，隔左咁耐會唔會除左男女主角外，其餘d演員角色都會面目全非呢？因為呢套戲既配角都佔唔小驚喜嘛，不過呢個憂慮一場已經消除晒勒，因為大部份卻克隊長同冼樸既隊員都係原班人馬黎做翻，所以好感度已經加晒分。

而另一個擔心就係通常續集都好難擺脫第一集既 "魔咒" (即係新不如舊或者食老本無驚喜果隻)，不過到我散場時仍然好津津樂道呢套電影，無論劇情、緊張情節、笑料各方面都計算都非常準確，雖然故事都係意料之內，亦都唔可以講話呢套戲可以列做什麼經典電影之一，但以娛樂性黎講呢套真係爆晒燈絕無冷場，如果喜歡上集電影版既朋友，相信呢隻你都唔會失望，如果無睇過上集既，就算當新片睇亦無妨，當然會無咁投入啦！

星空奇遇記呢個系列，後生一輩或者o係香港，當然無Star War咁出名同咁多人認識，但都千期唔好抹殺左一套娛樂性咁豐富既電影，誠意推介比大家。

[YoutubeHD]HGtcQfxHi94[/YoutubeHD]

Stanley5387

自己近來較忙所以未必入戲院睇，但佢出 bluray 我一定會入!

guly

Must Buy BD

lkljason

guly 發表於 2013-5-13 13:53
Must Buy BD

雖然已睇左，但BD我相信都會買黎重溫

mike384

睇左優先場了, 係冇上集咁多驚喜, 但都ok架~
電視版細細個就覺得太悶, 冇睇後, 後來的電影版都係...直至09年版先改觀.

jason1969

正

dragonyam

出咗BD必入...{:9_421:}