JL110 開箱加設定請教

Anka

各位師兄，小弟呢排上得Post76多咗，結果又中76毒，終於都買咗JL110止痕止痛， 但係setting 上遇到問題，攪成半日都未掂，search 咗幾個論壇setting 上都唔同，希望各位師兄可以比d意見小弟，小弟Amp是用Pioneer lx71, 是否程序上先開十仔，再用amp 重新autosetup，後再在amp裏十仔的setting由-10db改做0db, (距離駛唔駛加大？) 再由十仔自己做autosetup, 最後用音壓計測音壓呢? 另外十仔方面是否揀選varible  呢?

edlsang

哈哈 ！ Ching 仲早我開箱 ！

louis001

師兄個人意見 先攪好個擺位搵左低頻去到中間先再攪其它設定會好的
唔係攪黎攪去都唔會滿意 不過睇師兄個擺法好似唔係點郁到隻十仔
如果唔得就要其它師兄幫你 不過恭喜師兄有新玩具玩

Anka

louis001 發表於 2013-5-12 00:31
師兄個人意見 先攪好個擺位搵左低頻去到中間先再攪其它設定會好的
唔係攪黎攪去都唔會滿意  不過 ...

多謝師兄意見，但小弟屋企太细，無得比我揀位置，連前置都唔用得書架喇叭 ，只能夠用衛星喇叭 ，但又想試下傳聞JL十仔嘅威力！

Stanley5387

C Hing: 你所講嘅步驟大致正確，希望加埋以下呢張相能夠幫到你走出陰溝! PS: 你部 JL110 放喺地啦，無啦啦做咩放上架ga?

Anka

Stanley5387 發表於 2013-5-12 00:47
C Hing: 你所講嘅步驟大致正確，希望加埋以下呢張相能夠幫到你走出陰溝!  PS: 你部 JL110 放喺地 ...

師兄，我屋企因為太细，隻老虎又唔比我獨自占用客廳，所以只能放上TV框 ，如果要放地下要放係飯廳果边，重要拖條長十仔線先掂  (因為L廳關係)

binge

Anka 發表於 2013-5-12 00:56
師兄，我屋企因為太细，隻老虎又唔比我獨自占用客廳，所以只能放上TV框 ，如果要放地下要放係飯 ...

ching how much and where to buy ar?

Anka

binge 發表於 2013-5-12 01:28
ching how much and where to buy ar?

亞咦買
$17,4))
雖然未set好，但已經有打心口感覺 ，以前用SPL800i, 而家先知乜嘢先叫威力！
師兄快d入貨喇，一定有買貴無買錯

YYSKY

Anka 發表於 2013-5-12 06:16
亞咦買  
$17,4))
雖然未set好，但已經有打心口感覺 ，以前用SPL8 ...

恭喜恭喜，
放入櫃會唔會產生共鳴，或是離地啲低音散唔夠實呢？

拆掉個櫃層板加雲石直接到地最正，唔好妥協呀，JL 變咗太陽火㗎。

Anka

YYSKY 發表於 2013-5-12 07:34
恭喜恭喜，
放入櫃會唔會產生共鳴，或是離地啲低音散唔夠實呢？

初步無產生共嗚，低音都好實 ，可能再加埋IP2鉑金屎關係 ，但我都會訂黑麻石做底同壓住隻十仔，真係一闊三大！

多謝師兄加分