尋找他鄉的黑膠 - A Man's Quest For Vinyl

阿正

謝謝樓主分享、一個有誠意用心的post, 值得表揚^*^

Al2013

其實話就話係大town，但呢個大學城當時得10零萬人住，學生佔了三分一;再加周邊城鎮總人口都不過幾十萬.就沙田人口都多過佢。
個town 比山圍住，冬天落雪好靚，不過好乾燥夏天熱死人。當年冇錢住係嗰度幾年都未去過滑雪，附近幾個國家公園都係三兩個鐘車程但一次都未去過;而家諗返真係後悔死。不過冇辦法，要讀書又要工作，總要犠牲某D嘢！
當時最大嘅娛樂就係買碟同間中去睇二輪戲。日日放學後同返工前都會去2手舗搵碟！個townD人有文化又大部份係白人所以當年真係搵到好多好碟。仲有當年好多人將D舊stereo system (一個櫃兩邊係speakers中間係唱盤同amp)捐去2手舗; 可能有TD-124盤同Fisher 膽Receiver都吾定；不過當年吾識所以錯過左都吾定！
以下D碟都係喺嗰間2手舗買既

Al2013

D碟吾係隻隻都係NM 不過五毫子隻都吾好要求太多！當時嘅想法係只要隻碟吾係太花都會買，有買錯冇放過。所以買埋一大堆到最後畢業搬屋前用咗嗰幾月賣咗一半碟。當時用BBS post for sale ad 又真係有人幾十隻幾十隻咁買。大部份賣返去美國本土，最遠賣過去台灣。

之後有次賣碟遇到個好人;佢送左套 Audio Research 前後級比我；仲要比埋成佰蚊運費送去我工作地方。當時收到都幾surprise. 前級係SP3A-1, 不過兩年前賣咗;而家要買返部機要比2仟幾美金！後級係 D76A，仲keep住 不過要入廠check吓。

幾張Mercury Living Presence Inner Sleeve; 當時印晒新碟消息同解釋乜嘢係 stereo、幾特別

Al2013

阿正 發表於 2013-5-12 02:53
謝謝樓主分享、一個有誠意用心的post, 值得表揚^*^

Thanks CHing!

Al2013

講開又講Wilson Audio 原來公司總部係喺我讀書嗰town; 老板 Dave Wilson 原來仲係校友。不過我差不多畢業時先知 又錯過左參觀佢公司既大好機會！個town既最大顧住係母校跟住就係 NuSkin. 同樣地 NuSkin 個老板都係校友；當年佢讀 MBA 時創立 NuSkin (if memory severs me right)。個town仲有另一家細D既傳銷公司; Steven Covey (7 Habits of Highly Effective People 作者) 間公司 Franklin-Covey 都係town；佢老兄當年係母校教 Organizational Behavior 之後自立門戶開壇講學設館授徒。母校雖然吾係 Top 50 school 但都頗有來頭。Accounting 全美排第三，四大會計師行每學期都來招人；投行Goldlan Sachs 前兩年招左十幾個畢業生同喺其它名牌大學招嘅人數均等。母校嘅運動成積亦不錯，出了數位有名美式足球 quarterbacks 同 教練。前兩年 NCAA 大學籃球嘅Jimmer熱 Jimmer Fredette 都係來自母校。

下晝去尋寶；睇下搵吾搵到好嘢。

Al2013

下晝去咗呢處尋寶。因爲距離同塞車關係，我規定自己一個月只去一次！其實以前住喺附近都冇乜點去呢間2手舗直至臨搬離開前半年左右先發現呢間係好嘢嚟嘅。我喺呢度首次見到廣東話LP，仲買咗一堆雷安娜，麥潔雯同鄧麗君。

Al2013

買咗3隻CD，盛惠$5

giseegoobi

謝謝樓主分享！真係好多珍藏！放心當你d 碟唔要，我地一定接收！我第一個舉手，我會好好愛惜佢！來自: iPhone客戶端

Al2013

買完碟去咗85c買麵包。呢間麵包舗喺台灣過離南加州開左3間分店。係人都識呢間麵包舗。佢既包係好食，不過就相當貴！第一次去佢另一間店買麵包足足排咗一個鐘隊先入到去;俾錢時見有人買咗一佰蚊麵包，真係覺得幾誇張。再次印證物離鄉貴係啱㗎。

Al2013

giseegoobi 發表於 2013-5-12 16:01
謝謝樓主分享！真係好多珍藏！放心當你d 碟唔要，我地一定接收！我第一個舉手，我會好好愛惜佢！ ...

Thank you CHing.  I will be a while before that day comes