新玩具 --- MDR-Z1000

gahqm

人地話男人有錢就身痕真係一啲都冇錯，我前幾日先買左隻  A1000x，今日諗住試下鐵三角出街用o既耳筒(ES10)，同場試埋 es700，fidelio L1 同埋 MDR-Z1000(店員哥仔見我條勁箍住隻 1R，佢就話 ES10 未必啱我，不過佢都開左隻出黎俾我試，唔錯 ) ，最後決定買 Z1000(鐵三角都係買番家用型號比較好 )，聽感我呢個新仔就唔講喇，無謂喺各高人面前班門弄斧 ，只係想講句已經有 EXK o既我買埋呢隻難兄難弟o既 Z1000 後應該唔駛再燒錢喺隨身音響

外觀


開盒後有耳筒本體，耳筒底下個小盒係配件，右面個盒係皮袋


配件有長短錢各一外加一個 3.5mm 轉 6.5mm 插頭，線材佢話係採用了超高純度（99.9999%）的7N OFC（無氧銅），我試過將 1R 條線插落去同佢原裝果條比，啲聲就係唔一樣。


右面個盒開左後有皮袋一個同說明書一本

斯路

師兄會唔會分享下聽感呢?

hongsuki

師兄可唔可以講下1R同z1000聽感有咩唔同？小弟都係1R用家

gahqm

我就係唔識點講所以先冇聽後感 ，不過 Z1000 俾我o既感覺係好近似 EXK (比較清)，所以我先會買佢，而 1R 就反而有少少 "矇" o既感覺。(兩者都係用 z1000 果條乜鬼 7N OFC 線)，但係低音就 1R 比較強。另外買佢o既原因，我戴親啲可以 cup 晒隻耳仔o既耳筒(例如我屋企隻  X1, A1000x, 1R)，個頭微微向左右擰時，耳背後位置覺得會有野 "UN" 住咁，戴 Z1000 就輕微得多。

補充內容 (2013-5-9 00:46):
唔記得講埋音場，如果考慮埋價錢o既話，1R CP 值就高好多，除非好似我咁對 exk o既聲好有愛而冇乜頭緒同 1R 換線，否則安安份份 "用/買" 1R 會好啲 XD

補充內容 (2013-5-9 00:51):
另外音場方面，我聽落覺得 1R 比較大少許..

USA2010

我都想買Z1000……亦都係因為有EXK想買埋………
但因為我唔玩hp………一直未買……

hongsuki

gahqm 發表於 2013-5-9 00:28
我就係唔識點講所以先冇聽後感 ，不過 Z1000 俾我o既感覺係好近似 EXK (比較清)，所以我先會買佢 ...

咁睇黎我都唔洗唸了，留番d錢買hd600算了，唔該哂師兄。

gahqm

hongsuki 發表於 2013-5-9 15:25
咁睇黎我都唔洗唸了，留番d錢買hd600算了，唔該哂師兄。

咁就要睇下 ching 駛唔駛出街，唔駛出街o既話當然 hd600 抵玩，如果要出街，Z1000 都算係唔錯o既選揀，頭先返工時先發覺隻 vamp verza 冇電，所以就咁直插 ipc 出街聽歌，出黎o既效果都算唔錯，隔音效果好，食飯聽歌o既時候都聽唔到隔離枱o既 C9 喺度鬼叫

hongsuki

其實出街我有1R已經好滿足（暫時），而家主要想搞好家用果套先，上得76多又心思思想玩下喇叭

gahqm

hongsuki 發表於 2013-5-9 23:39
其實出街我有1R已經好滿足（暫時），而家主要想搞好家用果套先，上得76多又心思思想玩下喇叭 ...

我就比較 "好彩"，因為間房冇乜位擺喇叭，所以專心玩隨身 ，不過近排買左 vamp verza 同埋呢次隻 Z1000後，我應該唔駛再燒錢喇。

hongsuki

隻vamp係咪電話用？有冇買埋個電話套呀？我見佢好少有人評，效果如何