試 Subwoofer 遇勞氣事一則

Stanley5387 · 發表於 2013-5-5 02:26

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Stanley5387 於 2013-5-5 08:56 編輯

話說近日上 post 76 多，俾啲師兄毒到所以想換 subwoofer, 於是星期五傍晚走去旺角友誠某幾層，去試JL 100, Sunfire hrs 12 同 Velodyne sp 1000 ultra 幾款 subwoofer, 點知臨尾去到某一層遇見到一位四眼阿叔，不愉快事件就此發生。

當小弟到達該層首遇阿叔後，亦表明想試某款外貌平實嘅 subwoofer, 奇怪嘅係當阿叔駁咗線後，就拿拿聲入咗隻投名狀 bluray俾我睇，仲要係一開片嗰段起放，即寫有咩演員、邊個做導演啲無謂嘢，去到影片開始差唔多三分鐘，一直都係劉華同鬼武者傾計，根本無位試低音，但阿叔毫無動靜去飛動作片段俾我試音，於是小弟就有啲唔耐煩但有禮貌咁問阿叔，有冇變形金剛 bluray 俾我試，再等多三、四分鐘，阿叔卒知攞咗隻 Transformer 3 嚟，可惜佢又重施故技，開咗片後是但㩒一個 Chapter，然後又放段主角同人嘅傾計嘅戲俾我睇，大佬呀！我係想試隻超低音而唔係試中置，試人聲，因乜解究佢前後放兩段對話我嘆呀？

於是我再出聲建議阿叔，不如飛去尾嗰兩、三段睇打鬥戲試聲效啦，嗰時位阿叔就冇咩禮貌咁回我一句： “係咁你自己教啦！” 正當佢邊講頭先句説話但係手仲揸任個 remote control 想飛去片尾之際，或者係個remote 無咩電竟然唔聽阿叔駛，於是佢就開始大力拍打個遙控，越拍越大聲，邊拍就一邊唸唸有詞，此情此景大約維持三十秒，我見佢都攪唔掂，就行埋佢處輕輕拍一拍佢膊頭講： “阿叔，唔好攪嘞！算啦！我都係唔試走嘞！” 誰不知換來佢一個回首狂躁嘅怒睥！雖則阿叔當時無出聲，但佢憤恨嘅眼神，已充份表現認為我喺度玩嘢兼同時間“問候”咗我 ~ 我諗大家會明白呢個意思啦！

總括嚟講，喺呢處試機感覺十分無瘾、浪費時間同激氣！又因為呢個阿叔，我會 blacklist 咗間舖並以後唔會幫襯佢哋，皆因阿叔真係勁唔掂當兼唔夠專業，我希望自己嘅影音生涯一世都唔好再遇到佢！

PS: (1) 我之前喺較上樓層兩間舖試機，佢哋嘅 Saleman 都不知幾 helpful 幾專業，我除咗試完一部又一部人哋都無咋型外，仲話一試超低音就問我放段 Transformer bluray 打鬥片段俾我試聲好唔好！我 ok 後人哋一入片就去段“嘈戲”即試機，效率高之餘又唔駛浪費大家時間，雙羸局面；
(2) 當喺阿叔試機嘅時候，間舖頭只有我同另一個客，基本上有其他嘅店員招呼緊嗰位客人，阿叔静係招待我，但結果佢嘅表現都强差人意，加上佢最尾回我嘅怒睥，真係令我越唸越慶，所以先寫咁大段嘢嚟同大家分享啫！