請討論，何謂「音響發燒」

obee

好一段日子無出 POST 了，忽然心血來潮想問問大家，何謂「音響發燒」？

事原前兩日去左一個由Kent Poon主持的CAS分享會，學到了一些DSD有關的學問，回來跟 Hi-Fi 友在 Whatsapp 分享。當中，有一位Hi-Fi友回應：「太煩了，我都係聽住 CD 算了」，「我玩 Hi-Fi 的基本目的還是為了聽歌，不是學術研究」。

唔知大家有乜睇法呢？

t1174

音響發燒我想是信音響可以改變音樂, 因而大力投資音響, 以求聽到感動自己的音樂.

音響發燒可以說和 lp, cd, cas 甚至 radio 等等沒有比較的關係. 反而音樂有. 因為對回放而言, 音樂是收藏在媒體當中. 音樂和系統再好, 媒體沒有連接就是空談.

patkwok

我唸因為香港地生活節奏太急速喇
每一天可以坐底聽歌既時間又真係唔係太多既
大家未必有時間去深究,只係想聽自己想聽既音樂

每個人對發燒既理解都可以唔同

可以音樂發燒
可以器材發燒

每個人對事物既尋根究底的態度又好唔同，同埋每個人既理解能力又好唔同、可付出既時間又唔同

所以發燒音響、音響發燒，因人不同喇

thomasl211

其實點為之"發燒友"！我覺得係一個人好認真對待一種事物！

行為到達普通人不容易理解的程度！

甘"真正發燒友"就係一個發燒友好認真對待一種事物！

行為到達普通發燒友不容易理解的程度！

甘"超級發燒友"就係一個人好認真對待一種事物！

行為到達真正發燒友都不容易理解的程度.................

所以好多時發燒友之間不容易理解對方除HIFI語言上的落差

外！還包含發燒熱度、同患左"邊種病"等等！

magicpro

唔去深入研究好難稱得上做發燒...

beerboy

咁熟既個whatsapp友....

Siu

發燒。。。。即係正常人唔會既。。。。
發燒音響。。。。即係正常人唔會買既音響。。。。


又稱發癲。。。。。:D

patkwok

Siu 發表於 2013-4-29 15:11
發燒。。。。即係正常人唔會既。。。。
發燒音響。。。。即係正常人唔會買既音響。。。。

補充一下

攞玩車黎做一個例子(如有得罪請各位大佬多多包涵)

有D人玩車只係睇數據，要幾多匹，要極速幾多幾多咁
但係可能佢連車既基本運作原理都唔清楚,不過都玩得好開心,有咩補品都放曬落去

另外有D人,就可能一直鑽言機械理論、研究轉子引擎、風阻理論、油同空氣混合比例、engine efficiency等等

各有各唔同玩法,在於我黎講，佢地都係汽車發燒友,不過係唔同層面、層次囉

ADA

音響發燒 ... 發燒音響 ... 音響發燒 ... 發燒音響 ...

唔.... 好難, 了解音響已經好難, 重要發燒添 .... 難上加難.

我只知道我同事日日聽住部 Sony MP3 佢已經覺得佢係一名發燒友.

patkwok

ADA 發表於 2013-4-29 15:21
音響發燒 ... 發燒音響 ... 音響發燒 ... 發燒音響 ...

唔.... 好難, 了解音響已經好難, 重要發燒添 ....  ...

我有個同事會話喇叭唔係越多單元就越好架咩?