設為首頁收藏本站76Youtube 頻道

Post76影音玩樂

搜索
查看: 489|回復: 2

[~ 原創影評 ~] 新舊電影大雜匯小評 (含內容)

[複製鏈接]

1662

主題

2萬

帖子

27萬

積分

三潮玩家

J J

Rank: 18Rank: 18Rank: 18Rank: 18Rank: 18

積分
275987

十週年永遠榮譽會員勲章76 榮譽VIP勲章76 榮譽超級版主勲章76 榮譽鑽石勲章76 榮譽忠義勲章76-FC 黑鑽石勲章

發表於 2013-4-22 15:35 | 顯示全部樓層 |閱讀模式
呢排都睇左一堆既電影,新舊港西乜都有d,唔逐一開個post黎介紹,一次過同大家分享下:


GI JOE 2
睇GI Joe 2係因為覺得第一集都唔錯 (雖然有人會覺得首集都唔掂啦,不個睇戲既野好個人,咸魚青菜各有喜好嘛) ,雖然睇前已經知道唔係係上集原班人馬full team黎拍~~~ok我接受,雖然知道女主角無上集咁吸引~~~~ok我接受,雖然知道謠傳套戲要做3D延期比佢昆多幾兜野~~~~ok我接受,但最接受唔到GI Joe竟然無高科技武器,喂~~咁我不如睇雷霆救兵啦,咁同睇普通"蘇o者"片有乜分別姐,成齣戲人丁單薄,套戲玩old school都唔使咁過份嘛,李生個角色玩由奸變忠又兒戲到爆,唯一可取叫做同上集有關連,我個人覺得唔睇無損失。



百星酒店
賀歲片胡鬧就預左,志在乜鬼都笑一餐,不過硬食左鳴哥幾年既賀歲片,真係選角同新鮮感全無,加上又係咩千島湖黎做背景,聽到都覺得悶,呢d我唔覺得算合拍片,但當中夾雜d不知明\名既內地演員,一貫佢既風格,個人覺得唔睇都係無乜損失。

2013我愛香港恭喜發財
到志偉既賀歲片,睇Trailer或者睇開佢既片都知好似同TVB掛鉤一樣,裡面既演員8成都係無線d人,好聽d就有親切感,講得唔好聽就同睇劇集無分別,故事老老土土打溫情都無乜所謂,但選角搵卿姐真係敗筆,演技無唔緊要,但最弊連個樣都乾到嚇死人果隻,做老版子珊真係投入唔到,仲要拍落Alan度,真係Alan個造型點醜化都彌補唔到個差距,唉~~都係算把啦!仲有Bosco個造型,無疑係幾似Alan,但睇佢縮住條死人頸黎演譯,佢做得辛唔辛苦我唔知,但我就睇得好唔C服勒。



月黑高飛
呢套戲既bluray都買左段時間,而之前戲院上時亦都無緣睇過,果日心血來潮開黎睇真係不得了,齣戲初段略為平淡,但原來留既伏線o係結尾至係導演既神來之筆,真係精彩到無朋友,千其唔好因為套戲既色調感覺好舊而錯失一套好戲,絕對絕對值得收藏。



U-571
又一套大部份版友應該已經睇過,甚至乎擁有不同版本既影碟電影,好無奈我都係近期至有幸排到期o係屋企"上畫",故事就唔多講勒,估唔到o係一個大部份時間處於咁挾小既潛艇內部拍既電影,加上音效同鏡頭既搖晃黎拍攝,竟然能夠拍出咁緊張兼扣人心弘既情節,因為我屋企個woofer比較雞,雖然未能感受到掃腳既感覺,但如果過左11點先播既話,相信比人撳門鐘既機會都幾大~~~XDDDD。之前聽呢套戲既碟評都係話裸黎試聲無得頂,但我覺得千其唔好忽略套戲既內容,緊張程度唔會比其他大片遜色。



總結:真係無論中西既電影,始終都逃唔出新不如舊既衝擊,希望電影人爭氣加油,唔好一味靠續集黎保住票房賣錢,拍多d特別題財既電影,等我地呢班戲迷唔使齋~~~~~懷緬過去,常陶醉............................

評分

參與人數 1威望 +10 金錢 +10 收起 理由
horace_tsang + 10 + 10 師兄好有心機

查看全部評分

23

主題

156

帖子

2萬

積分

星級玩家

Rank: 7Rank: 7Rank: 7

積分
20599
發表於 2013-4-24 11:36 | 顯示全部樓層
都幾認同gi joe,d成本去晒名星度?得幾條友做成個高科技組織,如果唔叫gi joe睇就勉勉強強,節奏可以,唔算悶,但劇情十分牽強。
反而百星酒店有些驚喜,谷德昭拍出來的屎尿屁可以笑下,或許是零期望+抱住負分的心情入內觀看所以有驚喜吧,註:是免費票

評分

參與人數 1威望 +5 收起 理由
lkljason + 5

查看全部評分

414

主題

9168

帖子

28萬

積分

黑鑽玩家

Rank: 11Rank: 11Rank: 11Rank: 11

積分
286078
發表於 2013-4-24 19:59 | 顯示全部樓層
呢五套我都睇過,感受同CHING差不多
月黑高飛的確係好片(雖然睇時要有點耐性),我就係呢套片開始欣賞morgan freeman

評分

參與人數 1威望 +8 收起 理由
lkljason + 8

查看全部評分

您需要登錄後才可以回帖 登錄 | 成為會員

本版積分規則  允許回帖郵件提醒樓主

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。
快速回復 返回頂部 返回列表