爆開隻跟機牛搵真相

SundayDrivers

剛同個機櫃執下D位同D線, 發覺隻 Lan Switch 12V 1A 火牛好燙手, 而家開始天熱, 橫掂有D大 Amp 數既 Switching 牛多出泥, 不如換左佢, 換左隻 Philips LCD TV 12V 5A, 溫度只係微暖, 以為好掂, 點知開聲唔同左, D聲好死, 低頻濛晒, 人聲暗左冇感情, 唔知係咪隻牛冇用好耐關係, 於是換隻長期用緊既 NAS 12V 4A 試下, 一樣冇大分別, 一插番隻跟機牛即刻好番晒, 真係好好奇, 於是用鋸爆開隻牛睇下, 原來係隻鐵芯繞線牛仔, 過四粒橋式整流, 出一隻 2200uf 25V 電容, 沒有 Fuse 同什麼穩壓線路元件, 就係一隻咁簡單既牛仔已經殺低隻大 A 數既電子牛, 唔怪得咁熱同咁重, 仲重過兩隻電子牛加埋, 再一次証實電子牛係音響大忌, 所以暫時用番佢係不二之選, 純粹同大家分享一下.
借此請教對電子較認識既師兄, 成品線性牛大多包含左穩壓電路, 但現今城市供電一般不會起伏很大, 如不考量這個因素, 不含電子穩壓線路會否有優點, 如少一點電子特性既嘈音等, 希望可以學到多一點.

12V 1A

obee

不過都有人話用 "靚" switching 牛動態比線性牛好, 市場真係乜諗法都有.
另外, 穩壓係必要的, switching 牛內都有. 同市電"靚唔靚"無關

corolladv

通常我會買環牛 DIY 一隻 supply 再加較靚穩壓比機用.......如一定要用一裹火牛

Einstein

good sharing......

yeleung

Support !!!!!!

kelvinhin

靚嘅Switching 牛係有，但價錢卻係同優質線性牛相差無幾。

wushu

ching，我反而有興趣想知道你鋸開開左之後系咪用膠水黐翻距黎用？？定系換過個殼？？

chestertang

如果係玩 network player , Switch電源都有影!之前上看到不信,但在冇心之下比我試過我才信!
之前小弟用Squeezebox 的 Touch 換了 5V 線性牛 經 Switch 讀 Nas 的 file.因為升級去Linn ,所以5v 火牛冇用但剛剛Switch也是5v 所以插來看看,有20%的改善,但有點妺仔大過主人婆,因為個Switch不過$400 元,但火牛電源線,加釘就四千元,但我又再冇比過錢,所以當用到現在!

corolladv

最怕用這一款牛，夏天又熱，用耐左又容易有 d.......d 聲，好吳放心。

SundayDrivers

明白晒, 原來穩壓部分這麼的重要, 先前睇左部成品, 但雙輸出只能每組 3A, 不合用, 那就順勢 DIY 個線性供電 - 2 x 12V 5A, 環牛已睇中 RS 既出品, 可以請師兄介紹較好質素既穩壓套件嗎? 因小弟搵過淘寶大多數係正負電源輸出, 有點浪費不合適, 唔該
P.S. 鋸開左之後系咪用膠水黐翻距黎用？？
橫掂開左蓋, 咪就打開泥用, 散熱會好D, 隻牛係響櫃入面, 不過已用膠槍封左220V個接線位, 應該OK, 當然唔建議大家咁做.