前日我去銅鑼灣百記睇電視, 個Sales同我講個部菲記9系得返一兩部, 做緊清貨, 可以做到一萬二千三. 我都覺得幾平, 所以之各去咗, 瘋澤, 中原個啲問價, 都要成萬四萬五, 諗住有so. 返屋企經過旺角, 順手去咗百記問, 佢話得返display, 賣九千。
琴日我去沙田再格下價, 個間百記話連display都賣埋, 無晒. 我拿拿聲打去個sales度, 佢話重有一部新同一部display, 我叫咗佢留比我, 我去買。當時又唔覺得奇, 點解間間百記都無, 係佢有。
之後, 我去銅鑼灣百佳買電視, 個sales重話水尾清貨多啲野送(又送乜鬼空氣清新機, 一千左右啦, 又送乜鬼好似吸塵機咁既野, 成兩千幾), 但個價就奇奇怪怪唔係零頭。當時, 好開心, 以為有平野, 所以無諗咁多。
今朝早起身, 諗來諗去覺得好奇怪, 再睇張單, 點解有個D字, 睇來睇去都唔明。結果走去是旦一間百記, 佢一睇就話你個部係"D"emo機嘛, 寫明架. Til 拿星, 我講明Demo我唔要, 有全新機我先要. 唔怪得佢送到咁多野啦, 唔係條數點做得返一萬二千幾。
結果打去問個Sales, 佢死都話係新機, 佢強調啲機一定會有兩年保養。大佬, 我買Demo機, 九千咋喎, 洗Q萬二, 個三千我買其它野好過啦。我係買Demo機, 你情我願, 依家唔係喎, 我要新機你比Demo我喎。佢重offer我, 係我面前check機, 叫我mark機號. 講真, 真係咪攪, 啲盒既野, 好難講, 部機外表又睇唔到, 但張單寫到明係Demo機, 有咩事, 送到來, 白紙黑字, 叫我自己同菲記攪咪攪天光。
最後加錢換機, 條氣重係好唔gur。個Sales重好似若無其事咁, 好嘢! |
[複製鏈接]
發表於 2010-8-5 16:32
