本帖最後由 sunboy 於 2013-10-8 00:26 編輯
話咁快又到開估既日子,其實今次PK比試對好多資深76師兄和Hi-Fi友來講衹是茶杯裏的小風波,答案唔洗估都知啦,就算齋睇投票結果都已窺全豹了!
但話分兩頭,對於sunboy呢類Hi-Fi新仔黎講就好特別了,而且小弟不嬲奉行Hi-Fi發燒友的金科玉律"耳聽為實,不會盲從附和!"
事因小弟十分之喜歡君妹呢隻大碟,一早已經擁有一隻爛牛仔褲天龍版金碟,原以為天下無敵!其後再買了SACD版,經比較後便覺得SACD更好,那隻金碟早已經變為收藏品了,點知後來才知道金碟衹是再版,銀碟才是頭版,還有第三版的橙碟才恍然大悟,但心想爛牛仔褲天龍版銀碟咁貴,又未必肯定赢得過SACD版,而且我又不嬲唔捨得買咁貴嘅二手碟!所以一直得個"恨"字和"想"字!
後來在76結識了兩位超好人的師兄高人,正哥和三洋兄,先在正哥的幫助下平價買到隻橙碟和再版黑膠,後來仲幫我揾多隻德版黑膠添........嘻嘻!更加開心就係之後再結識了專買靚版舊版CD的三洋兄,佢交遊廣闊,聽過好多靚版和舊版CD,他說頭版天龍牛仔褲銀碟绝對抽低金碟,甚至可以比美SACD,三洋兄這個評價令我躍躍欲試,而且好想立刻把銀碟據為己有,但天龍頭版銀碟有價,加上我又孤寒又要靚仔,要找一隻又平又靚的牛仔褲真係談何容易..........但三洋兄竟然不負所託,竟然以合理價錢幫小吉揾到隻靚仔銀碟,真是令我喜出望外,在此又要多謝正兄和三洋兄!!!
故事講完,言歸正傳,話說有日正哥和某樹友到舍下聽歌踐場,正哥一見我個爛鬼黑膠盤便身痕難耐,硬要小弟開封,推搪無效,唯有硬着頭皮班門弄斧了.......由於小弟的黑膠盤已經塵封多年,有聲出已經好彩,更遑論要有好聲靚聲了,由於其他舊LP都已收起,隨手便拿起正哥幫小弟買的舊版牛仔褲LP放上唱盤開聲,阿彌陀佛, 成十年八年冇開,好彩仲有聲出!衹見正哥邊聽邊嘴角陰陰笑, 都唔知他唸緊D咩衰嘢黎笑我,為免自討沒趣,"拿拿林"去CD架取出牛仔褲金碟來希望挽回面子! 點知正哥收到風,叫我拎晒天龍三隻牛仔褲出黎PK吓,小弟心唸都好呀,難得有知音人在,一齊聽聽俾D意見都好!
於是由我做DJ打碟,先"瞎試"金碟和橙碟,試了幾首歌之後,一如所料,橙碟很快便被叮走,金碟舒服順耳,無論人聲和樂聲各方面都很平均協調,橙碟就比較粗糙,不耐聽,在金碟之前,真令人懷疑隻橙碟是否真是天龍版!
繼而到金銀碟互拼,一樣是公平的"瞎試",由於剛試完金碟,大家很快便認出金碟的聲音了,而且有人急不及待要換碟.......當聲音嚮起,大家都說是值的!頭版銀碟果然不是浪得虛名,它在各方面都比金碟好,聽感非常好和舒服,三洋兄你果然冇呃我!
結果非常正路......銀碟 -->勝 金碟 勝--> 橙碟
大家咪走住,仲有下文......於是小吉急急取出牛仔褲SACD來要與銀碟一分高下,由於這次不能"瞎試",結果一定有偏差,聲音從喇叭傳出,SACD是一貫的通透立體,每一種聲音都聽得清清楚楚,Hi-Fi感較強烈,但銀碟卻毫不示弱,我個人覺得銀碟衹是少了SACD的特色,但各方面都不比SACD遜色,聽得舒舒服服,毫無瑕疵似乎是銀碟的強項,甚至正哥都說寧取天龍銀碟而捨SACD不取,但小吉卻仍然比較喜歡SACD多一點點!
之後正哥見唱盤仍然在轉,便又嚷着要聽番牛仔褲LP了,小吉無奈衹有遵命,但不得了! 可能是唱頭和針已經Warm-up了的關係,聲音較之前好了許多,驟耳一聽,大家都覺得LP版的牛仔褲更正更舒服,它的人聲又厚又暖又真,當然沙石是有的,但你不會理會,因為你已經被吸引住了.....唔怪之得正哥會棄CD而取黑膠呢!
我剛巧又有一隻牛仔褲LPCD45在手,據說它的聲底類似LP,豈非無敵?既然現在有唱片又有專/玩家在座,便立刻放上CD轉盤來做個比較,當聲音一出,大家都互望幾眼和"哦"了一聲,LPCD45的聲音取向真的很似LP,很有類比的影子,人聲突出,吸引,少了唱片的雜聲和沙石,但卻少了唱片那種更像真的感覺,恍似君妹就在你跟前獻唱的真實感,相信這便是LP吸引人的地方了!如果沒有牛仔褲LP的朋友,大可找張LPCD牛仔褲一試,感受一下LP的聲音取向,看看是否喜歡LP或去買番個黑膠盤跟正哥一起CD/LP双修吧...前事完!!!
以上純屬個人意見,無論環境和器材都不好,難以作準,內容結果衹供大家參考和茶餘飲後做個話題吧,如有錯誤,多多包函,决不負責,多謝收看,多謝加分鼓勵.......如果有嘅話!嘻嘻嘻!!! {:9_430:} {:9_432:} {:9_416:} {:9_408:} |
[複製鏈接]
發表於 2013-4-3 21:16
樓主
