簡單diy, 我也用美插

radhk · 發表於 2009-7-4 18:30

我本身有用美插既power cord, 不過因為一向只係用一個大陸牌子既拖板, 反相問題所以所有power cord都要外加一個美轉英插.

見咁多師兄放毒, 自己都身痕搵d野簡單野diy. 咁就自己diy一個美式 "拖板". 其實都唔知算唔算係拖板, 因為只係得兩個位. 不過我只係插 CDT, DAC, 所以兩個位夠用.

或者有師兄會問點解唔直接換0左牆上既英插面板. 原因係我還是喜歡用英插插amp.

呢個diy其實好易, 用一條cable將個IEC座接到美插面板即可. 最麻煩可能係搵個方便開窿既箱. 最初我用MK制箱. 點知因為係硬膠質地被我一野轉爆0左.

後尾見鴨記d薄鐵箱有個0岩size. 第二張相可以見到成呎cable都放得入.

手腳慢, 攪下攪下半日先攪掂.