影人用Canon, 影景用Nikon, 當真? 果然?

ahnel

剛剛有版友問買機, 有師兄就建議影人用Canon, 影景用Nikon~

哩句野由我十幾年前開始玩相機就聽到依家, 估唔到仲聽到~

亦都有師兄認為哩句野過時喇, 數碼世界哩樣野跟本就唔存在喇~

家陣後製方便, 你想變咩tone就咩tone, 仲駛鬼理佢咩Nikon色或者Canon色咩~

哩個我覺得只係啱一半, 響玩家心態黎講確實係啱, 理得佢咩色, 番到屋企慢慢執, 買機最緊要睇吓識果班friend用咩機, 借起鏡黎都比較容易~

但係專業級, 其實可以話係搵食級又唔係錦講法, time is money, 由其是一D婚禮攝影師, 佢真係會去揀Canon, 因為影出黎就錦一張jpeg唔駛搞好多野, 佢個膚色都係靚過Nikon, 佢地閒閒地都影過千張相番去揀, 交貨都要幾百張, 你叫佢張張執膚色, 你不如叫佢轉行好過~

錦Nikon影人係唔係唔得呢? 錦又唔可以話唔得, 不過辛苦D囉, 同埋你要好熟部機o既picture control (低階機仲要冇得control), 同埋你要好知自己想影D咩, 同埋曝光要好準, 如果唔係, D面色就會 , 所以用Nikon影人係幾大挑戰~

唔知大家有咩睇法呢~

kelvinwe.chan

Nikon 重要差唔多時間但唔同grade 嘅機嘅(例如D7100, D600/D800 同以前嘅D90,D7000)同一picture control 出嚟嘅色都唔同, 不過呢期D600同D800就比較接近....

不過Nikon 機比起Canon冇咁夜盲同暗位出嚟嘅表現影人像low key 就冇得輸 :D

jason1969

講得好{:9_407:}

Mac

我由Nikon FM2, F4, D200, 到現在D3s和廿多支原廠Lens, 未用過Canon, 甚麼Canon影人, Nikon影景, 重要嗎?
影相最重要是用眼, 用腦, 用心, 用何品牌只是個人喜好.......