首先,
1. 係單反的世界, 部機入唔入門, 一般係指佢的價錢同操控, 同用家的技術/知識係冇關的, 用家應該從自己的要求去出發.
而只要你有心影, 入唔入門係好小事, 5d mk3主要畀到你的係係操控上的自由度/反應, 同埋係動態對焦時的速度, 你對呢d有要求又肯畀多d錢, 同埋唔介意佢重兩三百gram(咁上下, 唔記得了)的話, 5d mk3係首選.
2. 什麼c記影人, n記影景...其實對稍為識得調節部機的picture control的人黎講 , 都唔係什麼問題, 更莫講個d會用ps後制的人了.
(從前的n記係自動白平衡方面好差的, 但最近兩年大有進步)
題外話, 後制其實只係一個手段, 會令你把影出黎的相改到更好, 更符合自己要求, 當然會要你d時間去整, 但通過後制的同時, 亦可令一個人更加了解自己的喜好, 要求, 將呢d知識, 其實又可以幫到自己去改善拍攝時的效率, 如一d調控的習慣.
反而初學者如果太抗拒後制, 下下都要求自己係影相時要一take過, 做成壓力之餘, 進步亦唔會大.
我個人啦, 後制唔一定要做, 但的確係攝影的一部份, 應該要識, 做唔做係case by case, 我希望自己的相可以靚到唔駛咩後制, 但未達到呢個境界前, 亦樂意去後制. |
發表於 2013-3-25 10:04
樓主
