|
|
樓主 |
發表於 2013-4-13 14:08
|
顯示全部樓層
各位兄弟，我呢個星期根據各位兄弟的建議，首先我實在太多CD，亦只會以聽歌為主要娛樂，所以袛可用聲音質量為本，只選擇最好聲音表現的機種作為唯一先決條件，以自己的耳聽結果為實, 但視頻方面的效果則不作考慮，始終小弟已經有PS3睇Bluray, 而效果亦已經甚為滿意，所以多一部機睇Bluray係無乜作用，而且小弟的Budget非常有限, 15K至20K並不是什麼大數目，所以更不可以隨便浪費彈藥！話說小弟有一朋友是Oppo 的忠實粉絲，哈哈！在未賣他的95前, 有幸已經聽過一次，但我聽過他播SACD和CD後，只覺得唔到喉又唔到肺, 亳無驚喜可言，幸好對它無任何期望,否則希望愈大，失望愈大！而近日他便換了105,我又八卦走去聽聽，由於早前有音響雜誌爆Oppo內幕，呢部105原來由中國步步高工廠代工, 不知是否先入為主，感覺只比之前聽95時好了一點點，可能是他新買的外置DAC幫了部105播CD一把！但佢只係狂讃105的畫質有多靚, 無可否認，畫質係好靚好滿意，但係有視頻始終有對音訊有很大干擾的，就算能獨立關掉視頻功能又如何！對我呢類中意聽歌多過睇電影的人,似乎又無乜意義，105宇宙盤價錢一萬中間大件夾抵食？但聲唔得都係嘥氣。
另外，我有兩個朋友都係用PHILIPS宇宙盤，一個用9500,另一個用9600, 兩部都係無SACD功能，知佢Audio部份用Burbrown, 諗住不小CD機都用開佢應該唔錯，點知一開聲播CD又係令人唔想再聽！再加上兩位朋友都巧合地話部機時常出現一個大問題，就係機身容易過熱引致當機(Hang 機)，本來見到9700剛出無耐,外表已經唔多吸引，再加上前兩代機件都咁大問題，可以話仲可能差過我部SONY PS3, 話哂都未試過當機過熱問題，都係即時打退堂鼓好過！
對於SACD，小弟認為係一個將會遲早被市場淘汰的制式，我怕一玩無耐就玩完，始終現時市面的SACD軟件買小見小, 新歌無得出SACD，舊歌SACD又停產咁滯, 早年又有SACD廠話宣佈停產, 而市面剩下的舊版SACD價格簡直係鈔到瘋癲價！根本唔能夠值回票價！而小弟亦有數名朋友有玩SACD, 一位是玩Linn &Krell SACD機,小弟有幸作客，一開聲個下，真係非常靚聲，SACD真是同黑膠有得揮，但當他自豪地話部機8萬左右，我呆了一呆後,心諗我知我永遠不會有能力買得起,聽過都叫今生無悔了,另一個朋友是一出SACD, 便買返屋企的SONY SCD 1 頂級首代SACD機,音色不錯,但佢話都要四萬左右，又係超過我的預算成倍有多，而且已經停產, 於是我又再搵我另一位屋企使用Marantz SA11S2 SACD機的朋友，不過，同SONY那位朋友比,只可說是一分錢一分貨，馬蘭士同SONY的音效始終有一段不小的距離，可能同價錢有關，始終一部四萬元旗艦級和一部二萬元級只屬於旗艦對下一級,雖然馬蘭士的價位是剛好我的負擔能力以內，但兩部SACD機給我的感覺都是播CD的聲音未能有好好的&# 37325;播效果，和我自己家中的老舊淨CD機比仍有距離！所以SACD可能對我來說是得物無所用,始終這可能是SACD機的通病,便是播放SACD和CD時的聲音效果差天共地,判若兩機,或者是SACD機的廠商將大部份成本都投放在SACD那部份的DSD解碼部份，而輕視重播CD解碼部份DAC，結論是小弟始終CD軟件居多，所以SACD始 ;終不是我杯荼！
或者小弟都係搵番部萬多二萬元淨CD播放機較為穩妥。
多謝咁多位師兄俾左咁多寶貴的意見我！我會繼續努力去搵最合適我的dream機！！！
|
|
[複製鏈接]
發表於 2013-3-27 11:16
