終於買左啦 oppo 103，不過...

櫻井廣海 · 發表於 2013-3-18 11:26

自從舊年搬屋裝修完之後，完氣大傷，螫伏半年後重出江湖，先平平地買入oppo 103！

回家後滿心歡喜，開箱拉線試機，駁好線之後，第一件事就係update firmware，已經係最新，唔駛up... 再黎就試碟啦，點知... 試左兩套戲，hang左兩次機....

第一次係試睇3d電影，入到電影個top manu入面，當我選其中一項時，hang左...

stop唔到，又退唔到碟出黎，好彩按power制都仲可以...

之後相安無事，就再轉睇第二套2d電影，睇到中段時，曾經有兩三秒有少少窒，就好似我地上網睇youtube有時load唔到咁窒一窒。。。之後一路都冇事睇完套戲，點知睇完後按stop之後，個畫面彈番出去103個機畫面（即係有好多選擇，有blu-ray，有music，有youtube... etc果個畫面）之後又係hang左

，結果又係要按power制熄機再開機先搞掂...

最奇怪既事出現了，我再搞哩搞路，又重設部機，之後無啦啦再走去update個firmware，竟然...有。野。要。up！！！

我選擇update啦，點知佢過左只不過大約兩三秒之後，就話update成功！

不過之後so far都冇再hang過...