本帖最後由 tinsly 於 2013-3-18 00:27 編輯
官方片段(#14)
當晚精華片段(#12)
小弟今日適逢DAY OFF,就醒起今晚有個Show好想睇.於是一早走去買飛.
2013國際無伴奏音樂盛典
這節目係2013香港青年協會舉辦 2013國際無伴奏音樂節的打頭陣節目.
之後還有很多節目舉行:
何解我會突然文化起來,走去參與文化音樂節???
全因今年合唱節大使係王菀之
而且票價極平,$100,加上又放假又無約,當做一晚小消遣……
睇這個SHOW一心為了王菀之,完全唔會覺得特別精彩.
不過小弟對人聲特別喜愛,無伴奏音樂,即係ACAPPELLA,我都幾受落.
去到會場,見個舞台同商場SHOW差無幾,我明白點解$100
這SHOW係香港青年協會舉辦,到場大多為學生們,望住八成都係學生,坐在舞台正方的觀眾們(即公開售票,並非免費飛或優惠飛),被一大群年青人包圍住,情景確有點尷尬.
小弟之前未參與過國際無伴奏音樂節,唔知個SHOW的取向,一路以為係好似睇慣D JAZZ LIVE,較為formal,心諗班小朋友會唔會唔識欣賞,難咁嘈………點知一開波,原來係個紅館SHOW嚟嘅,咁就放鬆晒~
這節目有四個表演單位,我逐一講下我的睇後感:
MayTree
小弟對韓國音樂好感不大,但睇完MayTree表演,真係改觀了,拍爛手掌.
由於這show四個表演單位,有三個係全男聲,因此MayTree有兩把女聲,令我更為深刻.
他們是四隊之中,聽得最舒服,最音樂性最強的一隊,他們唱第一首就打中我心,Basia的《Astrud 》
之後節奏感強的《Turn The Beat Around》和 Lady GaGa《Born This Way》,班小朋友 NATURE HIGH真係幫到好多手,不過好佩服連迴音都係自製埋,犀利!!!
另一首《阿里郞》,只得五把人聲演繹,但卻做到滂薄的效果,個BEATBOX手真係功力深厚!!!
演出其間他們各人耳機好像有點問題,不過沒有見其有太大失準.
這SHOW後,小弟正式成為MayTree樂迷了!!!!如果這埸是「MayTree演唱會」就最好不過!!!表現得太小了,未夠喉!
Oxford's Out of the Blue
人數眾多,係好講求合作性,他們真係好整齊,好有design,雖則亮點不大,但真係好團結佢地,每個step都計好晒,那處令你尖叫,那處令你發笑,完全掌握在手.而且他們只係18-23歲,每個嘅歌唱根基都好深下,好穩定,我特別偏愛個光頭黑人,獨唱Taylor Swift《I Knew You Were Trouble.》,好攝人!
The Exchange
你可以說MayTree係帶斯文,有格調;
Oxford's Out of the Blue係活潑且清新;
The Exchange就現代感,流行大眾化,型格!
他們的操藝真係國際級水準!!!無論現場帶動氣紛,重唱的層次感,聲音的多元素,台上的演出和談吐,真係遠超各隊表現嘉賓,完全達到世界級水評.
你聽住The Exchange,明明得五個人,但你係聽到一隊full band在台上演奏,真係好厲害!
青協香港旋律
表現唔係唔好,但眞係比下去了.舞台娛樂性最豐富,最多花巧野睇.
揀《年少無知》唱本應不錯,但欠缺一個驚喜,好聽但無咩印象………
反而他們和王菀之合唱《哥歌》就好到肉,好人性;難度挑戰ACAPPELLA版《留白》,個效果極有心思.
總結:
一個唔成正比的音樂會!
$100價錢,卻得到一個絕對值$1200的國際級音音樂會!!!抵到爛!!!
我原本係嚟睇王菀之,最後原來王菀之的一慣有水準表現,已經係眾人之末了………
亦都要多謝班學生們的忘我投入,令音樂會氣紛極佳,遠勝一般紅館show!
特別最尾所有人一齊出嚟合唱psy《GANGNAM STYLE》,100%全場企晒喺到,好罕有!!!
這首《GANGNAM STYLE》真係好勁,三大beatbox手一齊合作,好有火花!!!
最後,當然完場後走去掃cd!!!!門票$100 , CD消費$1000
|
[複製鏈接]
發表於 2013-3-16 03:31
樓主
太可惜………………
好色做生二wo
