無心機。。。停聽歌。。下集。激死富貴老友

tomboy

話說我無心機啦！。昨日我又同富貴朋友同鋼琴家一起做（地主）和她遊玩。因為兩日後她回國。海洋公園。上山頂睇下風景。直到晚上富貴朋友便提議到他的家食飯嘗試下佢太太手細因為佢太太好喜歡煮野食。。我們一起去到佢九肚山屋企。我都知道佢係音樂發燒友。今次可順便聽下佢套值九十幾萬音響！我又可聽吓佢套機同上次係TOM LEE聽（猪腩肉）會靚成點。。未開飯我就好心急同朋友講聽下套勁野先啦。。佢笑騎騎。。好好。。問我聽物。　我梗係聽（猪腩肉）啦。於是播　Bestseller.Classic No.1(Alla turca)  大針板。天碟級。。點知聽唔夠一分鐘。。我見外國朋友（鋼琴家）臉色有不悅。。但沒出聲　聽第二首For Elise  同樣係鋼琴音樂。。當聽完後。剛剛有飯食咁當然食飯先。食飯時我和朋友都發覺有問題。不過又唔知道什麼所以一直無出聲。。佢太太就好識做咁講其它話題。。。。食完後。聊天幾句後。個女返嚟就沖上樓話要練琴。。個時朋友就問（鋼琴家）可否指點一下個女。後上樓（鋼琴家）就問妹妹想聽什麼。朋友就客氣說隨便啦。。小妹妹無所謂的。。。她便坐上椅上彈（猪腩肉）。。。暈啦。。真係暈啦！！感情！尾音！低音！。個琴十萬都唔駛呀！原來剛才佢覺得我地聽個音樂得過快字。無感情。無尾音。。聲低唔夠厚。好似學生彈琴。我們說這是天碟。試音用。。她說識講英文也未必個個講得好！　她說 回國後寄張我在演奏會收錄的比我地。。我個朋友只好說。原來我真係唔懂聽音樂。。。。嘻嘻。。激死佢。。現在都唔知佢（她）勁。定係套野佩答有問題。。。

小瑟

聽開 live既, 要求仲要高過hifi發燒友好多好多!!!!

mankoo米高

公平o的講,其實鋼琴家每日都聽住真實鋼琴嘅發聲,
就算用到hifi都只能希望重播時盡量像真,傳神,但難以同真鋼琴比...
所以好多前輩會教如果想學聽hifi,要知道如何分別聽出hifi嘅質數,
除了多試多聽外,最好就係多去聽live,多聽live自然腦中存在有真實聲音作參考

Roy

聽鋼琴聲就最易聽出套 HiFi 既短處，套 HiFi 唔夠平衡度和動態少 d 都一定唔似，一粒琴音裹面有好多變化，唔係 "丁" 一聲咁簡單，套 HiFi 可以播得到似鋼琴聲的都大有人在，只係大部份人套機玩得唔好，所以播唔到，好多時玩 HiFi 有高人都會講，先學聽後學玩，就係咁既原因