(help!!) 當有燈制關閉時, 喇叭總會"噗"一聲!!!????

ryan2012

小弟d設備可以話完全唔入流, 入門都不是......
但還請各位指點一下

我自己房內有一部電腦 + 一套divoom x-force 3喇叭
近排唔知咩事, 廁所/廳/房 關燈時總會令喇叭發出 "噗" 一聲
電腦上年有少許升級, 但沒換火牛, 喇叭已有數年歷史

喇叭及電腦之前都一直運作如常, 係近期先出事, 有d懷疑係cheap雞拖板老化而出事, 拖板的年齡比前2者都老
今日去開鴨寮街順手買個belkin 8port拖板, 但最後情況依然......



究竟可以點做? 換喇叭? 換火牛? 定根本要從電箱入手 (老頭子一定殺左我...... )
有冇d簡單方法可以解決呢

plnl88

似係電箱有問題。
一個燈制就話個燈制跳火啫。
個個制都係咁就似電箱有問題了。

corolladv

搵電氣師父睇下，噤簡唔簡單????

poetrypoon

小弟讀過. 只係正常現象. 如果真係怕就用 surge protect 拖板, 起碼唔會燒野, 但都會有 "噗" 一聲.

如果要冇聲就要用電源處理. 工程太大唔係人人玩得起.

ryan2012

THX ALL

一涉及房外的事就係全屋的事.......恐怕有排攪了

YYSKY

先問師兄你家啲是燈膽或是光管呀？鴨記有隻牌子拖板有瀘波器㗎，好似S字頭，約一舊水，係拖板頭有個coil睇得到的，應該解決到你個麻煩。

E個叫浪湧電流，與電箱無關，隻喇叭係有源的嗎？PSU 電容老化了對電壓電流敏感咗失去了吸收浪湧能力。

dpcs

YYSKY 發表於 2013-2-18 01:34
先問師兄你家啲是燈膽或是光管呀？鴨記有隻牌子拖板有瀘波器㗎，好似S字頭，約一舊水，係拖板頭有個coil睇 ...

係“勝利星”牌，自己翻譯英文。
拖板最多六個插頭 又可有濾波器。
約一百元。

YYSKY

dpcs 發表於 2013-2-18 01:40
係“勝利星”牌，自己翻譯英文。
拖板最多六個插頭 又可有濾波器。
約一百元。 ...

中呀！總言之，有個窗口仔元形的睇到個coil印明有瀘波器，想音響改靚聲就爭啲，樓主個問題就應該OK。

plnl88

YYSKY 發表於 2013-2-18 01:34
先問師兄你家啲是燈膽或是光管呀？鴨記有隻牌子拖板有瀘波器㗎，好似S字頭，約一舊水，係拖板頭有個coil睇 ...

但佢隻 belkin surgemaster gold 已有隻 mov 係度，
樓主都話唔得，照樣泡一聲。

YYSKY

plnl88 發表於 2013-2-18 01:50
但佢隻 belkin surgemaster gold 已有隻 mov 係度，
樓主都話唔得，照樣泡一聲。

係喎，無睇真，咁要用其他方法呀，等樓主答咗用燈膽或是光管先，佢唔係掂慣電都唔敢答呀，咁令佢危險呀。