變形金剛短評

ahnel

期待萬分，失望而回。

又一續集比第一集差的例子。看第一集時充滿期待看看史提芬史匹堡甚様變形金剛實體化，結果沒有失望變型效果的處理令人驚嘆。經過第一集的新鮮感，第二集會有什麽突破呢？結果是沒有。上集出色的變身場面竟然在今集反而更少，換來的竟是連場機械人搞笑的馬騮戲。今集加插了不少幾個新機械人角色，但是完全沒有發揮。由其是戲份頗重的孖生機械人，變形金剛不是出來戰鬥的嗎，為什麽竟是出來插科打諢的呢？整套戲的機械角色都好像給弱化，換來的是連場人類悶戲。今集狂派出現了一隻合體的機械巨獸，出場的時候滿有氣勢，但結果.......不值一提，柯柏文如是麥加登如是麥加登的師傅科倫如是，看過你一定會大喊回水。整套戲有三分一像奪寶奇兵，解迷尋寶兒嬉過兒嬉。有三分一是一般大美國的戰爭片，一個高階軍官指指點點大喊給我派什麽什麽到那裡那裡增援，將士在外誓戰鬥，但一定有一個總統派來的情報人強加阻攔，太悶了實在看得夠了。三分一才是真正的變形金剛，但當中又有三分一是搞笑。機械人會搞笑怎會沒人類的份兒，當然搞笑的場面是熟口熟面的美式笑話，還不如看星爺的百變星君。戰鬥場面混亂而不精戰，沒有了上一集在城市裡穿插的緊張感。而且還出現大量人類士兵走來走去對抗狂派的場面，觀眾入場是要看機械人戰鬥，給我一大堆人類士兵幹嗎？要看人類戰爭，我看雷霆救兵還不夠嗎？唯一給我的安慰是女主角美僅霍士，不愧為百大尤物之首，雖然角色是大花瓶但實在是美豔不可芳物，蜜糖色的皮膚魔鬼般的身材野性的長黑髮性感的雙唇藍色的眼，足以俘虜所有男人的目光。

此戲只值70分，有10分是來自美僅霍士。下次我要看的是美僅霍士之狂派大脾。

radhk

agree with few points. e.g.

1. 連場機械人搞笑的馬騮戲 <- 少量可以, 好似開頭Bee 喊, 但太多就唔好.
2. 整套戲的機械角色都好像給弱化，換來的是連場人類悶戲, 有三分一是一般大美國的戰爭片

大佬John

頂唔順D機械人o係政府有個部門 . . 好似睇睇下警匪片 D差佬唔夠打, call聖鬥士星矢出來幫拖...Transformers, Men in black crossover

ahnel

頂唔順D機械人o係政府有個部門 . . 好似睇睇下警匪片 D差佬唔夠打, call聖鬥士星矢出來幫拖...Transformers, Men in black crossover
大佬John 發表於 2009-6-27 09:53

拍拍吓條formula又係一樣, 同x-men冇分別, 係一班唔見得光o既正義英雄~

aegysd

期待萬分，失望而回 → 我都有同感

haha161

i'll watch on 7/7
美僅霍士之狂派大脾

劉一舟

我今日都睇咗凌晨嗰場IMAX版本，好彩係坐最後嗰行，好幾場如開頭上海大戰啲動作又快，鏡頭又好tight，我都睇到眼都花埋，莫講話坐喺下邊啲觀眾.......
今集確比第一集遜色，導演Michael Bay又再發揮其大包圍大場面連場動作但完全冇靈魂冇骨幹的故事，兩個半鐘頭的片長，比起差不多相同時間的第一集感覺來得冗長，係幾場的IMAX場景比較有睇頭，其他場景真係冇乜新意，第一集喺城巿裏面開波不知幾精彩，呢集雖然喺金字塔開拖但感覺同上集喺中東打仗相差冇幾，就算加上新角色和新變種機械人都只不過多了點笑料，對套片冇大幫助，故仔最失敗就係冇個中心點，講得衰啲直頭只係抄番第一集啲架構和其他片的橋段，第一集講沙拉保夫攞住能量方塊喺鎗林彈雨下搏命跑去大廈屋頂，同呢集又係攞住啲嘢喺咁跑喺咁避去救柯柏文，太多場口熟口熟面.........呢集開頭講公元前17,000年，我即刻諗起《公元前一萬年》跟住笑咗出嚟，去到最後沙拉保夫見到亡靈嗰段直頭俾佢吹到脹晒，例牌的結局和伏線更是第三集的預告，總括嚟講，叫我喺戲院睇多次真係唔好搞我，當然唔考究故事內容純粹當爆谷片咁睇係不錯的選擇嘅。

我會俾68分 (100分為滿分)

P.S. 睇完套片好想睇番史sir公司出品的《鐵甲小靈精》和《魔幻小戰士》，因為故仔嘅內容我覺得都幾似。

aegysd

我今日都睇咗凌晨嗰場IMAX版本，好彩係坐最後嗰行，好幾場如開頭上海大戰啲動作又快，鏡頭又好tight，我都睇到眼都花埋，莫講話坐喺下邊啲觀眾.......
今集確比第一集遜色，導演Michael Bay又再發揮其大包圍大場面連 ...
劉一舟 發表於 27-6-2009 21:46

好彩劉兄都有同感……
發表於 昨天 17:41

琴晚睇咗，真係由頭打到尾，不過我個人覺得太多機械人， 我愚呀，睇到有啲亂，個故事唔係幾流暢，隻眼睇到有啲花， 不過震得幾過癮，仲估唔到咁多笑位………

aegysd★我的迷你影音斗室★http://www.post76.com/discuss/vi ... &extra=page%3D1

chinghon718

我今日都睇咗凌晨嗰場IMAX版本，好彩係坐最後嗰行，好幾場如開頭上海大戰啲動作又快，鏡頭又好tight，我都睇到眼都花埋，莫講話坐喺下邊啲觀眾.......
今集確比第一集遜色，導演Michael Bay又再發揮其大包圍大場面連 ...
劉一舟 發表於 2009-6-27 21:46

同意劉兄所講，睇到中間連未來戰士tx都出埋，以為買錯飛睇terminator

劉一舟

同意劉兄所講，睇到中間連未來戰士tx都出埋，以為買錯飛睇terminator
chinghon718 發表於 2009-6-27 22:14

嗰條女吖嘛，真係好鬼似.....

喺埃及你咪見到沙拉保夫左手啲手指紮住咗嘅，唔係做戲架，佢嗰時拍攝期間，真係整斷咗手指架！！！