Cliff Bleszinski: 好似Dead Space 3哩種賣60美金嘅遊戲注定唔賺錢~

@肥狗仔@

業界近期最火熱嘅新遊戲當然係EA驚慄大作《Dead Space 3》。前EPIC創意總監，有"戰爭機器之父"之稱嘅Cliff Bleszinski，最近在Tumblr上分享了對DS系列的感想，其中指出像DS這種恐怖遊戲不會有太美好的前景。

身為超級科幻驚憟迷的Cliff Bleszinski已經將DS1通關，而DS2亦只欠一關就爆機(其實只是卡關)。而近日，Cliff Bleszinski便和妻子合作玩了《Dead Space 3》。經過一日的奮戰，兩人順利完成遊戲的50%流程。其對於DS3由驚憟/恐怖生存變成動作向的改變表示歡迎(包括《Lost Planet》 style的設計):

"感覺上這個系列起始於孤立及封閉的單人流程，而現在它正式進化成更深層次的東西。你可以選擇抗拒或者擁抱它，我就會選擇後者了。"

Cliff Bleszinski又大讚遊戲刺激，畫面華麗，武器系統等。然而，和很多玩家一樣(marcolau兄?)，他覺得整個流程缺乏令人深刻的關卡，並重重覆覆地在幾個空間內進出。而一些遊戲上的設定也使到Cliff Bleszinski莫名其妙，例如"太空飛行時玩家總是毫無意義的安全"。

對於DS3本身，DS1代編劇Antony Johnston早前就指出DS3的過份動作元素及不知所謂的故事對整個整列造成極大的危害。在"恐怖生存"及"動作"兩種不同的遊戲類型上，Cliff Bleszinski認為兩者其實可以融合。但要營造真正的恐怖感，則需要有相當功力的設計師才能達成。否則遊戲便很容易變成要麼喜劇要麼不恐怖的局面。Cliff Bleszinski又指DS系列開發團隊Visceral Games非常針對性的將遊戲做得比較動作而非恐怖，是因為遊戲市場上太多又要玩又要驚嘅玩家存在。而遊戲商總不能「嚇走」自己的米飯班主，儘管這些玩家總是一心想被嚇的。然而，Cliff Bleszinski相信那怕是DS這類商業化的恐怖，一款60美元的的恐怖遊戲通常並不好賣(起碼唔會發到豬頭咁)。因為對於能在兩天通關的遊戲，相比購買，玩家更傾向租借。而在數字下載的大勢下，Cliff Bleszinski希望會有更多好像《Amnesia: The Dark Descent》及《Slenderman》這些真正的恐怖遊戲出現。

現在，Cliff Bleszinski正努力研究同樣考起四成玩家的DS3改槍系統，以及努力嘗試在正常情況下去用肉眼分辦那些外形差不多的「槍」(工程用工具)。不過Cliff Bleszinski的言論一出，隨即引起玩家們的一翻討論。有人認為60美元而又能在兩天甚至更短時間通關的遊戲多的是，為何恐佈遊戲就要被針對?而比較諷刺的是，Cliff Bleszinski的成名作《Gears of War 1》中就充滿著很多驚慄成份，而且能夠一日爆機，結果卻大賣600萬份。如果Cliff Bleszinski所謂不能發達的恐怖遊戲是指被自己稱為"動作化"的DS3，那可真有矛盾之處。無論如何，Cliff Bleszinski的言論起碼暗地裡指出了幾點:

1. 恐怖遊戲 vs 動作遊戲
2. 時下遊戲太短
3. 二手遊戲

三個問題其中兩個本區都有相關的主題去探討過。至於遊戲長短問題，黎緊(不久嘅將來)@肥狗仔@將會找來一篇文章同大家分享，敬請留意。

大佬John

期待肥狗仔深度分柝文

@肥狗仔@

大佬John 發表於 2013-2-17 03:22
期待肥狗仔深度分柝文

冇啊~都係普通嘅翻譯文章而已~所以唔洗太期待~不過之前睇左一兩篇都算幾得意的~

DVD迷

期待肥狗仔深度分柝文x2

marcolau

又開我名....XDD

Dead Space我一向認為很不錯，我比Cliff Bleszinski更喜歡這遊戲，因為上兩集及ignition我都是全成就，DLC都買了只是未玩，而動漫我都有睇過。

Dead Space恐怖嗎..?我不完全認為，因為我只對第二集的Hardcore mode感到恐怖，而原因是來自只得3.5個SAVE....
作晚同朋友花左大半小時去到個隱藏位(因為冇路線顯示，所以要搵路最花時)，開心的就是執到幾支勁武器，但不辛的就是要再花好長時間行回頭路，全程打怪不到10次，搭電梯超過20次，開門超過20次，來回同一個地點平均3次。這就是Dead Space 3。

我不討厭Dead Space 3，因為我仍未參透此作，以下是我初步結論。

故事講什麼，就是一個唔知為咩嘅人搞事，但為咩呢...唔知....求其作個原因比佢可以嗎?為錢?為權力?..冇，總之條友屎忽痕就係本集骨幹......。
一, 二集Isaac係一個技工，要逃生，所以將手上的工具當武器，而今集就是"還拖"，用鎗是理所當然，但隊友又係咩人呢，我只感到D隊友是一味叫Isaac去做，自己又唔做....那就是"還拖"。
解謎是什麼，就像小學生抄功課一樣，答案已經寫左出黎了，你要做的就是抄....而CO-OP就是將一件事分比兩個人做而已。
系統又是什麼，上兩集仍可以技術打弱點，而今集朋友認為敵人速度太快，但我討厭的是敵人行路冇聲，上兩集都有D怪係行路冇聲，但其總會發出一D聲音比你知道，而今集就打中你先知，咁行路冇聲我開5.1黎把春咩，又或是最鍾意係頭頂跳一隻落黎"嚇你"，最神奇係有時當敵人飛埋黎時放慢動作佢都一樣唔會停照飛埋黎，硬食一野...。
CO-OP是什麼，2P就像是透明人一樣的不存在，如第一幕1P被殺後長官自殺時2P就只是睇住佢地死就過埸了，
間唔中過埸時影住2P比人打一野，我朋友就會說「我終於存在了」，有時會見到Isaac同2P交談，但大部份情況2P都好似自言自語，那就是CO-OP故事....
在CO-OP時，因為Isaac是沒有幻覺，反之2P就有，因此會因幻覺而找到隱藏位。其實當2P出現幻覺時(1P是看不到的)，我朋友開心地說「終於有D新野玩」，但當到了隱藏位後佢就說「頂，又要原口路行翻轉頭，唔係掛......」。
有優點嗎?其實並非沒有可取之處，只是所謂優點就是第二代之進化.....如武器系統及升級系統，
而改裝武器是亮點，但另一觀點就是武器太勁因而減少了技術層面，變成單純射擊，這意味著在DS系列中玩斬手斬腳等技巧被推翻了，當然你可以好似以前咁去斬，但實際上是冇必要......。

而如果將DS3定性為動作遊戲，那我就認為是逃生遊戲，因為不斷的搵門、開門、搭電梯、爬樓梯上上落落數百次，那就是Dead Space 3......

@肥狗仔@

marcolau 發表於 2013-2-17 17:26
又開我名....XDD

Dead Space我一向認為很不錯，我比Cliff Bleszinski更喜歡這遊戲，因為上兩集及ignition ...

哈哈 ~文章有互動始終比較生動~當然我唔會好似「EyePat~~大佬john有難。」咁開名法~BTW~好review^^不過我覺得如果Visceral Games索性單機加返個AI同伴入去仲好，佢今集已經唔算太驚嚇，多個人係度鬧鬼可能仲有feel，早兩日玩咗幾個鐘單機，睇返D過場出哂問題。明明一直冇個人係旁邊，去到過場突然彈出黎，哩點個人覺得唔係咁好，當然就平衡度而言可能係必需，但好似成日欠咗D咩咁。至於個改槍系統個人覺得幾得意，同樣係改槍，相對於Ghost Recon: Future Soldier~DS3嘅改槍系統研究價值高出唔少，不過我哩家仲研究緊就是了= =

marcolau

@肥狗仔@ 發表於 2013-2-18 01:41
哈哈 ~文章有互動始終比較生動~當然我唔會好似「EyePat~~大佬john有難。」咁開名法~BT ...

果個隊友的確好搞笑，單打時會冇啦啦彈出黎，雙打時又唔多覺佢存在....
改鎗是有趣，我朋友鍾意連射釘鎗，當機關鎗咁用。
而後段我主要用散彈打遠敵人(支散彈真係射得勁遠又唔駛描....)，近身怪就射D地雷系，整體上我已放棄同佢斬手斬腳....

後二~三版敵人明顯多了，但同時我武器已經好勁，所以冇咩威脅....

但我相信今次我唔會攞全成就，除非我朋友願意同我一齊頂......