如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 LCPD 於 2013-2-16 01:17 編輯
其實較早前已在雜誌及其他論壇聽聞過,
傳說中既JL F113 X2 既相關消息,
但以小弟新手黎講,當時都未知道咩係JL AUDIO... 
直至上到76論壇,慢慢了解,不停爬文先知道,
原來JL 係一件威力無窮,可愛可恨既玩具! 
而今日有幸得到 tangcoma 師兄既邀請,
終於有機會體驗一下。
以下係一個新手的小小小報告,
分享一下今日既喜悅!
1. 末世天書(在一個地方,有人用槍指向"丹素華盛頓"一幕)
D槍聲好似從自己身體擦過一樣,果一種空間感真係好正,
槍聲既回響係好自然,真實。
2. 鳳凰號 + DBOX(墜機一幕)
一路睇住90吋投影幕,加埋聲效再配合DBOX,簡直係致身其中一樣,
音效係點反而無留意,只因DBOX帶比我一種好新鮮既感覺!爽!
3. 強戰世界(地震一幕)
呢套戲係自己第一隻試機碟,亦聽過N次,最初感覺不大,
只係覺得爆玻璃窗時D聲效好幼細,
但一去到三腳怪放死光個位就唔同,
每一下劈落去地面時都係非常有力,同埋有係身邊擦過既感覺。
4. 龍虎門(最尾兩段)
第一PART 二對一,一開始果幾下打沙包已經聽到好唔同,
好有力度,之後到開金鐘罩時,D風聲,回響,雙節棍聲係好埋身,
但又保持到有大空間既感覺。
第二PART 一對一,拳腳力度真係好堅,三個字-快狠勁!
5. AVATAR 3D
部JVC 4K投投真係好鬼正,顏色鮮艷,光線充足,睇得好舒服。
個人覺得十分滿意:
- 90吋16:9投影幕 至 皇帝位大概5呎左右,剛好睇晒個畫面中心,
又唔會太近,睇得舒服
- 有間房可以比自己做私人影院
- 兩隻JL在120呎空間都可以控制得咁好
最後,再次多謝COMA師兄既邀請,
今次家訪,小弟獲益良多,
好多問題亦得到解答,
距離毒海又近左一步... 
期待下次既家訪。
追加詳細內容!
其實報告又點會得咁少呢,
呢兩日由於時間關係,未能詳細報告,
到左今日可以有時間再寫多少少。
當日試既戲都有唔少,包括:
1. 末世天書
2. 鳳凰號
3. 強戰世界
4. U571
5. 龍虎門
6. 車手
7. Batman Begins
8. Batman The Dark Knight Rises
9. 海豹突擊隊
10.AVATAR 3D
11.復仇者聯盟 3D
以小弟得半年既新手黎講,算幾好彩,
初玩幾個月已經去過朋友既朋友屋企聽過 Pioneer SC-LX76,
亦在朋友屋企聽過 Yamaha RX-V765,Onkyo TX-NR809,
而自己則用 Onkyo TX-NR616,
今次有幸見識到 COMA兄既 Denon AVP-A1HDA(3D Edition),
確實係一個好寶貴既經驗。
講起AMP,
相信大部份師兄都知道各大品牌性格及取向,
如:Denon 夠爆,Onkyo 中性.平衡,Yamaha 包圍感強,Pioneer 分析力高等等..
小弟亦不敢拋書包,只係想講,
原來親身體會先知道果一份感覺係點既。
而當日三小時既過程裡面,
其中最深刻印象一定係"末世天書",
當見到畫面第一槍打落"丹素華盛頓"個背包果陣,
我已經成個呆左,果一槍好沉實,即係你會覺得呢槍應該會打到佢好痛既感覺,
呢種中槍既狠勁,在其他AMP係未聽過既,
當然同JL都有關係,但點都係唔同其他牌子AMP聽到中槍既聲效,
當然,級數一定係最主要分別,不能直接比較。
而小弟估計,應該就係Denon既聲底,改變左少少槍聲既聲效,
如果唔用真實既武器相比,呢種實實在在中槍既感覺,我鐘意!
鏡頭一轉,會見到"丹素華盛頓"連開幾槍KO四面八方既敵人,
之後背景靜晒,只聽到槍聲既回響,亦感受到自己在大空間,
回響一層一層,慢慢消失...
呢一下又係好自然,
真係至身現場既感覺一樣。
講起聲低,真係要講下"龍虎門"
本身呢隻碟既音效真係幾誇張,
但小弟覺得又真係有不少可以試聲既地方,
呢隻碟又係睇過N次,但小弟主要唔係試拳腳聲,
而係聽一D好細微既音效,如:風聲,腳步聲,
背景音樂,鐡鍊聲,空間感等等...
在試呢隻碟之前,小弟諗左一陣,
120呎,兩隻JL,會唔會低頻量過大,而失去左好多細節呢?
結果以上既細節全部保留,一D都無少到,
只因小弟在家試過加大SUB仔個量係會失去部份細節,
如小左D腳步聲,風聲等等..
不但無失去細節,仲拳拳到肉,唔係!係入肉先真,
JL F113 真係一件可愛可恨既玩具,
除了部Denon前級控制得好之外,
相信COMA師兄亦用了不少時間調校,反覆試聽,
120呎地方都無點OVER低頻,真讚!
話說回來,拳拳到肉,是狠勁的,
但就分唔出是拳定腳出既聲效,
只因在家是聽得出拳/腳既聲音係兩種唔同既,
是否因Denon既聲底而改變,
這點小弟就真係唔知道喇。
一部靚前級,兩隻優質既Subwoofer,
配以11聲道既夢幻組合,
真係大大加強睇戲既投入度,
跟住有另一位師兄想試"海豹突擊隊"
Coma兄當然好樂意繼續放毒,
我地又再次進入另一個戰場...
救人質一段,開始都係沒大分別,
去到士兵用追擊槍擊落塔頂敵人呢個位,
另一位師兄話,敵人中槍後,個水壺趺落地,
係可以聽到個水壺有幾多水,應該係半壺水,
我自己就未試,其他師兄不防一試!
去到尾段,兩隻艇接收人質,
之後果段機槍聲係左至右打過去,
我當時坐右邊,
只係聽到D子彈打晒落右邊個CD架度,
(Coma兄屋企放BD個架在右手邊)
真係迫真到呢...
(完) |
[複製鏈接]
發表於 2013-2-13 22:50
樓主
師兄快D步入毒海啦！
